ନୂଆଦିଲ୍ଲୀ,୧୪/୦୫: ଇସ୍ରାଏଲ ଓ ହମାସ ଭିତରେ ଆମେରିକାରେ ରିପବ୍ଳିକାନ ପାର୍ଟିର ସିନେଟର ଲିଣ୍ଡସେ ଗ୍ରାହମ ଏକ ଅପ୍ରିତିକର ବୟାନ ଦେଇଚନ୍ତି। ସେ ଇସ୍ରାଏଲ ଓ ଗାଜାର ସ୍ଥିତିକୁ ଦ୍ବିତୀୟ ବିଶ୍ବଯୁଦ୍ଧ ସହିତ ତୁଳନା କରିଛନ୍ତି। ଏହାର ସମାଧାନର ପରାମର୍ଶ ସ୍ବରୁପ ସେ ଆମେରିକା ପକ୍ଷରୁ ଜାପାନ ଉପରେ ପରମାଣୁ ବୋମା ପକାଇ ଦ୍ବିତୀୟ ବିଶ୍ବଯୁଦ୍ଧକୁ ଶେଷ କରାଯାଇଥିଲା ବୋଲି କହିଛନ୍ତି। ଠିକ୍ ସେହିପରି ଇସ୍ରାଏଲକୁ ମଧ୍ୟ ବମ୍ ଯୋଗାଇଦେବାର ଆବଶ୍ୟକତା ଅଛି ଏବଂ ଏହାଦ୍ବାରା ଏହି ଯୁଦ୍ଧ ଶେଷ ହେବ ବୋଲି ଯୁକ୍ତି କରିଛନ୍ତି।
ଏନ୍ବିସିକୁ ରବିବାର ଦେଇଥିବା ଏକ ସାକ୍ଷାତକାରରେ ଲିଣ୍ଡସେ ଗ୍ରାହମ କହିଛନ୍ତି ଯେ, ଏକ ରାଷ୍ଟ୍ର ଭାବରେ ଯେତେବେଳେ ଆମେ ବିନାଶର ଦୃଶ୍ୟ ଦେଖୁଥିଲୁ ଏବଂ ଜର୍ମାନ ଓ ଜାପାନୀମାନଙ୍କ ସହିତ ଲଢ଼ୁଥିଲୁ, ସେତେବେଳେ ହିରୋସିମା ଏବଂ ନାଗାସାକି ଉପରେ ପରମାଣୁ ଆକ୍ରମଣ ଦ୍ୱାରା ଯୁଦ୍ଧକୁ ସମାପ୍ତ କରିବାର ନିଷ୍ପତ୍ତି ନିଆଯାଇଥିଲା ଏବଂ ତାହା ଠିକ୍ ନିଷ୍ପତ୍ତି ଥିଲା। ୟୁଏସ୍ ସିନେଟର କହିଛନ୍ତି ଯେ, ଇସ୍ରାଏଲକୁ ମଧ୍ୟ ଏହି ଯୁଦ୍ଧ ବନ୍ଦ କରିବାକୁ ବମ୍ର ଆବଶ୍ୟକତା ରହିଛି, କାରଣ ନେତାନ୍ୟାହୁ ପରାଜୟ ବରଦାସ୍ଥ କରିପାରିବେ ନାହିଁ। ସେ ଆହୁରି ମଧ୍ୟ କହିଛନ୍ତି ଯେ, ଯୁଦ୍ଧ ଇତିହାସରେ ମୁଁ କେବେବି ଶତ୍ରୁ (ହମାସ) ପକ୍ଷରୁ ଏପରି ପ୍ରୟାସ କରିବାର ଦେଖିନାହିଁ, ଯେଉଁଠି ନାଗରିକଙ୍କ ଜୀବନ ବିପଦରେ ପଡ଼ୁଛି।
ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁଙ୍କ ନେତୃତ୍ବାଧିନ ଇସ୍ରାଏଲର ଜଣେ ଦୃଢ଼ ସମର୍ଥକ କୁହାଯାଉଥିବା ଲିଣ୍ଡସେ ଗ୍ରାହମ ପୁଣି କହିଛନ୍ତି ଯେ,'ରାଷ୍ଟ୍ରପତି ଜୋ ବାଇଡେନଙ୍କୁ ସମାଲୋଚନା ମଧ୍ୟ କରିଛନ୍ତି। ସୂଚନାଥାଉକି, ଜୋ ବାଇଡେନ ଇସ୍ରାଏଲକୁ ଚେତାବନୀ ଦେଇଥିଲେ ଯେ, ଯଦି ଇସ୍ରାଏଲ ସେନା ଗାଜାର ଶେଷ ସହର ରାଫାରେ ଅପରେସନ୍ ଜାରି ରଖିବେ, ତେବେ ଆମେରିକା ଗୋଳାବାରୁଦ ଓ ଅସ୍ତ୍ରଶସ୍ତ୍ର ଯୋଗଇବା ବନ୍ଦ କରିଦେବ।