ଚାନ୍ଦବାଲି, ୦୬/୦୮ : ଟ୍ରକ୍ ପଛପଟକୁ ପିଟିଲା ଦ୍ରୁତଗାମୀ ବାଇକ୍। ଭଦ୍ରକ ଜିଲ୍ଲା ବାଂଶଡା ଥାନା ଅଧିନସ୍ଥ ମଉସୁଧା ଛକରେ ଏଭଳି ମର୍ମନ୍ତୁଦ ଦୁର୍ଘଟଣା ଘଟିଛି। ଏହି ଦୁର୍ଘଟଣାରେ ବାଇକ୍ ଆରୋହୀଙ୍କ ମୃତ୍ୟୁ ଘଟିଛି।

ସୂଚନାଯୋଗ୍ୟ, ଏକ ମାଲ ବୋଝେଇ ଟ୍ରକ୍ ମଉସୁଧା ଛକ ନିକଟରେ ସିମେଣ୍ଟ ଅନଲୋଡ କରୁଥିଲା। ଏତିକି ବେଳେ ଏକ ଦୃତଗାମୀ ବାଇକ୍ ମତୋ ବଜାରରୁ ମଉସୁଧା ଵଜାରକୁ ଯାଉଥିବା ବେଳେ ଟ୍ରକ୍ ପଛ ପଟକୁ ଧକ୍କା ଦେଇଥିଲା। ସ୍ଥାନୀୟ ଲୋକେ ଆମ୍ବୁଲାନ୍ସ ଯୋଗେ ବାଇକ୍ ଆରୋହୀଙ୍କୁ ଗୁରୁତର ଅବସ୍ଥାରେ ଚାନ୍ଦବାଲି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି। ବାଇକ୍ ଆରୋହୀ ଜଣକ ମଉସୁଧା ପଞ୍ଚାୟତ ଫାର୍ସିଵନ୍ଧ ଗାଁର କୈଳାଶ ଜେନାଙ୍କ ପୁଅ ଦୀପକ ଜେନା ଵୋଲି ଜଣାପଡିଛି।