ଜ୍ୟୋତିଷ ଶାସ୍ତ୍ର ଅନୁଯାୟୀ ଗ୍ରହ-ନକ୍ଷତ୍ର ସମସ୍ତ ଜୀବନରେ ଶୁଭ ବା ଅଶୁଭ ଫଳ ପ୍ରଦାନ କରିଥାଏ। ଅନେକ ଥର,ଜାଣିଶୁଣି କିମ୍ବା ଅଜାଣତରେ, ଆମେ ଏପରି ଭୁଲ୍ କରିଥାଉ ଯାହା ଜୀବନକୁ ପ୍ରଭାବିତ କରିଥାଏ । ଆଉ ମଣିଷ ବୁଝି ବି ପାରେନି କି ସେ କେଉଁ କାରଣରୁ ଫଳ ଭୋଗୁଛନ୍ତି ।ନିଶା ଅଭ୍ୟାସ ଲୋକଙ୍କ ଜୀବନକୁ ନଷ୍ଟ କରି ଦେଇଥାଏ। ଯଦି ଆପଣ କାର କିମ୍ବା ଆଉ କେଉଁଠି ମଦ ପିଉଛନ୍ତି ତେବେ ସାବଧାନ । ନ ହେଲେ ଗ୍ରହ ଆପଣଙ୍କୁ ଶାରୀରିକ ସହିତ ଆର୍ଥିକ କ୍ଷେତ୍ରରେ ମଧ୍ୟ ହାନି ପହଞ୍ଚାଇବ । ଜାଣନ୍ତୁ ମଦ ପିଇବାଦ୍ବାରା କେଉଁ ଗ୍ରହ ଖରାପ ହୋଇଥାଏ।
ଶାସ୍ତ୍ରନୁଯାୟୀ ମଦ ଓ ମାଂସହାରୀ ଭୋଜନ ରାକ୍ଷାସଙ୍କ ପଦାର୍ଥ ବୋଲି ଜଣାଯାଏ। ଏହାର ସେବନ ଦ୍ବାରା ଶନି କ୍ରୋଧିତ ହୁଅନ୍ତି। ଯେବେ ଜଣେ ବ୍ୟକ୍ତି ମଦ ପିଇବା ଆରମ୍ଭ କରେ ତେବେ ଶନି ହାନିକାରକ ହୋଇଯାଆନ୍ତି । ନିଶା ଅଭ୍ୟାସ ପାଇଁ ରାହୁ ମଧ୍ୟ ଅଟନ୍ତି । ରାହୁ ମଧ୍ୟ ଅଶୁଭ ଫଳ ପ୍ରଦାନ କରନ୍ତି । ଧନହାନି ସହିତ ମାନସମ୍ମାନ ବି ଯାଇଥାଏ। ସ୍ବାସ୍ଥ୍ୟ ଓ ଦାମ୍ପତ୍ୟ ଜୀବନରେ ମଧ୍ୟ ରାହୁଙ୍କ କୁପର୍ଭାବ ପଡିଥାଏ।
ଭୋଗିବାକୁ ପଡିଥାଏ ଏହି ପରିଣାମ
ନିଶାରେ ଜଣେ ବ୍ୟକ୍ତିର ବୁଦ୍ଧି ନଷ୍ଟ ହୋଇଯାଏ। ସେ ଭୁଲ ଠିକ ବୁଝିପାରେନି । ଆଉ ଅନୈତିକ କାମ ଆରମ୍ଭ କରିଦିଏ। ଯାହାର ପରିଣାମ ସୂରୁପ ସେ ଶନିଙ୍କ ପ୍ରକୋପର କାରଣ ହୋଇଥାଏ। ଏଭଳି ପରିସ୍ଥିତିରେ ସେହି ବ୍ୟକ୍ତିଙ୍କୁ ରୋଗ ଓ ଧନହାନୀ ଭଳି ସମସ୍ୟା ଦେଖାଦେଇଥାଏ। କାର, ଘର କିମ୍ବା ଅନ୍ୟ କେଉଁସ୍ଥାାନରେ ମଦ ଓ ମାଂସ ଖାଇବା ଧାର୍ମିକ ଦୃଷ୍ଟିରୁ ଠିକ ନୁହେଁ। ଗାଡିର ସମ୍ବନ୍ଧ ଜ୍ୟୋତିଷରେ ଶୁକ୍ର ଓ ଶନି ଗ୍ରହ ଭାବରେ ଜଣାଯାଏ। ଶୁକ୍ରଗ୍ରହ ଯେଉଁଠି ବିଳାସପୂର୍ଣ୍ଣ ଜୀବନ ପ୍ରଦାନ କରିଥାଏ ସେହିଭଳି ଶନି କର୍ମ ଆଧାରରେ ଫଳ ପ୍ରଦାନ କରିଥାଏ। ଶୁକ୍ରଙ୍କ ସମ୍ବନ୍ଧ ଲକ୍ଷ୍ମୀଙ୍କ ସହିତ ରହିଛି। ଆଉ ଲକ୍ଷ୍ମୀଙ୍କୁ ପରିସ୍କାର ପରିଚ୍ଛନ୍ନ ଓ ଶୁଦ୍ଧତା ଅଧିକ ପ୍ରିୟ ଅଟେ। ସେହିପରି ଶନିଙ୍କୁ ଅନୁଶାସନ ଓ ନିୟମ ପ୍ରିୟ ଅଟେ। ସେଥିପାଇଁ କାରରେ ଏହି ସବୁ କାର୍ଯ୍ୟ କରିବା କଥା ନୁହେଁ। ଏଥୁରେ ଦୁଇଟି ଯାକ ଗ୍ରହ ଅଶୁଭ ଫଳ ପ୍ରଦାନ କରିଥାଏ। ଯଦି କାରରେ କିଛି ଦେବାଦେବୀଙ୍କ ଫଟୋ ଆଦି ଲଗାଉଛନ୍ତି ତେବେ କେବେବି ମଦ-ମାଂସ ଆଦି କାରରେ ସେବନ କରନ୍ତୁନି। କାରକୁ ସବୁବେଳେ ସଫା ରଖନ୍ତୁ।
ନିଶା ସେବନରୁ ମୁକ୍ତି ପାଇବାର ଉପାୟ
୧.ଶିବଙ୍କ ଅଂଶ ରୁଦ୍ରାକ୍ଷ ଖରାପ ସାଙ୍ଗ ଓ ଅଭ୍ୟାସକୁ ଦୂର କରିବା ପାଇଁ ବହୁତ ପ୍ରଭାବଶାଳୀ ବୋଲି ବିଶ୍ବାସ ରହିଛି। ନିଶା ଅଭ୍ୟାସରୁ ମୁକ୍ତି ପାଇବା ପାଇଁ ପଞ୍ଚଧାତୁର ଏକମୁଖୀ ରୁଦ୍ରାକ୍ଷ ପିନ୍ଧିବା ଉଚିତ । ଏଥିପାଇଁ ବିଶେଷଜ୍ଞଙ୍କ ପରାମର୍ଶ ମଧ୍ୟ ନିଅନ୍ତୁ |
୨. ରବିବାର ବା ଶୁକ୍ରବାର ଦେବୀଙ୍କ ଉପାସନା କରନ୍ତୁ ।
୩. ନିଶା ସେବନରୁ ମୁ୍କ୍ତି ପାଇବା ପାଇଁ ଶୁକ୍ରବାର ଦିନ ବ୍ରତ ରଖନ୍ତୁ ଓ ଦାନ ଦିଅନ୍ତୁ ।