ପ୍ରମୂଖ ଖବର
  • ବଜେଟ୍ ୨୦୨୪: ସଂସଦରେ ଜାମ୍ମୁ-କାଶ୍ମୀର ବଜେଟ୍ ଉପସ୍ଥାପିତ
  • ||
  • ବଜେଟ ୨୦୨୪: ଓଡ଼ିଶା ପର୍ଯ୍ୟଟନର ବିକାଶ ପାଇଁ ବଡ଼ ଘୋଷଣା, ପର୍ଯ୍ୟଟନର ବିକାଶ ପାଇଁ ମିଳିବ ଆର୍ଥିକ ସହାୟତା
  • ||
  • ବଜେଟ୍ ୨୦୨୪: ସରକାରୀ ସହାୟତାରେ ଛାତ ଉପରେ ଲାଗିବ ସୋଲାର ପ୍ୟାନେଲ, ପ୍ରତି ଘରୁ ମାସିକ ୩ଶହ ୟୁନିଟ ବିଜୁଳି ଉତ୍ପାଦନ ଲକ୍ଷ୍ୟ
  • ||
  • ବଜେଟ ୨୦୨୪:୧ କୋଟି ଘରକୁ ମାଗଣା ବିଜୁଳି ଯୋଗାଣ ହେବ,ପ୍ରଧାନମନ୍ତ୍ରୀ ସୂର୍ଯ୍ୟଘର ମୁକ୍ତ ବିଜୁଳି ଯୋଜନାରେ ମିଳିବ ସୁବିଧା
  • ||
  • ବଜେଟ୍୨୦୨୪: ବନ୍ୟା ମୁକାବିଲା ପାଇଁ ବିହାରକୁ ୧୧, ୫୦୦ କୋଟିର ସହାୟତା,ଆସାମ, ହିମାଚଳ ପ୍ରଦେଶ, ଉତ୍ତରାଖଣ୍ଡ, ସିକିମ୍‌କୁ ମିଳିବ ସହାୟତା
  • ||
  • ବଜେଟ ୨୦୨୪: ବନ୍ୟା ନିୟନ୍ତ୍ରଣ ପାଇଁ ସହାୟତା ଘୋଷଣା,ବନ୍ୟା କ୍ଷତିଗ୍ରସ୍ତ ୫ଟି ରାଜ୍ୟକୁ ସ୍ୱତନ୍ତ୍ର ସହାୟତାର ଘୋଷଣା
  • ||
  • ବଜେଟ ୨୦୨୪: ଜମିବାଡ଼ି ସୁବ୍ୟବସ୍ଥିତ କରିବାକୁ ଆରମ୍ଭ ହେବ ଭୂ-ଆଧାର, ଭୂ-ଆଧାର ଜରିଆରେ ଜମିବାଡ଼ି ଡିଜିଟାଇଜେସନ ହେବ
  • ||
  • ବଜେଟ୍ ୨୦୨୪: ମୁଦ୍ରା ଲୋନ୍‌ ୨୦ ଲକ୍ଷକୁ ବୃଦ୍ଧି ଘୋଷଣା କଲେ ଅର୍ଥମନ୍ତ୍ରୀ,ଧାର୍ଯ୍ୟ ସମୟରେ ପୈଠ କରିଥିବା ବ୍ୟକ୍ତି ଲୋନ୍‌ ପାଇପାରିବେ
  • ||
  • ବିଜେଟ୍ ୨୦୨୪-୨୫: ଗୟାରେ ହେବ ଇଣ୍ଡଷ୍ଟିଆଲ୍ କରିଡ଼ିର, ୧ ହଜାର ଆଇଟିଆଇକୁ ଅପଗ୍ରେଡ୍ କରାଯିବ
  • ||
  • ବିହାର, ଆନ୍ଧ୍ରପ୍ରଦେଶ ପାଇଁ ବଡ଼ ଘୋଷଣା କଲେ ଅର୍ଥମନ୍ତ୍ରୀ, ପୋଲାଭରମ ପ୍ରକଳ୍ପ ଶୀଘ୍ର ସମାପ୍ତ ହେବ, ବିହାରରେ ଏୟାରପୋର୍ଟ, ମେଡିକାଲ କଲେଜ ବିକାଶ
  • ||
  • ସପ୍ତମ ଥର ପାଇଁ ବଜେଟ ଉପସ୍ଥାପନ କଲେ ଅର୍ଥମନ୍ତ୍ରୀ ନିର୍ମଳା ସୀତାରମଣ
  • ||
  • ବିଧାନସଭା ଅଧିବେଶନର ଦ୍ବିତୀୟ ଦିନ, ୪ଟା ଯାଏଁ ଗୃହ ମୁଲତବି
  • ||

