ନୂଆଦିଲ୍ଲୀ, ୨୯/୦୮: ସୁପରଷ୍ଟାର ରଜନୀକାନ୍ତ ଅଭିନୀତ ‘ଜେଲର’କୁ ନେଇ ଚର୍ଚ୍ଚା ଥମିବାର ନାଁ ଧରୁନାହିଁ । ଅଗଷ୍ଟ ୧୦ ତାରିଖରେ ରିଲିଜ୍ ହୋଇଥିବା ଜେଲର ଏବେ ବି ଦର୍ଶକଙ୍କୁ ଆକୃଷ୍ଟ କରୁଛି । ସିନେମା ହଲରେ ଭିଡ଼ ଜମୁଛି । ପ୍ରାୟ ୬୦୦ କୋଟି ଟଙ୍କା ଆୟ କରିସାରିଥିବା ଜେଲରକୁ ନେଇ ଦେଶ ବିଦେଶରେ ଚର୍ଚ୍ଚା ହେଉଛି । ନିର୍ଦ୍ଦେଶକ ନେଲସନ୍ ଦିଲ୍ଲୀପ କୁମାର ଏବଂ ସୁପରଷ୍ଟାର ରଜନୀକାନ୍ତଙ୍କ ଯୋଡ଼ିକୁ ଲୋକେ ବେଶ ପସନ୍ଦ କରିଛନ୍ତି ।
ହେଲେ ଜେଲର ଫିଲ୍ମର ଏକ ସିନ୍ ସେପ୍ଟେମ୍ବର ପହିଲାରୁ ଏଡିଟ୍ ହୋଇ ପ୍ରଦର୍ଶିତ ହେବାକୁ ଯାଉଛି । ବହୁତ କମ୍ ସିନେମା ଥିବ ଯାହା ରିଲିଜ୍ ହେବା ପରେ ଏଡିଟ ହୋଇଥିବ । ଆଉ ଏହି ତାଲିକାରେ ଯୋଡି ହେବାକୁ ଯାଉଛି ଜେଲର ଚଳଚ୍ଚିତ୍ର । କୋର୍ଟରେ ମାମଲା ପହଞ୍ଚିବା ପରେ ଏଭଳି କରିବାକୁ ଫିଲ୍ମ ନିର୍ମାତା ବାଧ୍ୟ ହୋଇଛନ୍ତି । ଫିଲ୍ମର ଏକ ନିର୍ଦ୍ଦିଷ୍ଟ ସିନ୍କୁ ନେଇ ହାଇକୋର୍ଟ ଯାଇଥିଲା ରୟାଲ ଚାଲେଞ୍ଜର୍ସ ବେଙ୍ଗାଲୁରୁ –ଆରସିବି । କଣ ଥିଲା ମାମଲା ଆସନ୍ତୁ ଜାଣିବା….
ବଲିଉଡ୍ରୁ ଇସ୍ତଫା ଦେଲେ ବିବେକ ଅଗ୍ନିହୋତ୍ରୀ, କହିଲେ-'ମୂର୍ଖ ଅଭିନେତାଙ୍କ ସହ କାମ କରିପାରିବି ନାହିଁ’
ପ୍ରକୃତରେ ଫିଲ୍ମର ଏକ ଦୃଶ୍ୟରେ ଜଣେ କଣ୍ଟ୍ରାକ୍ଟ କିଲର ଆରସିବି ଜର୍ସି ପିନ୍ଧିଥିବା ଦେଖିବାକୁ ମିଳୁଛି । ଆଉ ଏହି ସମୟରେ କଣ୍ଟ୍ରାକ୍ଟ କିଲରଜାଣକ ମହିଳାଙ୍କ ଉପରେ ଆପତ୍ତିଜନକ ଟିପ୍ପଣୀ କରୁଛନ୍ତି । ତେବେ ଫିଲ୍ମ ରିଲିଜ୍ ହେବା ପରେ ଆରସିବି ପକ୍ଷରୁ ଫିଲ୍ମ ଏବଂ ନିର୍ମାତାଙ୍କ ବିରୋଧରେ କୋର୍ଟରେ କେସ୍ କରାଯାଇଥିଲା । ବ୍ରାଣ୍ଡର ଇମେଜ୍ ଖରାପ ହେଉଥିବା ନେଇ ଆରସିବି ପକ୍ଷରୁ କୋର୍ଟରେ କୁହାଯାଇଥିଲା ।
ଶେଷରେ ଦିଲ୍ଲୀ ହାଇକୋର୍ଟ ଫିଲ୍ମରୁ ସେହି ଦୃଶ୍ୟକୁ ନଦେଖାଇବା ପାଇଁ ନିର୍ମାତାଙ୍କୁ ନିର୍ଦ୍ଦେଶ ଦେଇଥିଲେ । ଆଉ ପରେ ଏହି ସମସ୍ୟାର ସମାଧାନ କରିଦିଆଯାଇଛି । ଫିଲ୍ମ ନିର୍ମାତା, ବିତରକ ଏବଂ ଦର୍ଶକଙ୍କ ସମେତ ଫିଲ୍ମ ସହ ଜଡ଼ିତ ସମସ୍ତ ବ୍ୟକ୍ତି ନିର୍ଦ୍ଦେଶ ମାନିବାକୁ ବାଧ୍ୟ ବୋଲି କୋର୍ଟ କହିଥିଲେ । ସେପ୍ଟେମ୍ବର ୧ରୁ ଫିଲ୍ମର ଏହି ଦୃଶ୍ୟକୁ ବଦଳାଯାଇ ପ୍ରଦର୍ଶିତ କରାଯିବ । ତେବେ ସେପ୍ଟେମ୍ବର ପହିଲାରୁ ଫିଲ୍ମର ଏହି ଦୃଶ୍ୟ ଆଉ ଦେଖିପାରିବେ ନାହିଁ ଦର୍ଶକ ।
You can also read: ଏହି ଏୟାରଲାଇନ୍ସ ବିମାନରେ ଆରମ୍ଭ କରିବ Adults only ସିଟ୍ , ଜାଣନ୍ତୁ ଏପରି ନାମ ରଖିବା ପଛର କାରଣ କଣ ...
