କୋଣାର୍କ,୧/୩ : ଆମେରିକାର ଆରିଜୋନା ରାଜ୍ୟର ଫିନିକ୍ସ ସହରରେ ବିଶ୍ବ ମାତୃଭାଷା ଦିବସ ପାଳିତ ହୋଇଯାଇଛି । ବିଭିନ୍ନ ଦେଶର ପ୍ରତିନିଧି, ଭାରତର ବିଭିନ୍ନ ରାଜ୍ୟର ପ୍ରଭାସୀ ଏହି ଉତ୍ସବରେ ଯୋଗଦେଇ ନିଜ ମାତୃଭାଷାର ପ୍ରତିନିଧିତ୍ଵ କରିଥିଲେ ।
ଏଥିରେ ମନମୋହନ ଜେନା, ରିତିସ୍ନିଗ୍ଧା ଜେନା, ତୃପ୍ତି ସାମନ୍ତରାୟ ଓଡ଼ିଆ ଭାଷା ଓ କଳା ସଂସ୍କୃତି ଓ ପର୍ଯ୍ୟଟନ ବିଷୟରେ ଅବଗତ କରାଇଥିଲେ । ଏହି ଅବସରରେ ଓଡ଼ିଶୀ, ସମ୍ବଲପୁରୀ ଆଦି ନୃତ୍ୟ ଦର୍ଶକଙ୍କୁ ମନ୍ତ୍ରମୁଗ୍ଧ କରିଥିଲା । ଓଡ଼ିଶାର କଳା, ସଂସ୍କୃତି, ଐତିହ୍ୟ ଓ ବିଶେଷତାକୁ ଅବଗତ କରାଇବା ପାଇଁ ଏହି କାର୍ଯ୍ୟକ୍ରମକୁ ଆୟୋଜିତ କରାଯାଇଥିଲା ବୋଲି ଆରିଜୋନା ରାଜ୍ୟର ପ୍ରବାସୀ ଓଡ଼ିଆମାନଙ୍କ ସଂସ୍ଥା ଓଡ଼ିଆ ଆସୋସିଏସନ୍ ଅଫ୍ ଆରିଜୋନା କର୍ମକର୍ତ୍ତା କହିଛନ୍ତି ।
