ଲମତାପୁଟ, ୬।୦୨: ଦୁର୍ବୁତ୍ତଙ୍କ ଆକ୍ରମଣରେ ଜଣଙ୍କର ମୃତ୍ୟୁ ହୋଇଥିବା ବେଳେ ଦୁଇ ଗୁରୁତର ହୋଇଥିବା ସୂଚନା l ବୈପାରୀଗୁଡ଼ା ବ୍ଲକ ଦୋରାଗୁଡ଼ା ଗ୍ରାମର ୩ ଜଣ ବ୍ୟକ୍ତି ବୁଲେଟ୍ ଲମତାପୁଟରୁ ଘରକୁ ଫେରୁଥିଲେ l ଲମତାପୁଟରୁ ପ୍ରାୟ ୪ କିଲୋମିଟର ଦୂର ମୁଖ୍ୟ ରାସ୍ତାରେ ଦୁର୍ବୁତ୍ତମାନେ ଲୁହା ଛଡ଼ ଏବଂ ଠେଙ୍ଗାରେ ଆକ୍ରମଣ କରିଥିଲେ ।
ଘଟଣାସ୍ଥଳରେ ଗୁରୁଶୁକ୍ରୀଙ୍କ ମୃତ୍ୟୁ ହୋଇଥିବା ବେଳେ ସନିଆ ହନ୍ତାଳ ଏବଂ ସନିଆ ଖରା ଗୁରୁତର ଅବସ୍ଥାରେ ଲମତାପୁଟ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି ହୋଇଛନ୍ତି l ରାତିରେ ଲମତାପୁଟ ପୋଲିସ ପାଟ୍ରୋଲିଙ୍ଗ କରୁଥିବା ବେଳେ ଘଟଣାସ୍ଥଳରେ ପୋଲିସ ପହଞ୍ଚି ସମସ୍ତଙ୍କୁ ଉଦ୍ଧାର କରିଥିଲା । ପରେ ମେଡିକାଲରେ ଭର୍ତ୍ତି କରିବା ସହ ତଦନ୍ତ ଆରମ୍ଭ କରିଛି l ରାତିରେ ୩ ଜଣ ଲମତାପୁଟଠାରେ ଥିବା ଉଡ଼ାନ ବାର୍ରେ ମଦ୍ୟପାନ କରିବା ସମୟରେ କିଛି ବ୍ୟକ୍ତିଙ୍କ ସହ ତାଙ୍କର ପାଟିତୁଣ୍ଡ ହୋଇଥିଲା l ହୁଏତ ସେମାନେ ଆକ୍ରମଣ କରିଥାଇପାରନ୍ତି ବୋଲି ପୋଲିସ ସନ୍ଦେହ କରୁଛି l