ଇସଲାମାବାଦ, ୦୬/୦୯: ପାକିସ୍ତାନ ପାଇଁ ମୁଣ୍ଡବିନ୍ଧାର କାରଣ ପାଲଟିଛି ତେହରିକ୍‌ ଏ ତାଲିବାନ ପାକିସ୍ତାନ-ଟିଟିପ । ବିଭିନ୍ନ ସମୟରେ ସେନା ଏବଂ ପୋଲିସ ଉପରେ ଆକ୍ରମଣ କରୁଥିବା ଟିଟିପି ଏବେ ପାକିସ୍ତାନୀ ଗାଁକୁ କବଜା କରିଥିବା ଜଣାପଡ଼ିଛି । ପାକିସ୍ତାନ ସୀବାବର୍ତ୍ତୀ ଅଞ୍ଚଳ ଖୈବର ପଖତୁନଖ୍ୱାରେ ଆତଙ୍କ ଜାରି ରଖିଛି ଟିଟିପି । ଏହି ଅଞ୍ଚଳରେ ଥିବା ଚିତ୍ରାଲ ଜିଲ୍ଲାର ଏକାଧିକ ଗାଁ ଉପରେ ଟିଟିପି କବ୍‌ଜା କରି ନେଇଛି । 

ବ୍ଲିଙ୍କେନଙ୍କ କିଭ୍‌ ଗସ୍ତ ବେଳେ ୟୁକ୍ରେନୀୟ ସହରରେ ବୋମା ବର୍ଷା କଲା ରୁଷିଆ, ୧୬ରୁ ଅଧିକ ମୃତ

ସେପ୍ଟେମ୍ବର ୬  ତାରିଖ ବୁଧବାର ଭୋର ୪ଟା ସମୟରେ ଟିଟିପି ସଦସ୍ୟ ପାକିସ୍ତାନ ସେନା ଉପରେ ଆକ୍ରମଣ କରିଥିଲେ। ଏଥିରେ ଏକାଧିକ ପାକିସ୍ତାନ ସୈନ୍ୟଙ୍କର ମୃତ୍ୟୁ ହୋଇଛି । ଏନେଇ ଜଣେ ଟିଟିପି କମାଣ୍ଡର ‘ଦି ଖୋର୍‌ସାନ ଡାଏରୀ’କୁ ସୂଚନା ଦେଇଛନ୍ତି । ସେ କହିଛନ୍ତି ଯେ, ଟିଟିପି ଦ୍ୱାରା ଚିତ୍ରାଲ ଜିଲ୍ଲାରେ ଏକ ସୈନ୍ୟ ଅପରେସନ ହୋଇଥିଲା। ଏଥିରେ ଏକାଧିକ ଗାଁକୁ କବ୍‌ଜା କରିନିଆଯାଇଛି। ପାକିସ୍ତାନ ସମୟ ଆଜି ଭୋର ୪ଟା ସମୟରେ ଏହି ଆକ୍ରମଣ ହୋଇଥିଲା। ଆମେ ଏହାର ଫଟୋ ଶେୟାର କରିବୁ। ଏବେ ଆମ ପାଖରେ ଦୁର୍ବଳ ଇଣ୍ଟରନେଟ୍ ବ୍ୟବସ୍ଥା ରହିଛି। 

ଏକ୍ସରେ ପୋଷ୍ଟ ହୋଇଥିବା ସୂଚନା ଅନୁସାରେ ଖୈବର ପଖତୁନ୍‌ଖ୍ୱା ନିକଟରେ ଡୁରାଣ୍ଡ ଲାଇନ ନିକଟରେ ଟିଟିପି ଓ ପାକିସ୍ତାନ ସେନା ମଧ୍ୟରେ ଗୁଳି ବିନିମୟ ହୋଇଥିଲା। ଏହାପରେ ତୋର୍‌ଖାନ ସୀମାରେ ଅତିକ୍ରମ ରାସ୍ତା ବନ୍ଦ ହୋଇଯାଇଥିଲା । ଏଥିରେ ଏକାଧିକ ପାକିସ୍ତାନୀ ସୈନ୍ୟ ନିହତ ହୋଇଛନ୍ତି । ତେବେ ଏନେଇ ପାକିସ୍ତାନ ଗଣମାଧ୍ୟମ କୌଣସି ଖବର ପ୍ରକାଶ କରିନାହିଁ। ସେପଟେ ସୋସିଆଲ୍ ମିଡିଆରେ ଆକ୍ରମଣ ସମ୍ପର୍କିତ ଏକାଧିକ ଭିଡିଓ ଅପ୍‌ଲୋଡ୍ ହୋଇଛି। ଏଥିରେ ତାଲିବାନ ସେନା ଚିତ୍ରାଲ ଜିଲ୍ଲାରେ ପ୍ରବେଶ କରିବା ସହିତ ପାକିସ୍ତାନ ସେନାକୁ କବଜା କରିଥିବା ଦେଖିବାକୁ ମିଳୁଛି । ତେବେ ପାକିସ୍ତାନ ସେନା ପକ୍ଷରୁ ଟିଟିପିର ଦାବିକୁ ଖଣ୍ଡନ କରାଯାଇଛି । 

You can also read: ଜମ୍ମୁକାଶ୍ମୀରରେ ଏନକାଉଣ୍ଟର, ସେନା ଗୁଳିରେ ଟଳିଲେ ୨ ପାକିସ୍ତାନୀ ଆତଙ୍କବାଦୀ...