ମୁମ୍ବାଇ, ୦୧/୦୯: ରକେଟ୍ରି- ଦ ନମ୍ବି ଇଫେକ୍ଟ ଅଭିନେତା ତଥା ନିର୍ଦ୍ଦେଶକ ଆର. ମାଧବନଙ୍କୁ ନୂଆ ଦାୟିତ୍ବ । ନିକଟରେ ରକେଟ୍ରି ଚଳଚ୍ଚିତ୍ର ଜାତୀୟ ଫିଲ୍ମ ପୁରସ୍କାର ଲାଭ କରିଥିଲା । ବେଷ୍ଟ ଫିଚର ଫିଲ୍ମ ଭାବେ ପୁରସ୍କୃତ ହୋଇଥିଲା ରକେଟ୍ରି ଚଳଚ୍ଚିତ୍ର । ଆଉ ଏହା ପରେ ଆର. ମାଧବନଙ୍କୁ ମିଳିଛି ଗୁରୁତ୍ବପୂର୍ଣ୍ଣ ଦାୟିତ୍ବ । ଫିଲ୍ମ ଆଣ୍ଡ ଟେଲିଭିଜନ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ (ଏଫଟିଆଇଆଇ)ର ନୂଆ ସଭାପତି ହୋଇଛନ୍ତି ଆର. ମାଧବନ ।
କେନ୍ଦ୍ରମନ୍ତ୍ରୀ ଅନୁରାଗ ଠାକରୁ ଏନେଇ ଏକ୍ସ (ଟ୍ବିଟର)ରେ ଜଣାଇଛନ୍ତି । ଏହା ସହ ସେ ଜାତୀୟ ପୁରସ୍କାର ବିଜେତା ଅଭିନେତା ଆର. ମାଧବନଙ୍କୁ ଶୁଭେଚ୍ଛା ଜଣାଇଛନ୍ତି । ସେପଟେ ମାଧବନ ସୋସିଆଲ ମିଡିଆରେ ନିଜର ଖୁସି ଜାହିର କରିଛନ୍ତି । ଏଫଟିଆଇଆଇ ସଭାପତି ଭାବେ ଚୟନ କରାଯାଇଥିବାରୁ ସେ କେନ୍ଦ୍ରମନ୍ତ୍ରୀ ଅନୁରାଗ ଠାକୁରଙ୍କୁ ଧନ୍ୟବାଦ ଜଣାଇଛନ୍ତି ।
ରକେଟ୍ରି- ଦି ନମ୍ବି ଇଫେକ୍ଟ ଚଳଚ୍ଚିତ୍ରରେ ଇସ୍ରୋର ଜଣେ ବରିଷ୍ଠ ବୈଜ୍ଞାନିକ ନମ୍ବି ନାରାୟଣଙ୍କ ସଂପର୍କରେ ଚିତ୍ରିତ ହୋଇଛି । ଗୋଟିଏ ପଟେ ଚନ୍ଦ୍ରଯାନ-୩ ମୁନ୍ ମିଶନର ବିଶାଳ ସଫଳତା । ଅନ୍ୟପଟେ ରେକେଟ୍ରିକୁ ଜାତୀୟ ଚଳଚ୍ଚିତ୍ର ପୁରସ୍କାର ମିଳିବାପରେ ନିର୍ଦ୍ଦେଶନାରେ ଡେବ୍ୟୁ କରିଥିବା ଆର. ମାଧବନଙ୍କୁ ଖୁବ ପ୍ରଶଂସା ମିଳିଛି ।
ତେବେ ମାଧବନଙ୍କୁ ଏଫଟିଆଇଆଇର ସଭାପତି ଭାବେ ଚୟନ କରାଯିବା ପରେ ତାଙ୍କ ଫ୍ୟାନ୍ସମାନେ ବେଶ ଖୁସି ଥିବା ଜଣାପଡ଼ିଛି । ସେପଟେ ଆର. ମାଧବନଙ୍କ ଆଗାମୀ ଫିଲ୍ମ ‘ଟେଷ୍ଟ’କୁ ନେଇ ଚର୍ଚ୍ଚା ଜାରି ରହିଛି । ଟେଷ୍ଟ ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ଶଶିକାନ୍ତ । ଫିଲ୍ମ ‘ଟେଷ୍ଟ’ର କାହାଣୀ କ୍ରିକେଟ ଜଗତ ସହ ଜଡ଼ିତ ।
You can also read: କର୍ଣ୍ଣାଟକ ହାଇକୋର୍ଟରୁ JDS ସାଂସଦ ପ୍ରଜ୍ବଳ ରେଭନ୍ନାଙ୍କୁ ଝଟକା, ଲୋକସଭାରୁ ଅଯୋଗ୍ୟ ଘୋଷିତ...
