ନୂଆଦିଲ୍ଲୀ,୦୭/୧୨: ମହିଳା  ପ୍ରିମିୟର ଲିଗ୍‌ (ଡବ୍ଲ୍ୟୁପିଏଲ୍‌)ର ପ୍ରଥମ ସଂସ୍କରଣ ସଫଳ ହେବା ପରେ ଏହାକୁ  ଗୋଟିଏ ନୁହେଁ ବରଂ ଏକାଧିକ ସହରରେ ଆୟୋଜନ କରିବା ନେଇ ବିସିସିଆଇ ଯୋଜନା କରୁଛି । ଦ୍ୱିତୀୟ ସଂସ୍କରଣ କେତୋଟି ଭେନ୍ୟୁରେ ଆୟୋଜନ କରାଯିବ ସେ ବିଷୟରେ ଆସନ୍ତା ୯ ତାରିଖରେ  ଚୂଡ଼ାନ୍ତ ନିଷ୍ପତ୍ତି ହେବ । 

ବିସିସିଆଇର ଜଣେ ଅଧିକାରୀ କହିଛନ୍ତି, ‘ ଡବ୍ଲ୍ୟୁପିଏଲ୍‌କୁ  କେବଳ ଗୋଟିଏ ଭେନ୍ୟୁରେ ସୀମିତ ନରଖି ଏହାକୁ ଏକାଧିକ ଭେନ୍ୟୁରେ ଆୟୋଜନ ନେଇ ବିଚାର କରାଯାଉଛି । ହୁଏତ ଏଥର  ମୁମ୍ବାଇ ଏବଂ ବେଙ୍ଗାଲୁରୁ ଦୁଇଟି ସହରକୁ ଭେନ୍ୟୁ କରାଯାଇ ପାରେ । କିନ୍ତୁ ଆସନ୍ତା ୯ ତାରିଖରେ ଏ ବିଷୟରେ ଚୂଡ଼ାନ୍ତ ହେବ ।’ ପ୍ରଥମ ସଂସ୍କରଣ ଗତ ବର୍ଷ ମାର୍ଚ୍ଚ ୪ରୁ  ଆରମ୍ଭ ହୋଇ ୨୬ରେ ଶେଷ ହୋଇଥିଲା । ଆସନ୍ତା ୯ ତାରିଖରେ ଦ୍ୱିତୀୟ ସଂସ୍କରଣ  ପାଇଁ ଖେଳାଳି ନିଲାମ ହେବ ।