ଲଣ୍ଡନ, ୧୩/୦୯: ରାଜକୁମାର ହ୍ୟାରୀଙ୍କ ପତ୍ନୀ ମେଗନ୍ ମର୍କେଲଙ୍କ ପୂର୍ବ ବିବାହକୁ ନେଇ ବହି ଲେଖିବେ ତାଙ୍କ ପୂର୍ବତନ ସ୍ବାମୀ ଟ୍ରେଭର ଏଙ୍ଗଲସନ୍ । ବ୍ରିଟେନ ରାଜପରିବାରର ବହୁ ଲୋକପ୍ରିୟ ସଦସ୍ୟ ହ୍ୟାରୀଙ୍କୁ ବିବାହ କରିବା ପୂର୍ବରୁ ଡଚେସ୍ ଅଫ ସସେକ୍ସ ମେଗନ୍ ମର୍କେଲ ବ୍ରିଟେନର ଫିଲ୍ମ ପ୍ରଯୋଜକ ଏଙ୍ଗଲସନଙ୍କୁ ବିବାହ କରିଥିଲେ । ଦୀର୍ଘ ୭ ବର୍ଷ ଡେଟିଂ କରିବା ପରେ ବିବାହ କରିଥିଲେ ମର୍କେଲ ଏବଂ ଏଙ୍ଗଲସନ୍ । ୨୦୧୧ରେ ବିବାହ କରିଥିଲେ ଏହି ଦୁଇ ଯୋଡି । ହେଲେ ବିବାହ ବେଶି ଦିନ ତିଷ୍ଠି ପାରିଲା ନାହିଁ । ୨୦୧୩ରେ ଛାଡ଼ପତ୍ର ନେବାକୁ ଆବେଦନ କରିଥିଲେ ମେଗନ୍ ମର୍କେଲ ।
ଆଉ ଏବେ ତାଙ୍କ ପୂର୍ବ ବିବାହର କାହାଣୀ ଲେଖିବେ ମେଗନ୍ ମର୍କେଲଙ୍କ ପୂର୍ବତନ ସ୍ବାମୀ । ତାଙ୍କ ପାଖକୁ ବହି ଲେଖିବା ଲାଗି ଅଫର ଆସିଥିବା ନେଇ ରାଜପରିବାରର ଜଣେ ବିଶେଷଜ୍ଞ ନୀଲ ସିନ୍ ସୂଚନା ଦେଇଛନ୍ତି । ନୀଲ ସିନ୍, ହ୍ୟାରୀ ଏବଂ ମର୍କେଲଙ୍କ ଜୀବନୀକୁ ନେଇ ‘ଏ ଟୁ ଜେଡ୍ ହ୍ୟାରୀ ଆଣ୍ଡ ମର୍କେଲ’ ଶୀର୍ଷକ ଏକ ପୁସ୍ତକ ଲେଖିଥିଲେ । ତେବେ ଟ୍ରେଭର ଏଙ୍ଗଲସନ୍ ମୋଟାଅଙ୍କର ଟଙ୍କା ଅଫର ପାଇଥିବା ନୀଲ କହିଛନ୍ତି ।
ଟ୍ରେଭର ଏବେ ନିଜର ପୂର୍ବ ବିବାହ ସଂପର୍କରେ ବହି ଲେଖିବାକୁ ଯାଉଛନ୍ତି । ଟ୍ରେଭର ପୂର୍ବ ବିବାହ ସଂପର୍କରେ କଣ ଲେଖିବେ ଏବଂ ମର୍କେଲଙ୍କ ସଂପର୍କରେ କେଉଁ ତଥ୍ୟ ପ୍ରଘଟ କରିବେ ସେନେଇ ମେଗନ୍ ମର୍କେଲ ଚିନ୍ତିତ ହୋଇପାରନ୍ତି ବୋଲି ନୀଲ କହିଛନ୍ତି । ଡେଲି ମେଲ୍ର ଏକ ରିପୋର୍ଟ ଅନୁସାରେ, ଟ୍ରେଭର ଏବେ ମେଗନଙ୍କୁ ଭୁଲି ସାରିଛନ୍ତି । ଏପରିକି ମେଗନଙ୍କ ଠାରୁ ଟ୍ରେଭରଙ୍କ ପାଖରେ ଏବେ ପ୍ରବଳ ସଂପତ୍ତି ରହିଛି । ଏବଂ ସେ ବହୁତ ଭଲ ଜୀବନ ବିତାଉଛନ୍ତି । ତେଣୁ ତାଙ୍କ ପୂର୍ବ ବିବାହ ସଂପର୍କରେ ବହି ଲେଖିବାକୁ ହୁଏତ ଟ୍ରେଭର ଶଙ୍କା ପ୍ରକାଶ କରିବେ ନାହିଁ ।
You can also read: ଆମେରିକା ପୋଲିସର ଏ କି ବ୍ୟବହାର ! ଭାରତୀୟ ଛାତ୍ରୀଙ୍କୁ ଗାଡ଼ି ଚଢ଼ାଇ ମାରିଦେଲେ, ଉପହାସ କରି କହିଲେ-ତା’ ଜୀବନର ମୂଲ୍ୟ କେତେ ?