ଦିନିକିଆ ବିଶ୍ୱକପ୍‌-୨୦୨୩: ବେଙ୍ଗାଲୁରୁରେ ମୁହାଁମୁହିଁ ହେବେ ନ୍ୟୁଜିଲାଣ୍ଡ- ଶ୍ରୀଲଙ୍କା, କେନ ବାହିନୀ ପାଇଁ ଶେଷ ସୁଯୋଗ

ବେଙ୍ଗାଲୁରୁ,୦୯/୧୧:  ଚଳିତ  ବିଶ୍ୱକପ୍‌ରେ ଗୁରୁବାର ଏକ ଗୁରୁତ୍ୱପୂର୍ଣ୍ଣ  ମୁକାବିଲା ରହିଛି । ଗତ ବିଶ୍ୱକପ୍‌ର ରନର୍ସ ଅପ୍‌ ନ୍ୟୁଜିଲାଣ୍ଡ ଚିନ୍ନାସ୍ୱାମୀ ଷ୍ଟାଡିୟମ୍‌ରେ ଶ୍ରୀଲଙ୍କାକୁ ଭେଟିବାକୁ ଯାଉଛି। ଉଭୟ ଦଳର ଏହା ଶେଷ ଲିଗ୍‌ ମ୍ୟାଚ୍‌। ଶ୍ରୀଲଙ୍କା ସେମି ଦୌଡ଼ରୁ ବାଦ ପଡ଼ି ସାରିଛି । ମାତ୍ର ଏହି ମ୍ୟାଚ୍‌ ନ୍ୟୁଜିଲାଣ୍ଡର ଭାଗ୍ୟ ନିର୍ଦ୍ଧାରଣ କରିବ । କ୍ରମାଗତ ୪ଟି ପରାଜୟକୁ ଭୁଲି ନ୍ୟୁଜିଲାଣ୍ଡ କେବଳ ବିଜୟ ପାଇଁ ପ୍ରୟାସ କରିବ ।  

ନ୍ୟୁଜିଲାଣ୍ଡ ପ୍ରଥମ ୪ଟି ମ୍ୟାଚ୍‌ରେ ଦମ୍‌ଦାର ବିଜୟ ହାସଲ କରିବା ପରେ  ପରବର୍ତ୍ତୀ ୪ଟି ମ୍ୟାଚ୍‌ରେ ଲୟ ହରାଇ ପରାଜିତ ହୋଇଛି । ଆହତ ସମସ୍ୟା  ଲାଗି ରହିଥିବାବେଳେ ଭାଗ୍ୟ ମଧ୍ୟ ଦଳର  ସାଥ୍‌ ଦେଇ ନାହିଁ । କେନ ୱିଲିୟମସନଙ୍କ ଠାରୁ ଆରମ୍ଭ କରି ଲୋକି ଫର୍ଗୁସନଙ୍କ  ପର୍ଯ୍ୟନ୍ତ ଦଳର ଏକାଧିକ ଖେଳାଳି ଆହତ  ହୋଇଛନ୍ତି । ପାକିସ୍ତାନ ବିପକ୍ଷରେ ୪୦୧ ରନ ସଂଗ୍ରହ କରିବା ସତ୍ତେ୍ୱ ନ୍ୟୁଜିଲାଣ୍ଡ  ପରାଜିତ ହୋଇଥିଲା । ବର୍ଷା ଯୋଗୁ ଡକ୍‌ ୱର୍ଥ ଲୁଇସ ନିୟମରେ ପାକିସ୍ତାନ ବିଜେତା ଘୋଷିତ ହୋଇଥିଲା ।  

