ନୂଆଦିଲ୍ଲୀ,୧୦।୧୧: ମହାରାଷ୍ଟ୍ରର ଉପ-ମୁଖ୍ୟମନ୍ତ୍ରୀ ଅଜିତ ପାଓ୍ବାର ଶୁକ୍ରବାର ରାଷ୍ଟ୍ରବାଦୀ କଂଗ୍ରେସ ପାର୍ଟିର ମୁଖ୍ୟ ଶରଦ ପାଓ୍ବାରଙ୍କୁ ଭେଟିଛନ୍ତି। ଏହାର ତୁରନ୍ତ ପରେ ଅଜିତ ପାଓ୍ବାର ଦିଲ୍ଲୀରେ ପହଞ୍ଚିଛନ୍ତି। ଏଠାରେ ସେ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କୁ ଭେଟି ପାରନ୍ତି। ଦୁଇ ନେତାଙ୍କ ସାକ୍ଷାତ ଏଭଳି ସମୟରେ ହୋଇଛି ଯେତେବେଳେ ଅଜିତ ପାଓ୍ବାରଙ୍କ ଗ୍ରୁପର ଦିଲ୍ଲୀରେ ବୈଠକ ହେବାର ସମ୍ଭାବନା ରହିଛି। ଏହାଛଡା ଶରଦ ପାଓ୍ବାରଙ୍କୁ ଭେଟିବାର ତୁରନ୍ତ ପରେ ଅଜିତ ପାଓ୍ବାରଙ୍କୁ ଦିଲ୍ଲୀ ଆସି ଶାହଙ୍କୁ ସାକ୍ଷାତ କରିବାକୁ ନେଇ ମଧ୍ୟ ରାଜନୈତିକ ଦୁନିଆରେ ବିଭିନ୍ନ ପ୍ରକାର ଚର୍ଚ୍ଚା ହେଉଛି।

ତେବେ ସମସ୍ତ କଳ୍ପନାଜଳ୍ପନାକୁ ଖାରଜ କରି ଶରଦ ପାୱାରଙ୍କ ଭଉଣୀ ସରୋଜ କହିଛନ୍ତି, ସବୁ ପ୍ରକାର ଦେଖା ସାକ୍ଷାତ ସମ୍ପୂର୍ଣ୍ଣ ପାରିବାରିକ ସମ୍ପର୍କ। ଜନ୍ମଦିନ ହେତୁ ଶରଦ ପାୱାର ଏବଂ ଅଜିତ ପାୱାରଙ୍କ ସାକ୍ଷାତ ପ୍ରତାପ ରାଓ ପାୱାର  ଘରେ ହୋଇଥିଲା। ସେ କହିଛନ୍ତି, “ଯେତେବେଳେ ଆମେ ଭେଟୁ, ଆମେ ହସି ହସି ପରସ୍ପରକୁ ଥଟ୍ଟା ମଜା କରିଥାଉ। ଦୀର୍ଘ ସମୟ ପରେ ଆମେ ଭେଟି ବହୁତ ଖୁସି।’ ଶରଦ ପାୱାରଙ୍କ ଗୋଷ୍ଠୀର ନେତା ଜୟନ୍ତ ପାଟିଲ କହିଛନ୍ତି, ଦୁଇ ନେତାଙ୍କ ମଧ୍ୟରେ ସାକ୍ଷାତ (ଶରଦ ପାୱାର ଏବଂ ଅଜିତ ପାୱାର) ଏକ ପାରିବାରିକ ସମ୍ପର୍କ, ତେଣୁ ମୁଁ ଏହା ବିଷୟରେ କ’ଣ କହିପାରେ? ମୁଁ ଦଳର ରାଜ୍ୟ ସଭାପତି, ତେଣୁ ଏଭଳି ପରିସ୍ଥିତିରେ ଦଳ ବିଷୟରେ ପ୍ରଶ୍ନ ପଚାର।