ନୂଆଦିଲ୍ଲୀ: ବଲିଉଡରେ ସର୍ବଦା ଚର୍ଚ୍ଚାରେ ରହିଥାଏ ବିଗ୍ ବିଙ୍କ ପରିବାର । ଆଉ ବର୍ତ୍ତମାନ ସମୟରେ ବଚ୍ଚନ ପରିବାର ଏବଂ ତାଙ୍କ ବୋହୂ ଐଶ୍ୱର୍ଯ୍ୟାଙ୍କ ମଧ୍ୟରେ ଝଗଡା ହେବାର ଖବର ଚର୍ଚ୍ଚାରେ ରହିଛି । ସର୍ବସାଧାରଣରେ, ବୋହୂ ଐଶ୍ୱର୍ଯ୍ୟାଙ୍କ ସହ ବଚ୍ଚନ ପରିବାରର ବିବାଦ ପ୍ରାୟତଃ କ୍ୟାମେରାରେ କଏଦ ହୋଇଥାଏ । ଆଉ ଏବେ ପାରିବାରିକ କଳହକୁ ନେଇ ଜୋରଦାର ଆଲୋଚନା ମଧ୍ୟରେ ଅମିତାଭ ବଚ୍ଚନ ବୋହୂ ଐଶ୍ୱର୍ଯ୍ୟା ରାୟ ବଚ୍ଚନଙ୍କ ବିରୋଧରେ ଏମିତି ଏକ କଠୋର ପଦକ୍ଷେପ ନେଇଛନ୍ତି, ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । 

ଏକ ରେଡ୍ଡିଟ୍ ପୋଷ୍ଟ ବର୍ତ୍ତମାନ ସମୟରେ ଅନଲାଇନରେ ଭାଇରାଲ୍ ହେଉଛି ଯେଉଁଥିରେ ଦର୍ଶାଯାଇଛି ଯେ, ବିଗ୍ ବି ତାଙ୍କ ବୋହୂ ଐଶ୍ୱର୍ଯ୍ୟାଙ୍କୁ ଅନୁସରଣ କରୁନାହାଁନ୍ତି । ଏହା ପରେ ଜଣେ ରେଡ୍ଡିଟ୍ ୟୁଜର୍ ଇନଷ୍ଟାଗ୍ରାମରେ ବିଗ୍ ବି ଏଶ୍ୱର୍ଯ୍ୟା ରାୟ ବଚ୍ଚନଙ୍କୁ ଅନୁସରଣ କରିଛନ୍ତି କି ନାହିଁ ବୋଲି ପ୍ରଶ୍ନ କରିଛନ୍ତି । ଏହା ଉପରେ କିଛି ଲୋକ ଦାବି କରିଛନ୍ତି ଯେ ଅମିତାଭ ବଚ୍ଚନ ଏବଂ ଐଶ୍ୱର୍ଯ୍ୟା ଇନଷ୍ଟାଗ୍ରାମରେ ପରସ୍ପରକୁ କେବେ ବି ଅନୁସରଣ କରିନାହାଁନ୍ତି । କିଛି ଲୋକ ଏହା ମଧ୍ୟ କହିଛନ୍ତି ଯେ, ନିଶ୍ଚିତ ଭାବରେ କିଛି ଭୁଲ ଅଛି । ଯେତେବେଳେ କେହି ଜଣେ କହିଥିଲେ ଯେ, ଏହା ପ୍ରାଇଭେଟ ସେଟିଂ କାରଣରୁ ଏହା ହୋଇପାରେ, ଯେଉଁଥିରେ କେବଳ ଅମିତାଭ ବଚ୍ଚନ ତାଙ୍କ ଫଲୋୟର୍ସ ମାନଙ୍କୁ ଦେଖିପାରିବେ ଏବଂ ଅନ୍ୟମାନେ ନୁହଁନ୍ତି । 

ସୂଚନାଥାଉକି, କିଛି ସମୟ ଧରି ଏପରି ଗୁଜବ ପ୍ରଚାରିତ ହେଉଛି ଯେ  ଐଶ୍ୱର୍ଯ୍ୟା ରାୟ ବଚ୍ଚନ ପରିବାର ସହିତ ରହିବା ପରିବର୍ତ୍ତେ ତାଙ୍କ ମାଆଙ୍କ ଘରେ ଅଧିକ ସମୟ ବିତାଉଛନ୍ତି । ଐଶ୍ୱର୍ଯ୍ୟା ସର୍ବଦା ତାଙ୍କ ମା ଏବଂ ଝିଅଙ୍କ ସହ ସର୍ବସାଧାରଣ କାର୍ଯ୍ୟକ୍ରମରେ ଦେଖାଯାଉଛନ୍ତି ଏବଂ ସେ ତାଙ୍କ ମା ଏବଂ ଝିଅ ଆରାଧ୍ୟାଙ୍କ ସହ ସୋସିଆଲ ମିଡିଆରେ ସେୟାର କରନ୍ତି । କେବଳ ଏତିକି ନୁହେଁ ଅଭିଷେକ ବଚ୍ଚନଙ୍କ ବ୍ୟତୀତ ପରିବାରର କେହି କେହି ଐଶ୍ୱର୍ଯ୍ୟାଙ୍କୁ ତାଙ୍କ ଜନ୍ମଦିନରେ ଶୁଭେଚ୍ଛା ଜଣାଇ ନଥିଲେ । ମନୀଷ ମଲହୋତ୍ରାଙ୍କ ଦିୱାଲୀ ପାର୍ଟି ସମୟରେ ମଧ୍ୟ ଐଶ୍ୱର୍ଯ୍ୟା ଏକୁଟିଆ ଆସିଥିଲେ । ଏସବୁ ପରେ ଗୁଜବ ଅଧିକ ତୀବ୍ର ହୋଇଛି ଯେ ଐଶ୍ୱର୍ଯ୍ୟା ଏବଂ ବଚ୍ଚନ ପରିବାର ମଧ୍ୟରେ ଅନେକ ତିକ୍ତତା ଲାଗି ରହିଛି । ତେବେ ଏପର୍ଯ୍ୟନ୍ତ ଐଶ୍ୱର୍ଯ୍ୟା କିମ୍ବା ବିଗ୍ ବି ପରିବାରର କେହି ଏହି ଗୁଜବ ଉପରେ କୌଣସି ପ୍ରତିକ୍ରିୟା ରଖିନାହାଁନ୍ତି ।