ନୂଆଦିଲ୍ଲୀ,୨୭/୧୧ : ଚିନ୍ତା ବଢାଉଛି ଡିପ୍ଫେକ୍ ଭିଡ଼ିଓ । ରଶ୍ମିକା ମନ୍ଦାନା ଏବଂ କାଜୋଲ ଦେବଗନଙ୍କ ଡିପ୍ଫେକ୍ ଭିଡ଼ିଓ ସୋସିଆଲ ମିଡ଼ିଆରେ ହଇଚଇ ସୃଷ୍ଟି କରିଥିଲା । ଏବେ ଆଲିଆ ଭଟ୍ଟଙ୍କ ଡିପ୍ଫେକ୍ ଭିଡ଼ିଓ ଖୁବ୍ ଭାଇରାଲ ହେବାରେ ଲାଗିଛି । ଏଆଇର ଏହି ଟେକନିକ୍କୁ ନେଇ ସାଧାରଣ ଜନତା ଏବେ ଚିନ୍ତାରେ ପଡ଼ିଯାଇଛନ୍ତି । ସରକାର ମଧ୍ୟ ଏହା ଉପରେ ଆକ୍ସନ ନେଉଛନ୍ତି ।
ସୋସିଆଲ ମିଡ଼ିଆରେ ଏବେ ଆଲିଆଙ୍କ ଏକ ଭିଡ଼ିଓ ସାମ୍ନାକୁ ଆସିଛି । ଯାହା ଖୁବ୍ ଭାଇରାଲ ହେବାରେ ଲାଗିଛି । ଏହି ଭାଇରାଲ ଭିଡ଼ିଓରେ ଜଣେ ଯୁବତୀ ଖଟ ଉପରେ ଶୋଇଥିବା ନଜର ଆସୁଛନ୍ତି ଏବଂ କ୍ୟାମେରାକୁ ଦେଖି ଅଶ୍ଳୀଳ ଇସାରା କରୁଛନ୍ତି ।
ମାତ୍ର ଭିଡ଼ିଓରେ ନଜର ଆସୁଥିବା ଯୁବତୀ ଜଣଙ୍କ ଆଲିଆ ଭଟ୍ଟ ନୁହେଁ ବରଂ ଅନ୍ୟ କେହି । ଏହି ଯୁବତୀଙ୍କ ଚେହେରା ଉପରେ ଆଲିଆ ଭଟ୍ଟଙ୍କ ଚେହେରା ଲଗାଯାଇଛି । ଯଦି ଆପଣ ଏହି ଭିଡ଼ିଓକୁ ଭଲ ଭାବରେ ଦେଖିବେ ତ ଏହା ଆପଣଙ୍କୁ ଏଡ଼ିଟ୍ କରାଯାଇଥିବା ଦେଖାଯିବ । ଆଲିଆଙ୍କ ଏହି ଭିଡ଼ିଓ ସୋସିଆଲ ମିଡ଼ିଆରେ ଖୁବ୍ ଭାଇରାଲ ହେବାରେ ଲାଗିଛି । ଅନ୍ୟପଟେ ଏଭଳି ଭିଡ଼ିଓ ଦେଖି ତାଙ୍କର ଫ୍ୟାନ୍ସମାନେ ଖୁସି ନ ଥିବା ଦେଖାଯାଉଛି ।
