ନୂଆଦିଲ୍ଲୀ – ଟ୍ରେନି ଆଇଏଏସ୍ ପୂଜା ଖେଡକରଙ୍କୁ ନେଇ ଚର୍ଚ୍ଚା ଜୋର ଧରିଛି। ଗତ କିଛି ଦିନ ଧରି ଗୋଟିଏ ପରେ ଗୋଟିଏ ଅଡ଼ୁଆରେ ଛନ୍ଦି ହୋଇଛନ୍ତି ପୂଜା ଖେଡକର। ଏବେ ଏହି ମାମଲାରେ ତନାଘନା ଜୋର କରିଛି କେନ୍ଦ୍ରର କର୍ମଚାରୀ ଓ ତାଲିମ ବିଭାଗ। ସେ ଟ୍ରେନି ଓ ସେବାରେ ଥିବା ଅଧିକାରୀଙ୍କ ସାର୍ଟିଫିକେଟ୍ସକୁ ନେଇ ଖୁବ୍ ସତର୍କତା ଅବଲମ୍ୱନ କରିଛି।
ରିପୋର୍ଟ ମୁତାବିକ , ଏହି କ୍ରମରେ ୬ ଜଣ ସିଭିଲ ସେବକଙ୍କ ଦିବ୍ୟାଙ୍ଗତା ପ୍ରମାଣପତ୍ରର ଯାଞ୍ଚ କରାଯିବ। ଉଲ୍ଲେଖନୀୟ ଯେ , କେନ୍ଦ୍ରୀୟ ଲୋକ ସେବା ଆୟୋଗ ( ୟୁପିଏସସି) ଗତ ବୁଧବାର ଟ୍ରେନି ଆଇଏଏସ ପୂଜା ଖେଡକରଙ୍କ ପ୍ରାର୍ଥୀତ୍ୱ ରଦ୍ଦ କରି ଦେଇଥିଲା। ଏହାସହ ଭବିଷ୍ୟତରେ ସେ କୌଣସି ବି ପରୀକ୍ଷାରେ ସାମିଲ ହୋଇ ପାରିବେନି ବୋଲି ପ୍ରତିବନ୍ଧକ ଲଗେଇଛି। ଖେଡକର ଚୟନ ପାଇଁ ମିଛ ଦିବ୍ୟାଙ୍ଗ ଓ ଅନ୍ୟ ପଛୁଆ ବର୍ଗ (ଓବିସି) ସାର୍ଟିଫିକେଟ୍ ଜମା କରିଥିଲେ। ଏହାକୁ ଦେଖି ଡିଓପିଟି ପ୍ରାର୍ଥୀଙ୍କ ଦିବ୍ୟାଙ୍ଗ ସ୍ଥିତିର ପୁଣି ଥରେ ଯାଞ୍ଚ ପାଇଁ ସ୍ୱାସ୍ଥ୍ୟ ସେବା ମହାନିର୍ଦ୍ଦେଶକ (ଡିଜିଏଚଏସ)ଙ୍କୁ ଚିଠି ଲେଖିଛନ୍ତି।
ରିପୋର୍ଟ ମୁତାବିକ, ଯେଉଁ ୬ ଜଣ ଅଧିକାରୀଙ୍କ ପ୍ରମାଣପତ୍ର ସନ୍ଦେହ ପରିସରରେ ରହିଛି , ତାଙ୍କର ମେଡିକାଲ ସାର୍ଟିଫିକେଟ୍ ଗତ ଦିନ ସୋସିଆଲ ମିଡ଼ିଆରେ ଭାଇରାଲ ହୋଇ ଥିଲା। ଯଦି ୟୁପିଏସସିର ନିୟମର କଥା କହିବା ତ ସଂରକ୍ଷଣର ଲାଭ ଉଠାଇବା ପାଇଁ କ୍ୟାଣ୍ଡିଡେଟଙ୍କ ସର୍ବନିମ୍ନ ୪୦ ପ୍ରତିଶତ ଦିବ୍ୟାଙ୍ଗ ହେବା ଜରୁରୀ ।
