ନୂଆଦିଲ୍ଲୀ- କେନ୍ଦ୍ରର ମୋଦି ସରକାର ‘ୱାନ ନେସନ , ୱାନ ଇଲେକ୍ସନ’ ଅର୍ଥାତ୍ ଗୋଟିଏ ଦେଶ-ଗୋଟିଏ ନିର୍ବାଚନ ଦିଗରେ ଆଉ ଏକ ପାଦ ଆଗକୁ ବଢାଇ ଦେଇଛି। ଆଇନ ମନ୍ତ୍ରାଳୟ ପୂର୍ବତନ ରାଷ୍ଟ୍ରପତି ରାମନାଖ କୋବିନ୍ଦଙ୍କ ଅଧ୍ୟକ୍ଷତାରେ କମିଟି ଗଠିତ କରି ଦେଇଛି । ଏହାସହ ହିଁ କମିଟିର ସଦସ୍ୟଙ୍କ ନାମକୁ ମଧ୍ୟ ଘୋଷଣା କରି ଦେଇଛି। କମିଟିରେ ମୋଟ ୮ ଜଣ ଲୋକ ସାମିଲ ହେବେ। ଏଥିରେ ଅମିତ ଶାହ , ଅଧିର ରଞ୍ଜନ ଚୌଧୁରୀ , ଗୁଲାମ ନବୀ ଆଜାଦ , ଏନକେ ସିଂହ , ସୁଭାଷ କଶ୍ୟପ , ହରିଶ ସାଲ୍ୱେ ଓ ସଞ୍ଜୟ କୋଠାରୀ ପ୍ରମୁଖ ସଦସ୍ୟ ରହିବେ।
‘ୱାନ ନେସନ , ୱାନ ଇଲେକ୍ସନ’ରେ କେନ୍ଦ୍ରୀୟ ସଂସଦୀୟ କାର୍ଯ୍ୟ ମନ୍ତ୍ରୀ ପ୍ରହ୍ଲାଦ ଯୋଶୀ କହିଛନ୍ତି , ଏବେ ଗୋଟିଏ ସମିତିର ଗଠନ କରାଯାଇଛି। ସମିତିର ଏକ ରିପୋର୍ଟ ଆସିବ , ଯାହା ଉପରେ ଆଲୋଚନା ହେବ। ସଂସଦ ପରିପକ୍ୱ ଏବଂ ସେଠାରେ ଆଲୋଚନା ହେବ। ଚିନ୍ତା କରିବାର ଆବଶ୍ୟକତା ନାହିଁ ... ଭାରତକୁ ଗଣତନ୍ତ୍ରର ଜନନୀ କୁହାଯାଏ , ଯେଉଁଠି ବିକାଶ ହୋଇଛି ... ମୁଁ ସଂସଦର ବିଶେଷ ଅଧିବେଶନର ଏଜେଣ୍ଡା ଉପରେ ଆଲୋଚନା କରିବି।
ଏହାସହ ମଧ୍ୟ ପଢ଼ନ୍ତୁ - ଜି -20 ସମ୍ମିଳନୀ ସମୟରେ ସୁରକ୍ଷା ପାଇଁ ଦିଲ୍ଲୀ ପୋଲିସର ନୂଆ ୟୁନିଫର୍ମ, ଖାକି ପୋଷାକରେ ନୁହେଁ ବରଂ ଭିନ୍ନ ପୋଷାକରେ ରଖିବେ ନଜର...
ଗୋଟିଏ ଦେଶ –ଗୋଟିଏ ନିର୍ବାଚନ ବିଷୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟିପ୍ପଣୀ କରି ସାରିଛନ୍ତି। ଏହି ବିଲ୍ର ସମର୍ଥନ ପଛରେ ସବୁଠୁ ବଡ଼ ତର୍କ ଏଠାରେ ହେବାକୁ ଯାଉଛି କି ଏହା ଦ୍ୱାରା ନିର୍ବାଚନରେ ଖର୍ଚ୍ଚ ହେଉଥିବା କୋଟି କୋଟି ଟଙ୍କାକୁ ରୋକା ଯାଇ ପାରିବ। ଅର୍ଥ ବ୍ୟୟକୁ ରୋକିବା ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅନେକ ସ୍ଥାନରେ ୱାନ ନେସନ-ୱାନ ଇଲେକ୍ସନର ବାଖ୍ୟା କରି ସାରିଛନ୍ତି।
ଉଲ୍ଲେଖନୀୟ ଯେ, ୧୯୫୧-୧୯୫୨ ଲୋକସଭା ନିର୍ବାଚନରେ ୧୧କୋଟି ଟଙ୍କା ଖର୍ଚ୍ଚ ହୋଇଥିଲା , ଯାହାକି ୨୦୧୯ ଲୋକସଭା ନର୍ବାଚନରେ ୬୦ ହଜାର କୋଟି ଟଙ୍କାର ଉଚ୍ଚ ଅର୍ଥ ଖର୍ଚ୍ଚ ହୋଇଥିଲା । ପ୍ରଧାନମନ୍ତ୍ରୀ ମୋଦି କହି ସାରିଛନ୍ତି କି , ଏଥିରେ ଦେଶର ସଂଶାଧନ ବଞ୍ଚିବ ଓ ବିକାଶର ଗତି ଧୀମା ପଡ଼ିବ ନାହିଁ ।
ଏହାସହ ମଧ୍ୟ ପଢ଼ନ୍ତୁ - ଜ୍ଞାନବ୍ୟାପୀ ମାମଲା : ସର୍ଭେର ରିପୋର୍ଟ ପ୍ରଦାନ କରିବା ପୂର୍ବରୁ କୋର୍ଟରେ ପହଞ୍ଚିଲା ଏଏସଆଇ
