ପୁରୀ ୪/୨ : ପୁରୀ ଜିଲ୍ଲାର ୩ ଗୋଟି ବହୁମୁଖୀ ବାତ୍ୟା, ବନ୍ୟା ଆଶ୍ରୟ ସ୍ଥଳ ନିର୍ମାଣ ପାଇଁ ମୁଖ୍ୟମନ୍ତ୍ରୀ ରିଲିଫ ପାଣ୍ଠି ରୁ ସରକାରୀ ମଞ୍ଜୁରୀ ମିଳିଛି ବୋଲି ଜିଲ୍ଲାପାଳ ବିଜୟ କୁମାର ଦାଶ ସୂଚନା ଦେଇଛନ୍ତି।
ବ୍ରହ୍ମଗିରି ବ୍ଲକ ର ମାଣିକ ପଞ୍ଚାୟତ ମିର୍ଜାପୁର ଗ୍ରାମର ଖାତା ନମ୍ବର ୪୨ ପ୍ଲଟ ନମ୍ବର ୧୬୯ ରେ ଗୋଟିଏ, ପଣସପଦା ପଞ୍ଚାୟତ ରାମେଶ୍ବରପୁର ସାମିଲ ପାଇକସାହିର ଖାତା ନମ୍ବର ୧୨୩ ପ୍ଲଟ ନମ୍ବର ୫୮୩ ରେ ଗୋଟିଏ ଓ କୃଷ୍ଣ ପ୍ରସାଦ ବ୍ଲକ ବଡ଼ଝାଡ ପଞ୍ଚାୟତ ଓ ବଡ଼ଝାଡ ଗ୍ରାମର ଖାତା ନମ୍ବର୨୦୬ ପ୍ଲଟ ନମ୍ବର ୨୫୧ ରେ ଗୋଟିଏ ଏହି ଭଳି ୩ ଗୋଟି ବହୁମୁଖୀ ଆଶ୍ରୟ ସ୍ଥଳ ନିର୍ମାଣ ହେବ।
ପୁରୀ ଜିଲ୍ଲା ଏକ ପ୍ରାକୃତିକ ବିପର୍ଯ୍ୟୟ ପ୍ରବଣ ଅଞ୍ଚଳ।ବିଶେଷ କରି ବ୍ରହ୍ମଗିରି ଓ କୃଷ୍ଣ ପ୍ରସାଦ ବ୍ଲକ ରେ ଏହି ବହୁମୁଖୀ ଆଶ୍ରୟ ସ୍ଥଳର ଆବଶ୍ୟକତା ରହିଥିଲା।ସରକାର ଏହାକୁ ମଞ୍ଜୁର କରିବା ଦ୍ବାରା ଅଞ୍ଚଳ ବାସୀ ଙ୍କର ଅନେକ ସୁବିଧା ହେବା ସହ ପ୍ରାକୃତିକ ବିପର୍ଯ୍ୟୟ ସମୟରେ ଏହାର ସର୍ବାଧିକ ଉପଯୋଗ ହୋଇ ପାରିବ ବୋଲି ଜିଲ୍ଲାପାଳ ଶ୍ରୀ ଦାଶ କହିଛନ୍ତି।