ସମ୍ବଲପୁର, ୦୨/୧୨ : ସମ୍ବଲପୁରରେ ଅଭାବନୀୟ ଘଟଣା। ଚାଷୀଙ୍କ ଧାନ ପୋଡିଦେଲେ ଦୁର୍ବୃତ୍ତ। ଧାନ କାଟି ବିଲରେ ଗଦା କରି ରଖିଥିବା ବେଳେ ତାକୁ କେହି ଜଣେ ପୋଡି ଦେଇଥିବା ଅଭିଯୋଗ ହୋଇଛି। ସମ୍ବଲପୁର ତବଲା ପଞ୍ଚାୟତ ଖୁଲିଆ ଗାଁରେ ଏହି ଘଟଣା ଘଟିଛି।
ସୂଚନାନୁଯାୟୀ, ଗାଁର ରାଜେଶ ମୁଣ୍ଡା ପାଖାପାଖି ସାଢେ ୩ ଏକର ଜମିରେ ଭାଗ ଚାଷ କରିଥିଲେ। ସବୁ ଜମିରୁ ଫସଲ ଅମଳ କରି ବିଲରେ ରଖିଥିଲେ। କେହି ଜଣେ ଭୋର ସମୟରୁ ତାକୁ ନିଆଁ ଲଗାଇ ଦେଇଥିବା ଅଭିଯୋଗ ହୋଇଛି। ଖବର ପାଇ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ। ତେବେ ନିଆଁର ପ୍ରକୋପ ଏତେ ଥିଲା ଯେ ଧାନ ସବୁ ଜଳି ପାଉଁଶ ହୋଇଯାଇଛି।