ନୂଆଦିଲ୍ଲୀ : କୋଟିପତି ମୁକେଶ ଅମ୍ୱାନୀଙ୍କର ରିଲାଏନ୍ସ ଇଣ୍ଡଷ୍ଟ୍ରୀଜ୍ ସେମିକଣ୍ଡକ୍ଟର ମ୍ୟାନୁଫ୍ୟାକ୍ଚରିଂରେ ଏଣ୍ଟ୍ରି ପାଇଁ ପ୍ରସ୍ତୁତି ଆରମ୍ଭ କରି ଦେଇଛି। ନ୍ୟୁଜ୍ ଏଜେନ୍ସି ରୟଟର୍ସର ଖବର ଅନୁସାରେ , ରିଲାଏନ୍ସ ଏହି ସେକ୍ଟରରରେ ପ୍ରବେଶ କରିବା ପାଇଁ ସମ୍ଭାବନା ସବୁ ତଲାସ କରୁଛି। ଏଥିପାଇଁ ବିଦେଶୀ ଚିପ୍ ନିର୍ମାତାଙ୍କ ସହ କଥାବାର୍ତ୍ତା ହେଉଛି। ହେଲେ କେଉଁ କମ୍ପାନୀ ସହ କଥାବାର୍ତ୍ତା ଜାରି ରହିଛି , ଏହାର ସୂଚନା ମିଳିପାରି ନାହିଁ।
ଏହାସହ ମଧ୍ୟ ପଢ଼ନ୍ତୁ : ବ୍ୟାଟେରୀ ତିଆରି ପାଇଁ ଫ୍ୟାକ୍ଟ୍ରି ସ୍ଥାପନ କରିବେ ମୁକେଶ ଅମ୍ୱାନୀ
ଏହି ସମ୍ଭାବନା ବାସ୍ତବରେ ବଦଳିବାରେ କେନ୍ଦ୍ର ସରକାରଙ୍କ ପକ୍ଷରୁ ସେମିକଣ୍ଡକ୍ଟର ଆମଦାନୀ ହ୍ରାସ କରିବାର ଉଦ୍ଦେଶ୍ୟକୁ ଶକ୍ତି ପ୍ରଦାନ କରିବ। ହେଲେ , ଏହି ଖବର ଉପରେ ନା ରିଲାଏନ୍ସ ପକ୍ଷରୁ କିଛି କୁହାଯାଇଛି ନା ହିଁ ଭାରତର ଆଇଟି ମନ୍ତ୍ରାଳୟ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ କାର୍ଯ୍ୟାଳୟରୁ କୌଣସି ପ୍ରତିକ୍ରିୟା ଆସିଛି।
କହି ରଖୁଛୁ କି, ଭାରତ ତଥା ବିଶ୍ୱ ସ୍ତରରେ ସେମିକଣ୍ଡକ୍ଟରର ଡିମାଣ୍ଡ ବଢ଼ିବାରେ ଲାଗିଛି। ଭାରତ ସରକାର ଅନୁମାନ କରିଛନ୍ତି କି ଘରୋଇ ଚିପ୍ ବଜାର ୨୦୨୮ ସୁଦ୍ଧା ୮୦ ବିଲିୟନ ଡଲାରର ହୋଇଯିବ , ଯାହାକି ବର୍ତ୍ତମାନ ସମୟରେ ଏହା ୨୩ ବିଲିୟନ ଡଲାର ରହିଛି।
ଏହାସହ ମଧ୍ୟ ପଢ଼ନ୍ତୁ : ଗଣେଶ ଚତୁର୍ଥୀରେ ଲଞ୍ଚ ହେବ ଜିଓ ଏୟାର ଫାଇବର, ୟୁଜର୍ସଙ୍କୁ ମିଳିବ ବଡ଼ ଅଫର
ବେଦାନ୍ତ ମଧ୍ୟ କରିଥିଲା ଚେଷ୍ଟା - କହି ରଖୁଛୁ କି ବେଦାନ୍ତ ସେମିକଣ୍ଡକ୍ଟର ଅର୍ଥାତ୍ ଚିପ୍ ଫ୍ୟାକ୍ଟ୍ରି ବସାଇବା ପାଇଁ ତାଇୱାନର କମ୍ପାନୀ ଫକ୍ସକନ୍ ସହ ଡିଲ୍ କରିଥିଲା , କିନ୍ତୁ ଏଥିରେ ଅଙ୍କୁଶ ଲାଗିଥିଲା। ଏହା କିଛି ମାସରେ ଭାଙ୍ଗି ଯାଇଥିଲା। ହେଲେ ଏବେ ଫକ୍ସକନ ଭାରତରେ ସେମିକଣ୍ଡକ୍ଟର ଫ୍ୟାକ୍ଟ୍ରି ବସାଇବା ପାଇଁ STMicroelectronics NV ସହ କଥାବାର୍ତ୍ତା କରୁଛି ।
