ମାଲକାନଗିରି,୨୦/୨(ଆପ୍ର) ଆଜି ଠାରୁ ଆରମ୍ଭ ହୋଇଛି ୧୦ମ ଶ୍ରେଣୀ ବୋର୍ଡ ପରୀକ୍ଷା ।  ସେଥିପାଇଁ ଜିଲ୍ଲା ପ୍ରଶାସନ ଓ ଶିକ୍ଷା ବିଭାଗ ପକ୍ଷରୁ ତ୍ରିସ୍ଥରୀୟ ସୁରକ୍ଷା ବ୍ୟବସ୍ଥା କରାଯାଇଛି । ମାଲକାନଗିରି ଜିଲ୍ଲାରେ ଚଳିତ ବର୍ଷ ୧୨୫ଟି ହାଇସ୍କୁଲର ୮୯୮୨ ଜଣ ଛାତ୍ରଛାତ୍ରୀ ପରୀକ୍ଷା ଦେବା ପାଇଁ ଫର୍ମ ଫିଲପ କରିଥିଲେ । ସେମାନଙ୍କ ମଧ୍ୟରୁ ୮୭୩୫ ଜଣ ୪୧ଟି ପରୀକ୍ଷା କେନ୍ଦ୍ରରେ ପରୀକ୍ଷା ଦେଇଥିବା ବେଳେ ୨୪୭ ଜଣ ଅନୁପସ୍ଥିତ ଅଛନ୍ତି । ଏହି ପରୀକ୍ଷାକୁ କପିମୁକ୍ତ ଓ ଶାନ୍ତି ଶୃଙ୍ଖଳାର ସହିତ କରିବା ପାଇଁ ସ୍ୱତନ୍ତ୍ର ସ୍କ୍ବାର୍ଡ ଜିଲ୍ଲା ଓ ସେଣ୍ଟ୍ରାଲ ସ୍ଥରୀୟ ସ୍କ୍ବାର୍ଡ ଗଠନ ହୋଇ ୬୮ ଜଣ ଏବଂ ଅବଜର୍ଭରଙ୍କୁ ମୁତୟନ କରାଯାଇଛି । ସମସ୍ଥ ପରୀକ୍ଷା କେନ୍ଦ୍ର ଗୁଡିକ ସିସି ଟିଭି ନଜରରେ ରହିଛି ବୋଲି ଭାରପ୍ରାପ୍ତ ଜିଲ୍ଲା ଶିକ୍ଷା ଅଧିକାରୀ ଚିତ୍ତ ରଞ୍ଜନ ପାଣ୍ଡେ ସୂଚନା ଦେଇଛନ୍ତି । ଚଳିତ ବର୍ଷ ୮୭୨୮ ଜଣ ରେଗୁଲାର, ୨୬ ଜଣ ଏକ୍ସ ରେଗୁଲାର, ୨ ଜଣ ପତ୍ରବିନିମୟରେ ପରୀକ୍ଷା ଦେବେ । ଠିକ ସେହିପରି ମୁକ୍ତ ସ୍କୁଲ ପରୀକ୍ଷାରେ ଜିଲ୍ଲାର ୮ଟି ଷ୍ଟଡି ସେଣ୍ଟରର ୨୨୬ ଜଣ ଛାତ୍ରଛାତ୍ରୀ ସ୍ୱତନ୍ତ୍ର ଭାବେ ୨ଟି କେନ୍ଦ୍ରରେ ପରୀକ୍ଷା ଦେବେ । ସେଥିପାଇଁ ୧୦ଟି ନୋଡାଲ ସେଣ୍ଟର ଖୋଲାଯାଇ ସମସ୍ଥ ଥାନା ଗୁଡିକରେ ସୁରକ୍ଷିତ ଭାବେ ପ୍ରଶ୍ନ ପତ୍ରଗୁଡିକ ରହିଛି । ଛାତ୍ରଛାତ୍ରୀ ମାନେ ପରୀକ୍ଷା କେନ୍ଦ୍ରରେ ଶାନ୍ତି ଶୃଙ୍ଖଳାର ସହିତ ଯେପରି ପରୀକ୍ଷା ଦେବେ ସେ ନେଇ ଜିଲ୍ଲା ପ୍ରଶାସନ ଓ ଶିକ୍ଷା ବିଭାଗ ପକ୍ଷରୁ ସମସ୍ଥ ପ୍ରକାର ବ୍ୟବସ୍ଥା କରାଯାଇଛି । କପି ରୋକିବା ପାଇଁ ତ୍ରିସ୍ଥରୀୟ ସୁରକ୍ଷା ଓ ସ୍କ୍ୱାର୍ଡ ବ୍ୟବସ୍ଥା ମଧ୍ୟ କରାଯାଇଛି ।