ୟୁପିଏସସି ଦିବ୍ୟାଙ୍ଗ ପ୍ରାର୍ଥୀଙ୍କ ପାଇଁ ବୟସ ସୀମା , ପ୍ରୟାସର ସଂଖ୍ୟା ଓ ପରୀକ୍ଷା କେନ୍ଦ୍ରକୁ ନେଇ କୋହଳ କରିଥାଏ। ପୂଜା ଖେଡକର କେସ୍କୁ ନେଇ ଆୟୋଗ କହିଛି , ଗତ ୧୫ ବର୍ଷ ମଧ୍ୟରେ ଏହା ଗୋଟିଏ ମାତ୍ର ମାମଲା , ଯେଉଁଥିରେ ସେ ଏହା ଜାଣିପାରି ନାହାନ୍ତି କି ଖେଡକର ଜଣେ ପ୍ରାର୍ଥୀ ଭାବେ ୟୁପିଏସଇ ପରୀକ୍ଷାରେ ନିର୍ଦ୍ଧାରିତ ପ୍ରୟାସ ଠାରୁ ଅଧିକ ଥର ପରୀକ୍ଷା ଦେଇଛନ୍ତି , କାରଣ ସେ କେବଳ ନିଜର ନାଁ ବଦଳାଇ ନାହାନ୍ତି , ବରଂ ନିଜର ମାତା ପିତାଙ୍କ ନାମ ମଧ୍ୟ ବଦଳାଇ ଦେଇଛନ୍ତି।
କହି ରଖୁଛୁ କି ଦିଲ୍ଲୀର ଏକ କୋର୍ଟ ଗୁରୁବାର ଦିନ ପୂଜା ଖେଡକରଙ୍କୁ ଅଗ୍ରିମ ଜାମିନ୍ ଦେବାକୁ ମନା କରିଛନ୍ତି । ଅତିରିକ୍ତ ସେସନ ବିଚାରପତି ଦେବେନ୍ଦ୍ର କୁମାର ଜଙ୍ଗଲା କହିଛନ୍ତି , ଦିଲ୍ଲୀ ପୁଲିସକୁ ଏହା ମଧ୍ୟ ଯାଞ୍ଚ କରିବା ଉଚିତ୍ ଯେ , ୟୁପିଏସସିରେ ଖେଡକରଙ୍କୁ କିଏ ସାହାଯ୍ୟ କରିଛନ୍ତି କି ? ବିଚାରପତି ମାମଲାରେ ଯାଞ୍ଚର ପରିସରକୁ ବୃଦ୍ଧି କରିଛନ୍ତି । ଏହାସହ , ଦିଲ୍ଲୀ ପୁଲିସକୁ ଏହି ଯାଞ୍ଚ କରିବାର ନିର୍ଦ୍ଦେଶ ଦେଇଛନ୍ତି କି ଅନ୍ୟ ପ୍ରାର୍ଥୀମାନେ ବିନା ଯୋଗ୍ୟତାରେ ଓବିସି ଓ ପିଡବ୍ଲୁଡି କୋଟା ଅନୁସାରେ ଏହାର ଲାଭ ଉଠାଇଛନ୍ତି କି ?
ଏହି ଚଞ୍ଚକତା ସାମ୍ନାକୁ ଆସିବା ପରେ ଆୟୋଗ ପରୀକ୍ଷା ପ୍ରକରଣରେ ଆହୁରି ସ୍ପଷ୍ଟତା ଆଣିବାକୁ ଆଗାମୀ ଦିନରେ କଡା କାର୍ଯ୍ୟାନୁଷ୍ଠାନ ନେବାକୁ ଯାଉଥିବା ସ୍ପଷ୍ଟ କରିଛନ୍ତି।
