ଦୁବାଇ,୦୮/୧୨: ଆସନ୍ତା ବର୍ଷ ହେବାକୁ ଥିବା ଟି-ଟ୍ୱେଣ୍ଟି ବିଶ୍ୱକପ୍ ପାଇଁ ଆଇସିସି ଲୋଗୋ ଉନ୍ମୋଚନ କରିଛି । ଆମେରିକା ଓ ୱେଷ୍ଟ ଇଣ୍ଡିଜ ମିଳିତ ଭାବେ ଟି-ଟ୍ୱେଣ୍ଟି ବିଶ୍ୱକପ୍ ଆୟୋଜନ କରିବାକୁ ଯାଉଛନ୍ତି । ଆସନ୍ତା ବର୍ଷ ଜୁନ୍ ୪ ତାରିଖରୁ ବିଶ୍ୱକପ ଆରମ୍ଭ ହୋଇ ୩୦ ତାରିଖରେ ଶେଷ ହେବ । ଏଥର ମୋଟ୍ ୨୦ଟି ଦଳକୁ ନେଇ ବିଶ୍ୱକପ୍ ଆୟୋଜନ କରାଯାଉଛି । ୨୬ଦିନରେ ମୋଟ୍ ୫୫ଟି ମ୍ୟାଚ୍ ଅନୁଷ୍ଠିତ ହେବ । ସେହିପରି ମହିଳା ଟି-ଟ୍ୱେଣ୍ଟି ବିଶ୍ୱକପ୍ ଆସନ୍ତା ବର୍ଷ ସେପ୍ଟେମ୍ବର- ଅକ୍ଟୋବରରେ ଅନୁଷ୍ଠିତ ହେବ । ବାଂଲାଦେଶ ବିଶ୍ୱକପ୍ ଆୟୋଜନ କରିବ ।
ବିଶ୍ୱକପ୍ ପାଇଁ ପ୍ରସ୍ତୁତ କରାଯାଇଥିବା ଲୋଗୋରେ ବ୍ୟାଟ୍, ବଲ୍ ଓ ବିଜୁଳିକୁ ଚିତ୍ରିତ କରାଯାଇଛି । ଟି-ଟ୍ୱେଣ୍ଟି କ୍ରିକେଟ୍ରେ ବ୍ୟାଟ୍ ଓ ବଲ୍ର ସଂଘର୍ଷ ଦର୍ଶକଙ୍କ ଉତ୍କଣ୍ଠା ବଢାଇ ଦେଇଥାଏ । ସମଗ୍ର ଷ୍ଟାଡ଼ିୟମ୍ ଦର୍ଶକଙ୍କ ଉତ୍ସାହରେ ଷ୍ଟାଡ଼ିୟମର ପରିବେଶ ବଦଳି ଯାଏ । ମ୍ୟାଚ୍ର ପ୍ରତିଟି ମୁହୂର୍ତ୍ତ ବିଜୁଳି ଆଲୋକ ଭଳି କ୍ରିକେଟ୍ପ୍ରେମୀଙ୍କ ଉତ୍ସାହକୁ ଉଜ୍ଜ୍ୱଳ କରିଦିଏ । ତେଣୁ ଲୋଗୋରେ ମ୍ୟାଚ୍ର ଉତ୍ସାହ ଉଦ୍ଦୀପନାକୁ ସ୍ଥାନିତ କରାଯାଇଛି ।
Also Read :-
