ପ୍ରମୂଖ ଖବର
  • ଟି-ଟ୍ୱେଣ୍ଟି ବିଶ୍ୱକପ୍‌ରେ ସୁପର-୮ ରାଉଣ୍ଡ ଚୂଡ଼ାନ୍ତ, ଅଷ୍ଟ୍ରେଲିଆ, ଆଫଗାନିସ୍ତାନ, ବାଂଲାଦେଶକୁ ଭେଟିବ ଭାରତ
  • ||
  • କନିଷ୍ଠ ଶିକ୍ଷକ ଚୟନ ଅନିୟମିତତା ମାମଲା, ଓସେପା ମେରିଟ୍ ଲିଷ୍ଟ କାଏମ ରଖିଲେ ହାଇକୋର୍ଟ
  • ||
  • ବାଲେଶ୍ୱର: ଆଇନ ଶୃଙ୍ଖଳା ମାନିବା ସହ ଶାନ୍ତି ବଜାୟ ରଖିବାକୁ ଏସପି ସାଗରିକା ନାଥଙ୍କ ଅନୁରୋଧ
  • ||
  • ଭୁବନେଶ୍ୱର: ପଥରବନ୍ଦ ବସ୍ତିରେ ଗୋଷ୍ଠୀ ସଂଘର୍ଷ, ଘଟଣାସ୍ଥଳରେ ପୋଲିସ ମୁତୟନ
  • ||
  • ଜୁନ୍‌ ୨୦ରେ ବାଚସ୍ପତି ନିର୍ବାଚନ, ଖୁବ୍‌ଶୀଘ୍ର କଂଗ୍ରେସ ବିଧାୟକ ଦଳ ନେତା ଘୋଷଣା
  • ||
  • ଅସଲି ପୋଲିସ ହାତରେ ଧରାପଡ଼ିଲା ନକଲି ସିବିଆଇ ପୋଲିସ, ଲୋକଙ୍କଠୁ ଲୁଟୁଥିଲା ଲକ୍ଷାଧିକ ଟଙ୍କା
  • ||
  • ଖୋଲିଲା ସ୍କୁଲ, ଅଧା ଜିଲ୍ଲାରେ ସକାଳୁ କ୍ଲାସ ଆରମ୍ଭ, ୧୧ ଜିଲ୍ଲାରେ ୨୦ ଯାଏ ସ୍କୁଲ ବନ୍ଦ
  • ||
  • ମଙ୍ଗଳବାର, ବୁଧବାର ନବନିର୍ବାଚିତ ବିଧାୟକଙ୍କୁ ଶପଥ ପାଠ କରାଇବେ କାମଚଳା ବାସ୍ପପତି, ୨୦ ନୂଆ ବାଚସ୍ପତି ନିର୍ବାଚନ
  • ||
  • ଅଶାନ୍ତ ବାଲେଶ୍ୱର: ଗୋଷ୍ଠୀ ସଂଘର୍ଷ ପାଇଁ କର୍ଫ୍ୟୁ, ୨୪ ଘଣ୍ଟା ବନ୍ଦ ରହିବ ଦୋକାନ ବଜାର
  • ||
  • ରାଜ୍ୟରେ ୪୨% ନିଅଣ୍ଟିଆ ବର୍ଷା, ୩ ଜିଲ୍ଲାରେ ସ୍ୱାଭାବିକ, ୨୬ ଜିଲ୍ଲାରେ ନିଅଣ୍ଟିଆ: ୪ ଦିନ ଭିତରେ ମୌସୁମୀ ଅଗ୍ରସର ହେବ
  • ||

ଜମ୍ମୁ-କାଶ୍ମୀରରେ ହିଂସା ପାଇଁ ପାକ୍‌ ଷଡ଼ଯନ୍ତ୍ର: ଡ୍ରୋନ ସହାୟତାରେ ଆସିଛି ୩୦୦ରୁ ଅଧିକ ଅସ୍ତ୍ରଶସ୍ତ୍ର

