ଭୁବନେଶ୍ବର, ୩୦।୪  ଆନନ୍ଦପୁର ବିଧାୟକ ଭାଗିରଥୀ ସେଠୀ ବିଜେଡିରୁ ଇସ୍ତଫା ଦେଇଛନ୍ତି। ସେ ଦଳର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଇଛନ୍ତି। ତାଙ୍କ ଇସ୍ତଫା ପତ୍ର ଦଳ ସୁପ୍ରିମୋ ନବୀନ ପଟ୍ଟନାୟକଙ୍କ ନିକଟକୁ ପଠାଇଛନ୍ତି। 

 ଭାଗିରଥୀ ୨୦୦୯ ନିର୍ବାଚନରେ ଆନନ୍ଦପୁର ନିର୍ବାଚନମଣ୍ଡଳୀରୁ ବିଜେଡିରୁ ବିଧାୟକ ହୋଇଥିଲେ।  ୨୦୧୪ରେ ତାଙ୍କୁ ଟିକେଟ ମିଳି ନ ଥିଲା। ତାଙ୍କ ସ୍ଥାନରେ ମାଧୟର  ଜେନାଙ୍କୁ ଦଳ ପ୍ରାର୍ଥୀ କରିଥିଲା। ସେ ବିଜେଡି ଛାଡି ବିଜେପିରେ ସାମିଲ ହୋଇଥିଲେ। କିନ୍ତୁ ନିର୍ବାଚନ ଲଢି ନଥିଲେ। ୨୦୧୯ ନିର୍ବାଚନରେ ସେ ବିଜେପି ଛାଡି ବିଜେଡିରେ ଯୋଗ ଦେଇଥିଲେ।  ବିଜେଡି ଟିକେଟରେ ନିର୍ବାଚନ ଲଢି ବିଜୟୀ ହୋଇଥିଲେ।  ତେବେ ୨୦୨୪ରେ ସେ ପ୍ରାର୍ଥୀ ହେବେ ବୋଲି ଆଶା ରଖିଥିଲେ।  କିନ୍ତୁ ବିଜେଡି ତାଙ୍କୁ ଟିକେଟ  ନ ଦେଇ ଅଭିମନ୍ୟୁ ସେଠୀଙ୍କୁ ଟିକେଟ ଦେଇଥିଲା। ଏହାକୁ ନେଇ ଭାଗିରଥୀ ଅସନ୍ତୋଷ ପ୍ରକାଶ କରିଥିଲେ।