ଭୁବନେଶ୍ୱର ୨୭/୦୨: ଏନ୍ସିଇଆର୍ଟି ପକ୍ଷରୁ ତୃତୀୟ ଓ ଷଷ୍ଠ ଶ୍ରେଣୀର ନୂଆ ପୁସ୍ତକ ପ୍ରକାଶ ପାଇବ । ଆସନ୍ତା ୨୦୨୪-୨୫ ଶିକ୍ଷା ବର୍ଷରେ ଏହି ପୁସ୍ତକ ପ୍ରକାଶିତ ହେବ । ଜାତୀୟ ଶିକ୍ଷା ନୀତି-୨୦୨୦ ଏବଂ ନ୍ୟାସନାଲ୍ କରିକୁଲମ୍ ଫ୍ରେମ୍ୱାର୍କ ଆଧାରରେ ଏହି ପୁସ୍ତକ ପ୍ରସ୍ତୁତ କରାଯାଉଛି । କେନ୍ଦ୍ର ଶିକ୍ଷା ମନ୍ତ୍ରଣାଳୟ ପକ୍ଷରୁ ଏହି ପୁସ୍ତକ ପ୍ରସ୍ତୁତି ପାଇଁ ଅଧିକ ପ୍ରାଥମିକତା ଦିଆଯାଉଛି । ଏଥିସହ ପ୍ରଥମ ଓ ଦ୍ୱିତୀୟ ଶ୍ରେଣୀ ପିଲାଙ୍କ ପାଇଁ ମଧ୍ୟ ଏନ୍ସିଇଆର୍ଟି ନୂଆ ପୁସ୍ତକ ପ୍ରସ୍ତୁତି କରିଛି ।
ସୂଚନାଯୋଗ୍ୟ, ପିଲାଙ୍କୁ ସୁହାଇବା ଏବଂ ସମୟ ଉପଯୋଗୀ ଆବଶ୍ୟକତାକୁ ପୁସ୍ତକରେ ଗୁରୁତ୍ୱ ଦିଆଯିବ। ପିଲାଙ୍କୁ ପ୍ରାଥମିକ ଶ୍ରେଣୀରୁ ଦକ୍ଷ କରିବା ଏବଂ ପାଠପଢ଼ା ବୋଝକୁ ହାଲୁକା କରିବାକୁ ମଧ୍ୟ ଗୁରୁତ୍ୱ ଦିଆଯିବ ।
