ଭୁବନେଶ୍ୱର,୨୬/୦୧: ପାଗ ଫିଟିଯିବ । କୋହଲା ପାଗ ରହିବନି । ଖରା କିରଣ ପଡ଼ିବ । ଶୁକ୍ରବାରଠାରୁ ରାଜ୍ୟରେ ପାଗ ପରିବର୍ତ୍ତନ ହେବ । କିନ୍ତୁ, ରାତି ତାପମାତ୍ରା ସାମାନ୍ୟ କମିବ । ବର୍ତ୍ତମାନ ଯେତିକି ଅଛି, ତା’ଠାରୁ ୨ରୁ ୩ ଡିଗ୍ରୀ ସେଲସିୟସ୍ କମିପାରେ । ଏହା ପ୍ରଭାବରେ ରାଜ୍ୟରେ ଶୀତ ସାମାନ୍ୟ ବଢ଼ିବ ।
ଗୁରୁବାର ପାଗ ସାମାନ୍ୟ ସୁଧୁରିଛି । କୋହଲା ପାଗ ଥିଲେ ବି ପୂର୍ବାପେକ୍ଷା ମେଘ ବାଦଲ ଦୂର ହୋଇଛି । ବର୍ଷା ପ୍ରାୟତଃ ହୋଇନାହିଁ । ଦିନ ତାପମାତ୍ରା ମଧ୍ୟ ବଢ଼ିଛି । ପ୍ରାୟତଃ ୨୨ରୁ ୨୫ ଡିଗ୍ରୀ ସେଲସିୟସ୍ ମଧ୍ୟରେ ରହିଛି । ପୂର୍ବ ରାତିରେ ତାପମାତ୍ରା ସାମାନ୍ୟ କମିଥିଲା । କୋରାପୁଟରେ ସର୍ବନିମ୍ନ ତାପମାତ୍ରା ୧୦.୨, ସୁନ୍ଦରଗଡ଼ ୧୦.୨, ରାଉରକେଲା ୧୧.୪, ଝାରସୁଗୁଡ଼ା ୧୧.୬, ଅନୁଗୁଳ ୧୨, ଡିଗ୍ରୀ ସେଲସିୟସ୍ ଥିଲା । ରାଜ୍ୟର ୧୮ଟି ସ୍ଥାନରେ ସର୍ବନିମ୍ନ ତାପମାତ୍ରା ୧୫ ଡିଗ୍ରୀ ସେଲସିୟସ୍ ମଧ୍ୟରେ ରହିଛି । ବର୍ତ୍ତମାନ ବର୍ଷା ସମ୍ଭାବନା ନାହିଁ । ପାଗ ମୁଖ୍ୟତଃ ଶୁଖିଲା ରହିବ ।
ଶୁକ୍ରବାର ସକାଳେ କିଛି ଜାଗାରେ ମଧ୍ୟମ ଧରଣର କୁହୁଡ଼ି ହୋଇପାରେ । ଦକ୍ଷିଣ ଓଡ଼ିଶାର ଅଳ୍ପ କେତେକ ସ୍ଥାନ ସମେତ ଉତ୍ତର ଓଡ଼ିଶାର ସ୍ଥାନେ ସ୍ଥାନେ କୁହୁଡ଼ି ସମ୍ଭାବନା ଅଛି ।