କଟକ,୧୭/୧୧: ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ମାମଲାରେ ଗିରଫ ଅର୍ଚ୍ଚନା  ନାଗଙ୍କ ଜାମିନ୍‌ ମାମଲାରେ ଶୁଣାଣି ଗୁରୁବାର ହାଇକୋର୍ଟରେ କରାଯାଇଛି । ବିଚାରପତି ଜଷ୍ଟିସ୍‌  ଗୌରୀଶଙ୍କର ଶତପଥୀ ଇଡିଠାରୁ ଗିରଫଦାରୀ ସଂକ୍ରାନ୍ତ ରିପୋର୍ଟ ତଲବ କରିଛନ୍ତି ।  ଆସନ୍ତା ସୋମବାରକୁ ପରବର୍ତ୍ତୀ ଶୁଣାଣି ପାଇଁ ସମୟ ଧାର‌୍ୟ୍ୟ ହୋଇଛି । 

ଅର୍ଚ୍ଚନା ତାଙ୍କୁ  ବ୍ଲାକ୍‌ମେଲ୍‌ କରିବା ସହ ଅର୍ଥ ହଡ଼ପ କରୁଛନ୍ତି ବୋଲି ଅଭିଯୋଗ କରି ଚଳଚ୍ଚିତ୍ର ନିର୍ମାତା  ଅକ୍ଷୟ ପରିଜା ମାମଲା ରୁଜୁ କରିଥିଲେ । ଏହି ଘଟଣାରେ ପୁଲିସ୍‌ ଅର୍ଚ୍ଚନାଙ୍କୁ ୨୦୨୨  ଅକ୍ଟୋବରରେ ଗିରଫ କରିଥିଲା । ପରେ ମାମଲା ଇଡିକୁ ହସ୍ତାନ୍ତର କରାଯାଇଥିଲା । ପୁଲିସ୍‌  ପକ୍ଷରୁ ରୁଜୁ ମାମଲାରେ ଅର୍ଚ୍ଚନାଙ୍କୁ ହାଇକୋର୍ଟରୁ ଜାମିନ୍‌ ମିଳିସାରିଛି । ଏବେ ଇଡି ପକ୍ଷରୁ  ରୁଜୁ ମାମଲାରେ ଶୁଣାଣି ଚାଲିଛି । ଆବେଦନକାରିଣୀଙ୍କ ପକ୍ଷରୁ ଆଇନଜୀବୀ ଜୟଦୀପ  ପାଲ୍‌ ଏବଂ ଇଡି ପକ୍ଷରୁ ଆଇନଜୀବୀ ଗୋପାଳ ଅଗ୍ରୱାଲ ମାମଲା ପରିଚାଳନା କରୁଛନ୍ତି ।