ଦେବାଧି ଦେବ ମହାଦେବ। ଦେବତାଗଣ ମଧ୍ୟ ତାଙ୍କୁ ଆରଧନା କରିଥାନ୍ତି। ତାଙ୍କରି ଆଦେଶରେ ଚାଲିଛି ଆମର ଏହି ସଂସାର। ସମଗ୍ର ବିଶ୍ୱକୁ ବିଷପାନ ଠାରୁ ରକ୍ଷା କରିବାକୁ ଯାଇ ନିଜେ ସବୁ ବିଷ ପିଇ ହୋଇଥିଲେ ନୀଳକଣ୍ଠ। ତାଙ୍କୁ ପ୍ରସନ୍ନ କରିବା ଅତ୍ୟନ୍ତ ସହଜ। ପୂର୍ଣ୍ଣ ଶ୍ରଦ୍ଧାରେ କେବଳ ତାଙ୍କ ନାମ ଜପରେ ହିଁ ପ୍ରସନ୍ନ ହୋଇଥାନ୍ତି ସେ। ବେଲପତ୍ର ଏବଂ ଅରଖ ଫୁଲ ତାଙ୍କର ବେଶ ପ୍ରିୟ। ସେ ଭକ୍ତଙ୍କ ମନ କଥା ବୁଝି ସମସ୍ତ ଦୁଃଖ ମଧ୍ୟ ଦୂର କରିଥାନ୍ତି। ସେଥିପାଇଁ ଏ ବ୍ରହ୍ମାଣ୍ଡ ତାଙ୍କୁ ଭୋଳାବାବା ବୋଲି ସମ୍ୱୋଧନ କରିଥାଏ। 

ଚଳିତ ମାସ ଅର୍ଥାତ ଜୁଲାଇ ମାସ ୫ ତାରିଖରେ ଅମାବାଶ୍ୟାର ତିଥି ରହିଛି। ଶିବଲିଙ୍ଗ ସମ୍ୱନ୍ଧିତ ଏକ ଉପାୟ କରନ୍ତୁ । ଏହା ଆପଣଙ୍କ ଭାଗ୍ୟର ତିନୋଟି ଗ୍ରହକୁ ଅତ୍ୟନ୍ତ ଶୁଭ କରିବା ସହ ସକାରାତ୍ମକତା ରେ ଭରିଦେଇଥାଏ।  

ଅମାବାଶ୍ୟା ତିଥିରେ ଶିବଙ୍କର ଉପାସନା କରିବାର ଉପାୟ –

ଏହି ଦିନ ଆପଣ ଶିବଙ୍କର ଧ୍ୟାନ କରି ପୂଜାର୍ଚ୍ଚନା କରନ୍ତୁ। ଏହିଦିନ ସଂନ୍ଧ୍ୟା ସମୟରେ ଆପଣ ହାତର ମଝି ଆଙ୍ଗୁଠିରେ କଜ୍ୱଳ ନେଇ ଶିବଲିଙ୍ଗ ଉପରେ ତିନୋଟି ବିନ୍ଦି କରନ୍ତୁ। ପରେ ଏହାକୁ ଜଳ ସାହାଯ୍ୟରେ ସଫା କରି ଦିଅନ୍ତୁ। ଯେକୌଣସି  ଜିନିଶ ଶିବଲିଙ୍ଗରେ ଚଢାଇବା ପରେ ଜଳାଭିଷେକ କରିବା ଅନିବାର୍ଯ୍ୟ ହୋଇଥାଏ। 

ଏହାର ବିଶେଷ ଲାଭ–

ଏହି ତିଥିରେ ଉପରୋକ୍ତ ଉପାୟ କରିବା ଦ୍ୱାରା ଶନି ଏବଂ ରାହୁ ସହ ସମ୍ୱନ୍ଧିତ ଦୋଷ, ସମସ୍ୟା ଦୂର ହୋଇଥାଏ। ଯଦି ଆପଣଙ୍କ ଉପରେ କୌଣସି ତାନ୍ତ୍ରିକ ପ୍ରଭାବ ପଡୁଛି, ତେବେ ତାହା ମଧ୍ୟ ଦୂର ହେବ ଏବଂ ଶିବଙ୍କର ଆଶୀର୍ବାଦ ମଧ୍ୟ ମିଳିବ।