ଛତ୍ରପୁର, ୨୪/୦୫ : ଗଞ୍ଜାମ ସହରରେ ଥିବା ଗ୍ରାସୀମ କେମିକାଲସ୍ ସଲଫୁରିକ ଏସିଡ ପ୍ଲାଣ୍ଟରେ ପାଇପଲାଇନ ଫାଟି ୬ ଜଣ ଆହତ ହୋଇଛନ୍ତି। ସେମାନଙ୍କ ମଧ୍ୟରୁ ୩ ଜଣଙ୍କ ଅବସ୍ଥା ଗୁରୁତର ରହିଛି। ସେମାନଙ୍କୁ ବ୍ରହ୍ମପୁର ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି। ଗୁରୁତର ଆହତମାନେ ହେଲେ ରାହୁଲ ଯାଦବ, ଶଶିକାନ୍ତ ମହାରଣା ଇଞ୍ଜିନିଅର, ଏବଂ କେଶବ ସାହୁ ସୁପରଭାଇଜର। ସେହିପରି ଆହତମାନେ ହେଲେ ଜି ଆସିନିକା, ଲକ୍ଷ୍ମୀଧର ନାୟକ ଏବଂ ଅନ୍ୟ ଜଣେ। ଏମାନେ କମ୍ପାନୀର ଡାକ୍ତରଖାନାରେ ଚିକିତ୍ସତ ହେଉଛନ୍ତି।
ମିଳିଥିବା ସୂଚନା ମୁତାବକ, ଗୁରୁତର ଆହତମାନଙ୍କ ଆଖି ଏବଂ ଶରୀରରେ ବହୁ ପରିମାଣର ଏସିଡ ପଡିଯିବା ଫଳରେ ସେମାନଙ୍କ ଅବସ୍ଥା ଗୁରୁତର ହୋଇପଡିଛି। ଅନ୍ୟମାନଙ୍କ ଶରୀରରେ ଏସିଡ୍ ଛିଟିକି ପଡିଛି। ସଲଫୁରିକ ପ୍ଲାଣ୍ଟର ସଟଡାଉନ ନେଇ ସଲଫୁରିକ ପାଇପ ଲାଇନ୍ ଖୋଲୁଥିବା ବେଳେ ପାଇପଟି ଭାଙ୍ଗିଯାଇଥିଲା। ଯାହାଫଳରେ ଏହି ଦୁର୍ଘଟଣା ଘଟିଥିବା କୁହାଯାଉଛି।