ନୂଆଦିଲ୍ଲୀ, ୧୫।୯: ଜମ୍ମୁ-କାଶ୍ମୀରରେ ଅଧିକରୁ ଅଧିକ ଆତଙ୍କୀଙ୍କୁ ଅନୁପ୍ରବେଶ କରାଇ ହିଂସାକାଣ୍ଡ ଭିଆଇବାକୁ ପାକିସ୍ତାନୀ ସେନା ଷଡ଼ଯନ୍ତ୍ର ଆରମ୍ଭ କରିଛି । ସେଥିପାଇଁ ପାକିସ୍ତାନୀ ସେନା ସୀମା ଆରପଟେ ରହିଥିବା ଆତଙ୍କୀ ଶିବିର ଓ ଲଞ୍ଚ ପ୍ୟାଡକୁ ଏବେ ଏଲ୍‌ଓସି (ନିୟନ୍ତ୍ରଣ ରେଖା) ନିକଟକୁ ସ୍ଥାନାନ୍ତର କରିଛି । ଏହି ଆତଙ୍କୀ ଶିବିରରେ ଲସ୍କର-ଇ-ତୋଇବା, ଜୈସ-ଇ-ମହମ୍ମଦ ଏବଂ ହିଜବୁଲ ମୁଜାହିଦ୍ଦିନ ଭଳି ଆତଙ୍କୀ ସଙ୍ଗଠନର ସଦସ୍ୟମାନେ ସାମିଲ ଅଛନ୍ତି । ଭାରତୀୟ ସୁରକ୍ଷା ଏଜେନ୍ସିର ଦୃଷ୍ଟିରୁ ବର୍ତ୍ତିବା ଲାଗି ଆତଙ୍କୀମାନେ ଅନେକ ରୁଟ୍‌ ଦେଇ ଭାରତୀୟ ସୀମା ଭିତରକୁ ଅନୁପ୍ରବେଶ କରିବା ପାଇଁ ଉଦ୍ୟମ କରୁଛନ୍ତି । ଲଞ୍ଚ ପ୍ୟାଡରେ ଥିବା ଆତଙ୍କୀଙ୍କୁ ପାକିସ୍ତାନ ଗୁଇନ୍ଦା ସଂସ୍ଥା ଆଇଏସ୍‌ଆଇ ନିଯୁକ୍ତି ଓ ତାଲିମ ଦେଉଛି । ଜମ୍ମୁ-କାଶ୍ମୀରରେ ହାଇବ୍ରିଡ ଆତଙ୍କୀ ଆକ୍ରମଣ ଲାଗି ଆଇଏସ୍‌ଆଇ ଡ୍ରୋନ ଓ ଅନ୍ୟାନ୍ୟ ମାଧ୍ୟମରେ ଶ୍ରୀନଗରକୁ ପ୍ରାୟ ୩୦୦ରୁ ଅଧିକ ଅସ୍ତ୍ରଶସ୍ତ୍ର ମଧ୍ୟ ପଠାଇଥିବା ଜଣାପଡିଛି । 

ବିଶେଷ ସୂତ୍ରରୁ ମିଳିଥିବା ସୂଚନା ଅନୁସାରେ ଭାରତ ସହ ହୋଇଥିବା ଯୁଦ୍ଧବିରତିରୁ ଓହରିଯିବା ଲାଗି ପାକିସ୍ତାନ ଉପରେ ବିଭିନ୍ନ ଆତଙ୍କୀ ସଙ୍ଗଠନ ଚାପ ପକାଇବାରେ ଲାଗିଛନ୍ତି । କେବଳ ଏତିକି ନୁହେଁ, ପାକିସ୍ତାନକୁ ସମର୍ଥନ କରୁଥିବା କିଛି ତାଲିବାନ ଆତଙ୍କୀ ମଧ୍ୟ ଭାରତରେ ଅନୁପ୍ରବେଶ କରିବା ଲାଗି ବାହାବଳପୁର, ପେଶାୱର ଓ ମୁଜାଫରାବାଦରେ ଅପେକ୍ଷା କରିଥିବା ନେଇ ଗୁଇନ୍ଦା ସୂଚନା ମିଳିଛି । ଆତଙ୍କୀମାନଙ୍କୁ ଭାରତୀୟ ସୀମା ଭିତରେ ଅନୁପ୍ରବେଶ କରାଇବା ଲାଗି ପାକିସ୍ତାନୀ ସେନା କଭର ଫାୟାର କରି ଗୁଳିମାଡ଼ ମଧ୍ୟ କରୁଛି । ଭାରତୀୟ ସେନା ପାଲଟା ଗୁଳିମାଡ଼ କଲେ ତାକୁ ଆଳ କରି ପାକିସ୍ତାନ ଯୁଦ୍ଧବିରତିରୁ ଓହରିଯିବାକୁ ବଡ କାରଣ ଭାବେ ଦର୍ଶାଇବ । ସେଥିପାଇଁ ଭାରତୀୟ ସେନା ଯଥାସମ୍ଭବ ସଂଯମ ଆଚରଣ କରିଆସୁଛି । ପାକ୍‌ ଅଧିକୃତ କାଶ୍ମୀର (ପିଓକେ)ର ମନସେରା, ମୁଜାଫରାବାଦ ଓ କୋଟଲିରେ ଆତଙ୍କୀ କ୍ଲଷ୍ଟର ରହିଛି । ମନସେରାର ବୋଇ, ବାଲାକୋଟ୍‌ ଓ ଗଢ଼ି ହବିବୁଲ୍ଲା ଅଞ୍ଚଳରେ ୩ଟି ଆତଙ୍କୀ ଲଞ୍ଚ ପ୍ୟାଡ୍‌ ରହିଥିଲା ବେଳେ ମୁଜାଫରାବାଦର ଚେଲାବନ୍ଦି, ସାୱଇନଳା, ଅବଦୁଲା ବିନ ମାସୁଦ ଏବଂ ଦୁଲାଇ ଅଞ୍ଚଳରେ ୪ଟି ଲଞ୍ଚ ପ୍ୟାଡ ରହିଥିବା ଜଣାପଡିଛି ।

