ଭୁବନେଶ୍ୱର,୨୬/୦୧: ପୁରୀ ଶ୍ରୀମନ୍ଦିର ଦର୍ଶନ ପାଇଁ ଚାଲୁଥିବା ଶ୍ରୀଜଗନ୍ନାଥ ଏକ୍ସପ୍ରେସ ବସ୍ ସେବାକୁ ଆହୁରି କ୍ରିୟଶୀଳ କରାଯିବ । ଓଡ଼ିଶା ରାଜ୍ୟ ସଡ଼କ ପରିବହନ ନିଗମ (ଓଏସ୍ଆରଟିସି) ୧୨୨ଟି ନୂଆ ସ୍ପେଶାଲ କ୍ଲାସ ଭଲବୋ ବସ୍ କିଣିବ । ଏନେଇ ଓଏସ୍ଆରଟିସି ଅଫିସ୍ ପକ୍ଷରୁ ପକ୍ରିୟା ଆରମ୍ଭ ହୋଇଛି ।
ପ୍ରାଥମିକ ପର୍ଯ୍ୟାୟରେ ଲକ୍ଷ୍ମୀ ଯୋଜନାରେ ୧୨ ଜିଲ୍ଲାରୁ ପୁରୀକୁ ଜଗନ୍ନାଥ ଏକ୍ସପ୍ରେସ ଚାଲିଛି । ଗତ ୧୮ ତାରିଖରେ ମୁଖ୍ୟମନ୍ତ୍ରୀ ଏହାର ଶୁଭଉଦ୍ଘାଟନ କରିଥିଲେ । ଦ୍ୱିତୀୟ ପର୍ଯ୍ୟାୟରେ ବାକି ଥିବା ଜିଲ୍ଲାରେ ବସ୍ ସେବା ଆରମ୍ଭ ହେବ । ଏହାସହ ୫୮ଟି ସବ୍ ଡିଭିଜନରୁ ପୁରୀକୁ ଏହି ବସ୍ ସେବା ଆରମ୍ଭ ହେବାକୁଯାଉଛି । ତେଣୁ ସ୍ୱତନ୍ତ୍ର ଡିଜାଇନ୍ର ଏହି ବସ୍ ପ୍ରସ୍ତୁତ କରାଯିବ ।
ପ୍ରତି ବସ୍ର ମୂଲ୍ୟ ପାଖାପାଖି ୧.୫ କୋଟି ଟଙ୍କା ରହିଛି । ସେଥିମଧ୍ୟରୁ କିଛି ବସ୍ ହସ୍ତାନ୍ତର ସରିଛି । ବାକି ବସ୍ ଖୁବଶୀଘ୍ର ଆସିବ ବୋଲି ବିଶ୍ୱସ୍ତସୂତ୍ରରୁ ସୂଚନା ମିଳିଛି । ଏନେଇ ଗତବର୍ଷ ଅକ୍ଟୋବର ମାସରେ ରାଜ୍ୟ କ୍ୟାବିନେଟ ଏହି ପ୍ରସ୍ତାବ ଉପରେ ମୋହର ମାରିଥିଲା । ମୋଟ୍ ୧୮୩ କୋଟି ଟଙ୍କା ଖର୍ଚ୍ଚ ହେବ ।
