ବାଲୁଗାଁ, ୦୭/୦୯ : ଟ୍ରେଲରକୁ ପିଟିଲା ଟ୍ରକ୍, ଜଣେ ଗୁରୁତର। ଗୁରୁବାର ସକାଳୁ ଖୋର୍ଦ୍ଧା ଜିଲ୍ଲା ୧୬ ନମ୍ବର ଜାତୀୟ ରାଜପଥ ବରଡ଼ି ଢ଼ାବା ନିକଟରେ ଏହି ମର୍ମନ୍ତୁଦ ଦୁର୍ଘଟଣା ଘଟିଛି। 

ସୂଚନା ମୁତାବକ, ଗୁରୁବାର ସକାଳୁ ଆନ୍ଧ୍ରରୁ ଭୁବେନେଶ୍ୱର ଅଭିମୁଖେ ଏକ ଅଦା ବୋଝେଇ ଟ୍ରକ୍ ଓ ଟ୍ରେଲର ଆଗ ପଛ ହୋଇ ଯାଉଥିଲା। ନାଚୁଣୀ ବରଡ଼ି ଢ଼ାବା ନିକଟରେ ଏକ ଅଦା ବୋଝେଇ ଟ୍ରକର ଚକା ଫାଟିଯିବାରୁ ଆଗରେ ଯାଉଥିବା ଟ୍ରେଲରକୁ ଶକ୍ତ ଧକ୍କା ଦେଇଥିଲା। ଫଳରେ ଅଦା ବୋଝେଇ ଟ୍ରକର ସମ୍ମୁଖ ଭାଙ୍ଗି ହୋଇଯାଇଥିବା ବେଳେ ଟ୍ରକ୍ ଚାଳକ କ୍ୟାବିନରେ ଚାପି ହୋଇଯାଇଥିଲେ । ଖବର ପାଇ ନାଚୁଣୀ ପୋଲିସ ଓ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଟ୍ରକ୍ ଚାଳକଙ୍କୁ ଗୁରୁତର ଅବସ୍ଥାରେ ଉଦ୍ଧାର କରିଥିଲେ। ତାଙ୍କୁ ଟାଙ୍ଗୀ ମେଡିକାଲଙ୍କୁ ନିଆଯାଇଛି।