ଭୁବନେଶ୍ୱର, ୨୦।୧୧ : ମଙ୍ଗଳବାର ଠାରୁ ଆରମ୍ଭ ହେବ ବିଧାନସଭାର ଶୀତ ଅଧିବେଶନ। ଏଥିପାଇଁ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି। ପୋଲିସ ଡିଜି ସୁନୀଲ ବଂଶଲ ବିଧାନସଭା ପରିସରରେ ହୋଇଥିବା ସୁରକ୍ଷା ବ୍ୟବସ୍ଥାର ଯାଞ୍ଚ୍ କରିଛନ୍ତି।

ସୂଚନା ଅନୁଯାୟୀ, ବିଧାନସଭା ପରିସର ଏବଂ ବାହାରେ ତ୍ରିସ୍ତରୀୟ ସୁରକ୍ଷା ବନ୍ଦୋବସ୍ତ କରାଯାଇଛି। ଭୁବନେଶ୍ୱର ଡିସିପି ନେତୃତ୍ୱରେ ରହିବ ପୁରା ସୁରକ୍ଷା ବ୍ୟବସ୍ଥା । ୩୦ ପ୍ଲାଟୁନ୍‌ ପୋଲିସ ଫୋର୍ସ ମୁତୟନ ହେବେ । ୬ ଜଣ ଅତିରିକ୍ତ ଡିସିପି ସୁରକ୍ଷା ବ୍ୟବସ୍ଥାକୁ ତଦାରଖ କରିବେ। ଏହାସହ ୧୦୦ରୁ ଅଧିକ ପୋଲିସ କର୍ମଚାରୀ ମୁତୟନ ହେବେ । ଏହାବାଦ୍‌ ୧୯ ଜଣ ଏସ୍‌ପି, ୨୦ ଜଣ ଇନ୍‌ସିପେକ୍ଟର, ୭୫ ଜଣ ଏସ୍‌ଆଇ ରହିବେ । ପୁରା ବିଧାନସଭା ବାହାର ଓ ଭିତର ସିସିଟିଭି ନଜରରେ ରହିବ। ସେହିପରି  ରାଲି, ଧାରଣା ଓ ସୁରକ୍ଷାକୁ ନଜର ରଖି ୫ଟି କଣ୍ଟ୍ରୋଲ ରୁମ୍‌ ରହିବ । ଷ୍ଟ୍ରାଇକିଙ୍ଗ ଫୋର୍ସ, କୁଇକ୍‌ ରେସ୍‌ପନ୍ସ ଟିମ୍‌, ସ୍ପେଶାଲ ଟେକ୍ନିକାଲ ୟୁନିଟ ଉପସ୍ଥିତ ରହିବେ ।