ନୂଆଦିଲ୍ଲୀ: ଦିଲ୍ଲୀର ରାମଲୀଳା ମୈଦାନରେ ସିଏମ୍ ଅରବିନ୍ଦ କେଜ୍ରିୱାଲଙ୍କ ଗିରଫଦାରୀ ବିରୋଧରେ ଆମ୍ ଆଦମୀ ପାର୍ଟି (ଏଏପି) ଆଜି ଏକ ମେଗା ରାଲିର ଆୟୋଜନ କରିଛି। ଏହି କାର୍ଯ୍ୟକ୍ରମରେ INDIA ମିଳିତ ମଞ୍ଚର ସମସ୍ତ ନେତା ମଧ୍ୟ ଉପସ୍ଥିତ ଥିଲେ । ଏହି ଅବସରରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ପତ୍ନୀ ସୁନୀତା କେଜ୍ରିୱାଲ ଲୋକସଭା ନିର୍ବାଚନ ପୂର୍ବରୁ ବଡ ଘୋଷଣା କରିଛନ୍ତି । ସେ ରାଲିରେ ସମସ୍ତଙ୍କ ସାମ୍ନାରେ ତାଙ୍କ ସ୍ୱାମୀ କେଜ୍ରିୱାଲଙ୍କ ୬ଟି ଗ୍ୟାରେଣ୍ଟିକୁ ପଢି ଶୁଣାଇଛନ୍ତି । 

ଏହି ରାଲିରେ ସୁନୀତା କେଜ୍ରିୱାଲ କହିଛନ୍ତି ଯେ, ଅରବିନ୍ଦ କେଜ୍ରିୱାଲଙ୍କ ସହ ଭାରତର ଲୋକମାନେ ଛିଡା ହୋଇଛନ୍ତି। ତାଙ୍କୁ ସବୁଦିନ ପାଇଁ ଜେଲରେ ରଖାଯାଇପାରିବ ନାହିଁ । ସୁନୀତା କେଜ୍ରିୱାଲ ତାଙ୍କର ପ୍ରଥମ ବଡ ରାଜନୈତିକ ଭାଷଣରେ ଶତାଧିକ ଆମ୍ ଆଦମୀ ପାର୍ଟି (ଏଏପି) ସମର୍ଥକଙ୍କ ସାମ୍ନାରେ ଅରବିନ୍ଦ କେଜ୍ରିୱାଲଙ୍କ ଠାରୁ ମିଳିଥିବା ବାର୍ତ୍ତା ପଡିଥିଲେ । ସୁନୀତା କେଜ୍ରିୱାଲ କହିଛନ୍ତି ଯେ, ଅରବିନ୍ଦ ଆପଣଙ୍କୁ କହିଛନ୍ତି ଯେ ମୁଁ ଆପଣଙ୍କ ଠାରୁ ଭୋଟ୍ ମାଗୁନାହିଁ। ନିର୍ବାଚନରେ କାହାକୁ ପରାସ୍ତ କରିବାରେ ମୋତେ ସାହାଯ୍ୟ କରିବାକୁ ମୁଁ ଆପଣଙ୍କୁ କହୁନାହିଁ । ମୁଁ କେବଳ ୧୪୦କୋଟି ଭାରତୀୟଙ୍କୁ ଏହି ଦେଶକୁ ଆଗକୁ ନେବାରେ ସାହାଯ୍ୟ କରିବାକୁ କହୁଛି । 

ଏବେ ଆସନ୍ତୁ ଜାଣିବା କେଜ୍ରିୱାଲ ଦେଶବାସୀଙ୍କୁ ଦେଇଥିବା ୬ ଟି ଗ୍ୟାରେଣ୍ଟି କ’ଣ…

୧. ଆମେ ସମଗ୍ର ଦେଶରେ ୨୪ଘଣ୍ଟା ବିଦ୍ୟୁତ୍ ବ୍ୟବସ୍ଥା କରିବୁ, କୌଣସି ସ୍ଥାନରେ ବିଦ୍ୟୁତ୍ କାଟ ହେବ ନାହିଁ…

୨. ଗରିବ ମାନେ ସାରା ଦେଶରେ ମାଗଣା ବିଦ୍ୟୁତ୍ ପାଇବେ…

୩. ସମସ୍ତଙ୍କୁ ସମାନ ଶିକ୍ଷା ମିଳିବ…

୪. ଆମେ ପ୍ରତ୍ୟେକ ଗ୍ରାମ ଏବଂ ସ୍ଥାନୀୟ ଅଞ୍ଚଳରେ ମୋହାଲା କ୍ଲିନିକ୍ ସ୍ଥାପନ କରିବୁ ଏବଂ ପ୍ରତ୍ୟେକ ବ୍ୟକ୍ତିଙ୍କ ପାଇଁ ମାଗଣା ଚିକିତ୍ସା ବ୍ୟବସ୍ଥା କରିବୁ…

୫. ସ୍ବାମୀନାଥନ ଆୟୋଗ ଅନୁଯାୟୀ କୃଷକମାନଙ୍କୁ ସେମାନଙ୍କ ଫସଲ ପାଇଁ ଉଚିତ ମୂଲ୍ୟ ପ୍ରଦାନ କରାଯିବ…

୬. ଦିଲ୍ଲୀର ଲୋକଙ୍କୁ ପୂର୍ଣ୍ଣ ରାଜ୍ୟର ମାନ୍ୟତା ପ୍ରଦାନ କରିବ…