ତେନ୍ତୁଳିଖୁଣ୍ଟି , ୧୧।୨ : ନବରଙ୍ଗପୁର ତେନ୍ତୁଳିଖୁଣ୍ଟି ବ୍ଲକ ଝରିଗୁମା ପଞ୍ଚାୟତ ବିରିଗୁଡା ଓ ମେରେଇ ଠାରେ ବିଜେପି ତରଫରୁ ଗାଁ କୁ ଚାଲ ଅଭିଯାନ କାର୍ଯ୍ୟକ୍ରମ କରାଯାଇଥିଲା। ଘର ଘର ବୁଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନହିତକର ଯୋଜନା ଆଧାରିତ ପ୍ରଚାର ପତ୍ର ବଣ୍ଟନ କରାଯାଇଥିଲା।ବଣ୍ଟନ କାର୍ଯ୍ୟକ୍ରମ ପରେ ଏକ ମିଶ୍ରଣ ପର୍ବ ଅନୁଷ୍ଠିତ ହୋଇଥିଲା।
ଏହି ମିଶ୍ରଣ ପର୍ବ ରେ ଭାରତୀୟ ଜନତା ପାର୍ଟିର ନିତି ଆଦର୍ଶ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନହିତକର ଯୋଜନା ପ୍ରତି ଆକୃଷ୍ଟ ହୋଇ ଝରିଗୁମା ଓ ବିରିଗୁଡ଼ା ଗ୍ରାମର ଯୁବକଙ୍କ ସହ ଶତାଧିକ ଗ୍ରାମବାସୀ ଭାରତୀୟ ଜନତା ପାର୍ଟିରେ ବିଧିବଦ୍ଧ ଭାବେ ଯୋଗ ଦେଇଥିଲେ। ସେମାନଙ୍କୁ ଉତ୍ତରୀୟ ପ୍ରଦାନ କରି ଭାରତୀୟ ଜନତା ପାର୍ଟିର ଜିଲ୍ଲା ସଭାପତି ଜଗଦୀଶ ଚନ୍ଦ୍ର ବିଷୋୟୀ ଓ ଜିଲ୍ଲା ସାଧାରଣ ସମ୍ପାଦକ ଅଛୁତାନନ୍ଦ ବିଷୋୟୀ ,ରାଜ୍ୟ କାର୍ଯ୍ୟକାରିଣୀ ସଦସ୍ୟ ଗୌରୀଶଙ୍କର ମାଝି ସ୍ୱାଗତ କରିଥିଲେ।ଏହି ମିଶ୍ରଣ ପର୍ବ ରେ ସାଧାରଣ ସମ୍ପାଦକ ଦେବଦାସ ମହାଙ୍କୁଡ, ଅଭିମନ୍ୟୁ ହରିଜନ,ସହ ବିଜେପି କର୍ମୀ ଉପସ୍ଥିତ ଥିଲେ।
