ଝରିଗାଁ, ୧୯/୯ : ଡାକ୍ତରଖାନାକୁ ନେଉଥିବା ସମୟରେ ବାଟରେ ଗର୍ଭବତୀଙ୍କ ମୃତ୍ୟୁ। ଏଭଳି ଏକ ଦୁଖଦଃ ଘଟଣା ଘଟିଛି ନବରଙ୍ଗପୁର ଜିଲ୍ଲା ଝରୀଗାଁ ବ୍ଲକ ପାଲିଆ ପଞ୍ଚାୟତ ଅନ୍ତର୍ଗତ ବାସୁଦେବଗୁଡା ଗ୍ରାମରେ। ଆମ୍ଵୁଲାନ୍ସ ବିଳମ୍ଵ କରିବାରୁ ଗର୍ଭବତୀଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି।

ସୂଚନା ପ୍ରକାରେ, ବାସୁଦେବଗୁଡା ଗ୍ରାମର ନୀଳ କମର୍ଲାଙ୍କ ସ୍ତ୍ରୀ ଗୋମତୀ କମର୍ଲା (୨୧ ବର୍ଷ)ଙ୍କୁ ପ୍ରସବ ଯନ୍ତ୍ରଣା ହେବାରୁ ସ୍ୱାମୀ ଆମ୍ବୁଲାନ୍ସ କୁ ଯୋଗାଯୋଗ କରିଥିଲେ। ଆମ୍ବୁଲାନ୍ସ ଆସିବାରେ ବିଳମ୍ବ କରିବାରୁ ସେମାନେ ଏକ ବୋଲେରୋ ଭଡାକରି ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇ ଯାଇଥିଲେ। ହେଲେ ଡାକ୍ତରଖାନାରେ ପହଞ୍ଚିବାର କିଛି ସମୟ ପରେ ଗୋମତୀଙ୍କ ମୃତ୍ୟୁ ହୋଇଥୁବା ସୂଚନା ମିଳିଛି।