ଭୁବନେଶ୍ୱର,୧୧/୯: ମିଛ ଖବର ପ୍ରସାରଣକୁ ନେଇ ସାଇବର ଥାନାର ଦ୍ୱାରସ୍ଥ ହେଲେ ଓଡ଼ିଆ ଅଭିନେତ୍ରୀ ଅନୁ ଚୌଧୁରୀ । ୱେବପୋର୍ଟାଲ ବିରୋଧରେ ମାମଲା ରୁଜୁ କରିବାକୁ ଥାନାର ଦ୍ୱାରସ୍ଥ ହେଲେ ଅନୁ। ଅନୁଙ୍କୁ କ୍ୟାନ୍ସର ହୋଇଥିବା ନେଇ ଗୁଜବ ପ୍ରଚାର କରିଥିଲା ଏକ ଓ୍ୱେବ ଚ୍ୟାନେଲ୍ ।  

ଖବରରେ କୁହାଯାଇଥିଲା କି ଅଭିନେତ୍ରୀ ଅନୁ ଚୌଧୁରୀଙ୍କୁ କ୍ୟାନସର ଭଳି ମାରାତ୍ମକ ରୋଗ ହୋଇଛି । ଏହା ଜାଣିବା ପରେ ଆଇନର ଆଶ୍ରୟ ନେଇଛନ୍ତି ଅନୁ । ସେ କହିଛନ୍ତି ତୁରନ୍ତ ଏମିତି କାମ କରିଥିବା ଲୋକଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ନିଆଯାଉ । ଏହାସହ ମଧ୍ୟ କହିଛନ୍ତି ଏଭଳି ଗୁଜବରୁ ଆପଣମାନେ ଦୂରେଇ ରୁହନ୍ତିୁ । ୟୁଟ୍ୟୁବ କରି ବହୁତ ଲୋକ ରୋଜଗାର କରୁଛନ୍ତି । ମାତ୍ର ଏମିତି ଥମ୍ବନେଲ୍ ଦେଇ ରୋଜଗାରର ପନ୍ଥା ଖୋଜନ୍ତୁନି ବୋଲି ସେ କହିଛନ୍ତି । 

କାରଣ ମୁଁ ବର୍ତ୍ତମାନ ସଂପୂର୍ଣ୍ଣ ସୁସ୍ଥ ଅଛି । ସୁସ୍ଥ ଥିବାବେଳେ କ୍ୟାନ୍ସର ବୋଲି କହିବା ନିହାତି ହୀନ ମାନସିକତା । ଏଭଳି କୁଶ୍ଚିତ ମାନସିକ ଲୋକଙ୍କୁ ତୁରନ୍ତ ଗିରଫ କରିବାକୁ ଦାବି କଲେ ଅନୁ । ସେପଟେ ଏତଲା ପାଇବା ପରେ ତଦନ୍ତ ଆରମ୍ଭ କରିଛି ସାଇବର ଥାନା ।