ଦେବଗଡ଼, ୪।୦୨: ରିଆମାଳ ଥାନା ବୁଡ଼ିଦ ଗ୍ରାମର ଖଳାମାଳରେ ଜଣେ ମହିଳାଙ୍କ ମୃତଦେହ ପଡ଼ିଥିବା ଦେଖିବାକୁ ମିଳିଛି । ମହିଳାଙ୍କ ପାଟିରୁ ଫେଣ ବାହାରୁ ଥିବାବେଳେ ପାଖରେ ଏକ ଠିପି ଖୋଲା ବିଷ ବୋତଲ ପଡ଼ିଥିବା ଦେଖାଯାଇଛି । ମହିଳାଙ୍କ ଜଣକ ୬୦ ବର୍ଷୀୟ ବୈତ ବେହେରା ବୋଲି ଜଣାପଡ଼ିଛି ।
ତାଙ୍କ ସ୍ୱାମୀ ୬୫ ବର୍ଷୀୟ ତ୍ରିବେଣୀ ବେହେରା କହିବା ଅନୁସାରେ, ଗତକାଲି ରାତି ଘରେ ସମସ୍ତେ ଖାଇ ଶୋଇଥିଲେ । ଆଜି ସକାଳୁ ସେ ଖଳାକୁ ପୁଆଳ ନେବାପାଇଁ ଆସିଥିଲେ । ପରେ ସେଠାରେ ତାଙ୍କ ସ୍ତ୍ରୀଙ୍କ ମୃତଦେହ ଦେଖିଥିଲେ । ପାରିପାର୍ଶ୍ଵିକ ସ୍ଥିତି ଏବଂ ଘଟଣାକୁ ଦେଖିଲେ ଏହା ହତ୍ୟା ନା ଆତ୍ମହତ୍ୟା ତାହା ପୁଲିସ ତଦନ୍ତ ପରେ ଜଣାପଡ଼ିବ । ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଥିବା ଥାନାଧିକାରୀ ସରସ୍ୱତୀ ଟୁଡୁ କହିଛନ୍ତି ।
