ଭୁବନେଶ୍ଵର, ୦୮/୧୨ : ୩ କୋଟି ୩୩ ଲକ୍ଷ ଟଙ୍କାର ବ୍ୟାଙ୍କ ଦୁର୍ନୀତି ମାମଲା। ଦୁଇ ଜଣଙ୍କୁ ଗିରଫ କଲା କ୍ରାଇମବ୍ରାଞ୍ଚ EOW। ସେଣ୍ଟ୍ରାଲ ବ୍ୟାଙ୍କ ଅଫ ଇଣ୍ଡିଆର ପୂର୍ବତନ ବ୍ରାଞ୍ଚ୍ ମ୍ୟାନେଜର ଡମ୍ବୁରୁଧର ନାୟକ ଓ ପୂର୍ବତନ ଏଗ୍ରିକଲଚର ଫାଇନାନ୍ସ ଅଫିସର୍ ଦେବିଦୂତ୍ତ ପାଣିଗ୍ରାହୀଙ୍କୁ ଇଓଡବ୍ଲ୍ୟୁ ଗିରଫ କରିଛି। 

ସୂଚନାନୁଯାୟୀ, ସେଣ୍ଟ୍ରାଲ ବ୍ୟାଙ୍କର ରିଜିଓନାଲ ମୁଖ୍ୟ ଆନନ୍ଦି ବିଶ୍ଵାସ ଏମାନଙ୍କ ନାଁରେ ଠକେଇ ଅଭିଯୋଗ କରିଥିଲେ। ୨୦୧୫ ରୁ ୧୮ ମଧ୍ୟରେ ଏହି ଦୁର୍ନୀତି ହୋଇଥିଲା। ସେଣ୍ଟ୍ରାଲ କିଷାନ କ୍ରେଡିଟ୍ କାର୍ଡ ନାଁରେ ଦୁର୍ନୀତି କରାଯାଇଥିଲା। ବେଆଇନ ଭାବେ ନକଲି ହିତାଧିକାରୀଙ୍କୁ ଦର୍ଶାଇ ଟଙ୍କା ଚଳୁ କରିଥିଲେ। ସରକାରୀ ସବସିଡିକୁ ମଧ୍ୟ ହଡ଼ପ କରିଥିଲେ। 

ମଦ ବେପାରୀଙ୍କ ଘରେ ଚଢାଉ, ଦେଶୀ ମଦ ସହ ବୋଲେରୋ ଜବତ, ୩ ଗିରଫ

ଗିରଫ ଉଭୟ ଅଭିଯୁକ୍ତ ଡମ୍ବୁରୁଧର ନାୟକ ଓ ଦେବିଦୂତ୍ତ ପାଣିଗ୍ରାହୀ ସେଣ୍ଟ୍ରାଲ ବ୍ୟାଙ୍କର ଭଦ୍ରେଶ୍ୱର ଶାଖାରେ କାର୍ଯ୍ୟ କରିବା ସମୟରେ ବେଆଇନ ଭାବେ ୬୮ କିସାନ କ୍ରେଡିଟ କାର୍ଡ ଆକାଉଣ୍ଟରେ ୮୫,୪୯,୪୯୧ ଟଙ୍କା ମଞ୍ଜୁରୀ କରିଥିଲେ। ଏହାବାଦ୍, ୨୪ ଟର୍ମ ଲୋନ ଆକାଉଣ୍ଟରେ ୧,୪୯,୧୮,୧୦୩ ଟଙ୍କା ମଞ୍ଜୁରୀ ଦେଇଥିଲେ।