ପ୍ୟାରିସ,୦୧/୦୩: ଜୁଲାଇ ୨୬ରୁ ଆରମ୍ଭ ହେବ ପ୍ୟାରିସ ଅଲିମ୍ପିକ୍ସ । ପ୍ରସ୍ତୁତି ପର୍ବ ଏକ ପ୍ରକାର ଶେଷ ହୋଇ ଆସିଲାଣି । କ୍ରୀଡ଼ାବିତମାନଙ୍କ ରହିବା ପାଇଁ କ୍ରୀଡ଼ାଗ୍ରାମ ଏକ ପ୍ରକାର ପ୍ରସ୍ତୁତ ହୋଇ ସାରିଛି । ଖୁବ୍ ଶୀଘ୍ର ଆଉ ଛୋଟ ଛୋଟ କାର୍ଯ୍ୟ ଶେଷ ହୋଇଯିବ ବୋଲି ଆୟୋଜକଙ୍କ ପକ୍ଷରୁ କୁହାଯାଇଛି ।
କ୍ରୀଡ଼ା ଆରମ୍ଭ ହେବାର ୮ ଦିନ ପୂର୍ବରୁ ଅର୍ଥାତ ଜୁଲାଇ ୧୮ ତାରିଖରୁ କ୍ରୀଡ଼ା ଗ୍ରାମରେ କ୍ରୀଡ଼ାବିତ ଏବଂ ଅଫିସିଆଲମାନେ ପହଞ୍ଚିବାର କାର୍ଯ୍ୟକ୍ରମ ରହିଛି । ଏଥିପାଇଁ ଆସନ୍ତା ୪ ମାସ ମଧ୍ୟରେ ଆୟୋଜକ ୩୦୦୦୦୦ ଗୃହ ସାମଗ୍ରୀ ଏବଂ ଅନ୍ୟାନ୍ୟ ଜିନିଷ କ୍ରୀଡ଼ା ଗ୍ରାମରେ ଲଗାଇବାକୁ ଲକ୍ଷ୍ୟ ରଖିଛନ୍ତି ।