ସେହିଭଳି କୋଟଲି କ୍ଲଷ୍ଟର ଅଧୀନରେ ସେନ୍‌ସା, କୋଟଲି, ଗୁଲପୁର, ଫଗୋସ ଏବଂ ଡବଗି ଆଦି ୫ଟି ସ୍ଥାନରେ ଆତଙ୍କୀ ଲଞ୍ଚ ପ୍ୟାଡ ରହିଛି । ଜମ୍ମୁକାଶ୍ମୀର ସୀମାନ୍ତବର୍ତ୍ତୀ ଗୁରେଜ, କେଲ୍‌, ନୀଲମ ଭ୍ୟାଲି, ଟଙ୍ଗଧର, ଛରି ଚକୋଟି, ଗୁଲମାର୍ଗ, ପୁଞ୍ଚ, ରାଜୌରୀ, ନୌସେରା ଓ ସୁନ୍ଦରବନୀ ସେକ୍ଟର ଠାରୁ ମାତ୍ର ୨-୩ କି.ମି. ଦୂରରେ ଏସବୁ ଲଞ୍ଚ ପ୍ୟାଡ ରହିଛି । ଏସବୁ ଲଞ୍ଚ ପ୍ୟାଡରେ ତାଲିମ ନେଉଥିବା ଆତଙ୍କୀଙ୍କୁ ପାକିସ୍ତାନର ପଞ୍ଜାବ ପ୍ରଦେଶରୁ ଚୟନ କରାଯାଇଛି । ସେମାନଙ୍କୁ ଅସ୍ତ୍ରଶସ୍ତ୍ର ଚଳାଇବା ସହ ବିସ୍ଫୋରକ ବ୍ୟବହାର ଏବଂ ଆତ୍ମଘାତୀ ଆକ୍ରମଣ ଲାଗି ତାଲିମ୍‌ ଦିଆଯାଉଛି । ସେମାନେ ଅନୁପ୍ରବେଶ କରିବା ପରେ ଜମ୍ମୁ-କାଶ୍ମୀରରେ ଥିବା ଓଭର ଗ୍ରାଉଣ୍ଡ ୱାର୍କର (ଓଡବ୍ଲ୍ୟୁଜି) ସେମାନଙ୍କ ରହିବାର ବ୍ୟବସ୍ଥା କରନ୍ତି । ଓଡବ୍ଲ୍ୟଜିଙ୍କୁ ଆଇଏସ୍‌ଆଇ ଡ୍ରୋନ ସହାୟତାରେ ଅସ୍ତ୍ରଶସ୍ତ୍ର ଓ ବିସ୍ଫୋରକ ସାମଗ୍ରୀ ଯୋଗାଉ ଦେଉଛି ।

 

  • Pakistan
  • jammu kashmir voilence
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.