ଶ୍ରୀଲଙ୍କା ବିପକ୍ଷରେ ନ୍ୟୁଜିଲାଣ୍ଡର ରେକର୍ଡ ଉନ୍ନତ ରହିଛି । ଉଭୟଙ୍କ ମଧ୍ୟରେ ଖେଳାଯାଇଥିବା ଶେଷ ୨୦ଟି ଦିନିକିଆରୁ ନ୍ୟୁଜିଲାଣ୍ଡ ୧୬ଟି ମ୍ୟାଚ୍‌ ଜିତିଛି । ଗୋଟିଏ  ମ୍ୟାଚ୍‌ ବର୍ଷା ଯୋଗୁ ବାତିଲ ହୋଇଥିଲା । ଗୁରୁବାର ରଚିନ ରବିନ୍ଦ୍ରଙ୍କ ଉପରେ ନଜର ରହିବ । ସେ ଇତି ମଧ୍ୟରେ  ୩ଟି ଶତକ ସହ ୫୨୩ ରନ୍‌ ସଂଗ୍ରହ  କରିସାରିଛନ୍ତି । ବେଙ୍ଗାଲୁରୁରେ ଜନ୍ମିତ  ରଚିନଙ୍କ ବ୍ୟାଟ୍‌ରୁ ଗୁରୁବାର ବଡ଼  ଇନିଂସ ଆଶା କରାଯାଉଛି । ନ୍ୟୁଜିଲାଣ୍ଡ  ଏକାଦଶରେ ପରିବର୍ତ୍ତନ କରିବା ନିଶ୍ଚିତ ।  ମାଟ ହେନରୀଙ୍କ ସ୍ଥାନରେ ଦଳକୁ ଆସିଥିବା  କେଲି ଜାମିସନ ଏକାଦଶରେ ସ୍ଥାନ ପାଇବା  ସମ୍ଭାବନା ରହିଛି ।  

ବାଂଲାଦେଶ ବିପକ୍ଷ ବିବାଦୀୟ  ମୁକାବିଲାରେ ପରାଜୟ ପରେ ଶ୍ରୀଲଙ୍କା  ମନୋବଳ ହରାଇ ସାରିଛି । ସ୍ୱଦେଶ  ଫେରିବା ପୂର୍ବରୁ ଏକ ବିଜୟ ସହ ସମ୍ମାନ  ବଞ୍ଚାଇବାକୁ ଦଳ ପ୍ରୟାସ କରିବ । ଗୁରୁବାର ଏକାଦଶରେ ପରିବର୍ତ୍ତନ ସମ୍ଭାବନା  ନାହିଁ । ତଥାପି ଚରିଥ ଆଶାଲଙ୍କାଙ୍କ ଉପରେ  ନଜର ରହିବ । ସେ ବାଂଲାଦେଶ ବିପକ୍ଷରେ  ଶତକ ଅର୍ଜନ କରିଥିଲେ। 

ବେଙ୍ଗାଲୁରୁ ପିଚ୍‌ ବ୍ୟାଟିଂ ପାଇଁ ବେଶ୍‌  ଅନୁକୂଳ । ଏଠାରେ ନ୍ୟୁଜିଲାଣ୍ଡ ଗତ  ପାକିସ୍ତାନ ବିପକ୍ଷ ମ୍ୟାଚ୍‌ରେ ୪୦୧ ରନ୍‌  ସଂଗ୍ରହ କରିଥିଲା । ଗୁରୁବାର ମଧ୍ୟ ବଡ଼  ସ୍କୋର ସମ୍ଭାବନା ରହିଛି । ଶ୍ରୀଲଙ୍କା ମଧ୍ୟ  ଏହି ଗ୍ରାଉଣ୍ଡ୍‌ରେ ଇଂଲଣ୍ଡକୁ ହରାଇଥିଲା ।  

-: ସମ୍ଭାବ୍ୟ ଦଳ :- 

ନ୍ୟୁଜିଲାଣ୍ଡ: ଡେଭନ କନୱେ, ରଚିନ  ରବିନ୍ଦ୍ର, କେନ ୱିଲିୟମସନ(ଅଧିନାୟକ),  ଡାରିଲ ମିଚେଲ, ଟମ ଲାଥମ, ଗ୍ଲେନ  ଫିଲିପ୍ସ, ମାର୍କ ଚାପମାନ, ମିଚେଲ  ସାଣ୍ଟନର, ଆଇସ ସୋଧି/କେଲି ଜାମିସନ,  ଟ୍ରେଣ୍ଟ ବୋଲ୍ଟ, ଲୋକି ଫର୍ଗୁସନ । 

ଶ୍ରୀଲଙ୍କା: ପଥୁମ ନିଶଙ୍କା, କୁଶଲ  ପେରେରା, କୁଶଲ ମେଣ୍ଡିସ୍‌(ଅଧିନାୟକ),  ସଦିରା ସମରବିକ୍ରମା, ଚରିଥ ଆଶାଲଙ୍କା,  ଆଞ୍ଜେଲୋ ମାଥ୍ୟୁସ୍‌, ଧନଞ୍ଜୟ ଡି ସିଲଭା,  ମହୀଶ ତୀକ୍ଷଣା, କାସୁନ ରଜିଥା, ଦୁଷ୍ମନ୍ତ  ଚାମୀରା, ଦିଲସାନ ମଦୁଶଙ୍କା ।

  • prameyanews
  • PrameyaOdia
  • prameya
  • ODI World Cup 2023
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.