ନୂଆଦିଲ୍ଲୀ,୨୭।୨:  ପ୍ରସିଦ୍ଧ ପଞ୍ଜାବୀ ଗାୟକ ସିଦ୍ଧୁ ମୁସେୱାଲାଙ୍କ ପରିବାରକୁ ଫେରୁଛି ଖୁସି। ୨୦୨୨ ରେ ତାଙ୍କୁ ହତ୍ୟା କରାଯିବା ପରେ ପରିବାରଠାରୁ ନେଇ  ପ୍ରଶଂସକଙ୍କ ଭିତରେ ଖେଳି ଯାଇଥିଲା ଶୋକର ଛାୟା। ଏବେ କିନ୍ତୁ ଘରକୁ ଫେରୁଛି ଖୁସି। ସିଦ୍ଧୁ ମୁସେୱାଲାଙ୍କ ମା’ ଚରଣ କୌର ସିଂହ ଗର୍ଭବତୀ ଅଛନ୍ତି। ଆସନ୍ତା ମାର୍ଚ୍ଚ ମାସରେ ଏକ ସନ୍ତାନକୁ ଜନ୍ମ ଦେବାର ଖବର ମିଳିଛି। ସିଦ୍ଧୁ ମୁସେୱାଲାଙ୍କ ମା’ ଆଇଭିଏଫ୍ ଜ୍ଞାନକୌଶଳରେ ଏକ ଶିଶୁକୁ ଜନ୍ମ ଦେବାକୁ ଯାଉଛନ୍ତି । ଏ ସମ୍ପର୍କରେ ଯଦିଓ  ସିଦ୍ଧୁ ମୁସେୱାଲାଙ୍କ ବାପା-ମା କୌଣସି ପ୍ରତିକ୍ରିୟା ଦେଇ ନାହାନ୍ତି କିନ୍ତୁ ତାଙ୍କ  ଦାଦା ଚମକୌର ସିଂହ ନିଜେ ଏହି ସୂଚନା ଦେଇଛନ୍ତି। 

ସିଦ୍ଧୁ ମୁସେୱାଲାଙ୍କ ହତ୍ୟା ପରେ ପ୍ରଥମ ଥର ପାଇଁ ତାଙ୍କ ଘରେ ଖୁସିର ଲହରୀ ଖେଳିବାକୁ ଯାଉଛି। ମୁସେୱାଲା ବାପା-ମା’ଙ୍କୁ ୬୦ ବର୍ଷରୁ ଅଧିକ ହୋଇସାରିଛି। ଟାଇମ୍ସ ନାଓର ରିପୋର୍ଟ ଅନୁସାରେ, ଚମକୌର ସିଂହ କହିଛନ୍ତି, ଆଇଭିଏଫ୍ ଜରିଆରେ ଦ୍ବିତୀୟ ସନ୍ତାନ ମାର୍ଚ୍ଚରେ ଆସିବ। ସିଦ୍ଧୁଙ୍କ ମା’ ବର୍ତ୍ତମାନ ମେଡିକାଲରେ ଭର୍ତ୍ତି ଅଛନ୍ତି ଓ ତାଙ୍କ ସ୍ବାସ୍ଥ୍ୟ ଉପରେ ନଜର ରଖାଯାଇଛି।

ଉଲ୍ଲେଖନୀୟ ଯେ, ୨୯ ଜୁନ୍ ୨୦୨୨ ରେ ସିଦ୍ଧୁଙ୍କ ଉପରକୁ କିଛି ଲେକା ଗୁଳିମାଡ କରି ତାଙ୍କୁ ହତ୍ୟା କରିଥିଲେ। ସିଦ୍ଧୁଙ୍କ ମୃତ୍ୟୁ ପରେ ତାଙ୍କ ପରିବାର ଲୋକ ବିଶେଷ କରି ବାପା-ମାଙ୍କୁ ଲାଗିଥିଲା ବଡ଼ ଝଟକା। ଫ୍ୟାନ୍‌ମାନେ ତାଙ୍କୁ ଭୁଲି ପାରିନଥିବା ବେଳେ ବାପା-ମାଙ୍କ ପାଇଁ ଏହା ଖୁବ୍ କଷ୍ଟକର ରହିଛି। ସିଦ୍ଧୁଙ୍କ ହତ୍ୟା ପାଇଁ ଗୋଲ୍ଡି ବରାର ନିଜକୁ ଦାୟୀ କରିଥିଲା। ଏହାପରେ ପୋଲିସ ଗୋଲ୍ଡିକୁ ଏହି ହତ୍ୟାର ମାଷ୍ଟରମାଇଣ୍ଡ କହିଥିଲା। ସିଦ୍ଧୁଙ୍କ ବିଷୟରେ ଯଦି କଥା ହେବା ତେବେ ସେ ଟପ୍ ପଞ୍ଜାବୀ ସିଙ୍ଗରଙ୍କ ଭିତରୁ ଜଣେ ଥିଲେ। ସେ ନା କେବଳ ଗୀତ ଗାଉଥିଲେ, ବଂର ତାଙ୍କୁ ପ୍ରଡ୍ୟୁସ ମଧ୍ୟ କରୁଥିଲେ। ସିଦ୍ଧୁଙ୍କ ମୃତ୍ୟୁ ପରେ ତାଙ୍କ ଗୀତ ମଧ୍ୟ ଖୁବ୍ ଚାଲିଥିଲା ଓ ସେ ଭ୍ୟୁଜ୍‌ରେ ବହୁ ରେକର୍ଡ ଭାଙ୍ଗିଥିଲେ।