ମାଲକାନଗିରି,୧।୨(ଆପ୍ର): ମାଲକାନଗିରି ଜିଲ୍ଲାରେ ନୂତନ ଜିଲ୍ଲାପାଳ ଭାବେ  ସଚିନ ପାୱାର ନିଯୁକ୍ତି ହୋଇ ନିଜର କାର୍ଯ୍ୟ ଆରମ୍ଭ କରିଛନ୍ତି । ଆଜି ସେ ପ୍ରମେୟକୁ ସ୍ୱତନ୍ତ୍ର ସାକ୍ଷାତକାରରେ କହିଛନ୍ତି ‘ସ୍ୱାଭିମାନ ଅଞ୍ଚଳରେ ଶିକ୍ଷା ଜୀବିକା ନିର୍ବାହ ପ୍ରତି ଗୁରୁତ୍ୱ ଦିଆଯିବା ସହ ଜିଲ୍ଲାର ବିକାଶକୁ ପ୍ରାଥମିକତା ଦିଆଯିବ । 

ମାଲକାନଗିରିର ନୂତନ ଜିଲ୍ଲାପାଳ ଭାବେ ୨୦୧୯ ଆଇଏଏସ ବ୍ୟାଚର ସଚିନ ପାୱାର ଗତ ୩୦ ତାରିଖ ଦିନ କାର୍ଯ୍ୟରେ ଯୋଗଦେଇଛନ୍ତି । ଶ୍ରୀ ପାୱାର ଅନୌପଚାରିକ ସାକ୍ଷାତ ସମୟରେ ସେ ସ୍ୱାଭିମାନ ଅଞ୍ଚଳରେ ଶିକ୍ଷା ଓ ଗରିବ ଲୋକଙ୍କ ଜୀବିକା ନିର୍ବାହ ପ୍ରତି ଗୁରୁତ୍ୱ ଦେବେ ଓ ଜିଲ୍ଲାର ବିକାଶକୁ ପ୍ରାଥମିକତା ଦେବେ ବୋଲି କହିଛନ୍ତି । ଶିକ୍ଷା, ସ୍ବାସ୍ଥ୍ୟ, ରାସ୍ତାଘାଟ ନିର୍ମାଣ ସହ ଅନ୍ୟାନ ଉନ୍ନତି ମୂଳକ କାର୍ଯ୍ୟପ୍ରତି ଗୁରୁତ୍ୱ ଦିଆଯାଇ ଜିଲ୍ଲାକୁ ରାଜ୍ୟର ଏକ ନମ୍ବର ଜିଲ୍ଲା ଭାବେ ପ୍ରତିଷ୍ଠା କରିବେ ବୋଲି ମତ ଦେଇଛନ୍ତି । ସେ ଆହୁରି କହିଛନ୍ତି, ପୂର୍ବରୁ ଜିଲ୍ଲାରେ ଚାଲିଥିବା ବିଭିନ୍ନ ଉନ୍ନୟନମୂଳକ ଅଧୁରା କାର୍ଯ୍ୟକୁ ତୁରନ୍ତ ସମ୍ପୂର୍ଣ୍ଣ କରାଯିବ । ଜିଲ୍ଲାର ଉନ୍ନତି ପାଇଁ ସମସ୍ତ ସରକାରୀ ଅଧିକାରୀଙ୍କ ସହିତ ଜିଲ୍ଲାବାସୀ ଓ ଗଣମାଧ୍ୟମ ପ୍ରତିନିଧିଙ୍କ ସହ ଯୋଗ ନିତାନ୍ତ ଜରୁରୀ ବୋଲି ସ୍ୱତନ୍ତ୍ର ସାକ୍ଷାତକାରରେ ଆମ ପ୍ରତିନିଧିଙ୍କୁ କହିଛନ୍ତି ।