ନୂଆଦିଲ୍ଲୀ,୬।୯: ଦେଶରେ ବର୍ତ୍ତମାନ ଭାରତ ବନାମ ଇଣ୍ଡିଆ ବିବାଦ ଜାରି ରହିଛି। ଜି-୨୦ ବୈଠକକୁ ନେଇ ରାଷ୍ଟ୍ରପତି ଭବନ ପକ୍ଷରୁ ଜାରି ନିମନ୍ତ୍ରଣ ପତ୍ରରେ ‘ପ୍ରେସିଡେଣ୍ଟ ଅଫ୍ ଭାରତ’ ଲେଖାଯିବା ପରେ ବିରୋଧି ଏବେ ଦରକାରଙ୍କ ଉପରେ ଆକ୍ରାମକ ହୋଇଛନ୍ତି। ତାଙ୍କ କହିବା ଅନୁସାରେ, ସରକାର ଦେଶର ନାଁ ବଦଳାଇବାକୁ ଯାଉଛନ୍ତି। ଉଲ୍ଲେଖନୀୟ ଯେ, ବିରୋଧି ନିଜ ମେଣ୍ଟର ନାଁ ‘ଇଣ୍ଡିଆ’ ରଖିଛନ୍ତି। ଏହା ଭିତରେ ଭାରତୀୟ ନୌସେନାର ଯବାନଙ୍କୁ ପାରମ୍ପାରିକ ଭାରତୀୟ ପରିଧାନ ପିନ୍ଧିବାର ଅନୁମତି ଦେବାର ମଧ୍ୟ ଚର୍ଚ୍ଚା ଚାଲିଛି। ଯଦି ଏହି ଡ୍ରେସ୍ କୋଡ୍ ଲାଗୁ ହେବ ତେବେ ଭୋଜନାଳୟ ଓ ଓ୍ବାର୍ଡରୁମ୍ରେ ଯବାନ ଓ ଅଧିକାରୀ ଭାରତୀୟ ପୋଷାକରେ ନଜର ଆସିବେ। ଉଲ୍ଲେଖନୀୟ ଯେ, ଏପର୍ଯ୍ୟନ୍ତ ସେନାରେ ଭାରତୀୟ ପୋଷାକକୁ ପିନ୍ଧିବାର ଅନୁମତି ନଥିଲା।
ନୌସେନାର ତିନି ଦିନିଆ କନଫ୍ରେସ୍ ବ୍ୟତୀତ ନ୍ୟାସନାଲ ସିଭିଲ ଡ୍ରେସ୍ର ମଧ୍ୟ ପ୍ରଦର୍ଶନ କରାଯାଇଛି। ପ୍ରତିରକ୍ଷା ମନ୍ତ୍ରୀ ଅଜୟ ଭଟ୍ଟଙ୍କ ଆଗରେ ଏହି ପୋଷାକକୁ ପ୍ରଦର୍ଶିତ କରାଯାଇଛି ଯେଉଁଥିରେ କୁର୍ତ୍ତା ପାଇଜାମା, ଫର୍ମାଲ ଓ୍ବେଷ୍ଟକୋଟ୍, ଚୁଡିଦାର ଓ ସୁଟ୍ ସାମିଲ ଥିଲା। ତେବେ ଏହି ପରିଧାନକୁ ନେଇ କୌଣସି ନିଷ୍ପତ୍ତି ନିଆଯାଇ ନାହିଁ। ଶୀର୍ଷ ଅଧିକାରୀଙ୍କ ଆଗରେ ବିଚାର ପାଇଁ ଏହି ପ୍ରସଙ୍ଗ ନିଶ୍ଚୟ ରଖାଯିବ।
ସେନାରେ ଇଂରେଜ ସମୟରୁ ହିଁ ଭାରତୀୟ ପୋଷାକକୁ ଅନୁମତି ନଥିଲା। ଯବାନଙ୍କ ସହ ଅତିଥି ମଧ୍ୟ ସେନାର ଭୋଜନାଳୟରେ ଭାରତୀୟ ପୋଷାକ ପିନ୍ଧିକି ଯାଉ ନଥିଲେ। ତେବେ ପାଶ୍ଚାତ୍ୟ ସଂସ୍କୃତିକୁ ହଟାଇବାରେ ନୌସେନା ସବୁଠାରୁ ଆଗରେ ନଜର ଆସୁଛି। ଗତ ବର୍ଷ ଡିସେମ୍ବରରେ ନୌସୋ ମୁଖ୍ୟ ଆଡମିରାଲ ଆର ହରି କୁମାର କହିଥିଲେ, ପ୍ରଧାନମନ୍ତ୍ରୀ ଲାଲକିଲ୍ଲାରୁ ପଞ୍ଚପ୍ରାଣର ଆଲୋଚନା କରିଥିଲେ। ଏଥିରେ ଗୋଲାମୀ ମାନସିକତାରୁ ମୁକ୍ତି ମଧ୍ୟ ସାମିଲ ଥିଲା।
