ନୂଆଦିଲ୍ଲୀ, ୮/୨ : ଦିଲ୍ଲୀରେ ପ୍ରବେଶ କରୁଥିବା କୃଷକଙ୍କୁ ନୋଏଡ଼ାରେ ଦଳିତ ପ୍ରେରଣା ସ୍ଥଳ ନିକଟରେ ଅଟକାଇ ଦେଇଛନ୍ତି । କୃଷକଙ୍କ ପ୍ରଦର୍ଶନ କାରଣରୁ ପୋଲିସ ସ୍ଥାନେ ସ୍ଥାନେ ବ୍ୟାରିକେଡିଂ କରିଛି । ଏହି କାରଣରୁ ନୋଏଡ଼ାର ମୁଖ୍ୟ ରାସ୍ତା ଜାମ୍ ହୋଇଯାଇଛି । ପ୍ରଶାସନ ଏହାକୁ ଦୃଷ୍ଟିରେ ରଖି ୧୪୪ଲାଗୁ କରି ଦେଇଛି । ଏହା ମଧ୍ୟରେ ନୋଏଡ଼ା ପ୍ରଶାସନ ପ୍ରଦର୍ଶନକାରୀ କୃଷକଙ୍କ ସହ ଆଲୋଚନା କରିବାକୁ ପ୍ରୟାସ ଦ୍ରୁତ ଗତିରେ କରି ଦେଇଛନ୍ତି । ପ୍ରଶାସନର କହିବା କଥା କି ଆପଣଙ୍କ ମୁଦ୍ଦା ନୋଏଡ଼ା ଏବଂ ଗ୍ରେଟେଡ ନୋଏଡ଼ା ସହ ଯୋଡ଼ି ହୋଇ ଅଛି ଏଥିଲାଗି ଦିଲ୍ଲୀ ଯାଆନ୍ତୁ ନାହିଁ । ଆଲୋଚନା ଚାଲୁ ରହିଛି ।
ସେହିଭଳି କୃଷକମାନଙ୍କ କହିବା କଥା କି ଯଦି ସମାଧାନ ହେବ ନାହିଁ ବ୍ୟାରିକେଡରୁ ଆଗକୁ ବଢିବେ ଏବଂ ଦିଲ୍ଲୀରେ ପ୍ରବେଶ କରିବେ । କୃଷକଙ୍କ ଏହି ଯାତ୍ରାକୁ ସୁଖବୀର ଯାଦବ ଖଲୀଫା ନେତୃତ୍ବ କରୁଛନ୍ତି । ସୁଖବୀର ଖଲିଫା କହିଛନ୍ତି କି ଯେତେବେଳେ ପର୍ଯ୍ୟନ୍ତ ପୁଲିସ ଆମର ଗିରଫ ହୋଇଥିବା ଲୋକଙ୍କୁ ଛାଡ଼ିବ ନାହିଁ ସେତେବେଳ ପର୍ଯ୍ୟନ୍ତ ଆମେ ପୋଲିସ ସହ କଥା ହେବୁ ନାହିଁ ।
ଏହାକୁ ନେଇ ନୋଏଡ଼ା ଟ୍ରାଫିକ ପୋଲିସ କହିଛି କି କୃଷକ ଧାରଣା ପ୍ରଦର୍ଶନ ଚାଲୁଥିବାରୁ ନୋଏଡ଼ା – ଗ୍ରେଟର ନୋଏଡ଼ା ଏକ୍ସପ୍ରେସ-ଓ୍ବେ ନିକଟସ୍ଥିତ ସମସ୍ତ ସ୍କୁଲ ବସ୍ ନିଜ ଗନ୍ତବ୍ୟକୁ ଯିବା ହେତୁ ଦୟାକରି ନୋଏଡ଼ା- ଗ୍ରେଟର ନୋଏଡ଼ା ଏକ୍ସପ୍ରେସ-ଓ୍ବେର ବ୍ୟବହାର କରନ୍ତୁନାହିଁ । ପୋଲିସ ପକ୍ଷରୁ କୁହାଯାଇଛି କି ଦିଲ୍ଲୀ ଯିବା ହେତୁ ହାଜୀପୁର ଅଣ୍ଡରପାସ, ସେକ୍ଟର-୯୩ ଅଣ୍ଡରପାସର ପ୍ରୟୋଗ କରି ନୋଏଡ଼ା ସହରର ଆନ୍ତରିକ ମାର୍ଗର ପ୍ରୟୋଗ କରି ଗନ୍ତବ୍ୟସ୍ଥଳକୁ ଯାଇପାରିବେ । ଦିଲ୍ଲୀ ଟ୍ରାଫିକ ପୋଲିସ କହିଛି କି ନୋଏଡ଼ାରେ ମହାମାୟା ଫ୍ଲାଇଓଭର ନିକଟରେ ପ୍ରଦର୍ଶନ କାରଣରୁ କାଳିନ୍ଦୀ କୁଞ୍ଜରୁ ନୋଏଡ଼ା ପଟକୁ ଯିବା ରାସ୍ତାରେ ଟ୍ରାଫିକ ପ୍ରଭାବିତ ହୋଇଛି ।
ନୋଏଡ଼ା- ଦିଲ୍ଲୀ ବର୍ଡ଼ରରେ ଦିଲ୍ଲୀ ପୋଲିସ, ପାରାମିଲିଟ୍ରୀ ଫୋର୍ସ, ରାପିଡ଼ ଆକ୍ଶନ ଫୋର୍ସର କେତେକ କମ୍ପାନୀକୁ ନିୟୋଜିତ କରାଯାଇଛି । ପୋଲିସ କେତେକ ଲେୟର ବ୍ୟାରିକେଡର ବ୍ୟବସ୍ଥା କରିଛି । ଏଣ୍ଟି ରାଇଟ ଟିମ୍ ଏବଂ ବଜ୍ର ବାହନକୁ ନିୟୋଜିତ ସହ ସିମେଣ୍ଟର ବଡ଼ ବଡ଼ ବ୍ଲକ ସଡ଼କ ଉପରେ ଲଗାଯାଇଛି ।