ସିଡ୍ନୀ,୧୩।୪: ଅଷ୍ଟ୍ରେଲିଆର ସିଡ୍ନୀରେ ଥିବା ଏକ ସପିଂ ମଲ୍ରେ ଛୁରାମାଡ। ସପିଂ ମଲ୍ ଭିତରେ ଛୁରାମାଡ ଯୋଗୁଁ ୬ ଜଣଙ୍କର ମୃତ୍ୟୁ ଜଣଙ୍କ ମୃତ୍ୟୁ ହୋଇଥିବା ବେଳେ ଅନେକ ଆହତ ହୋଇଥିବାର ସୂଚନା ମିଳିଛି। ସନ୍ଦିଗ୍ଧ ଆକ୍ରମଣକାରୀଙ୍କ ସଂଖ୍ୟା ୨ ବୋଲି କୁହାଯାଉଛି। ତାଙ୍କ ଭିତରେ ଜଣକୁ ଅଷ୍ଟ୍ରେଲିଆ ପୋଲିସ ଗୁଳିକରି ମାରିବାରେ ସଫଳ ହୋଇଛି। ଉଲ୍ଲେଖନୀୟ ଯେ, ଏହି ଘଟଣା ଓ୍ବେଷ୍ଟଫିଲ୍ଡ ବଣ୍ଡି ଜଙ୍କସନ୍ ମଲ୍ରେ ସେତେବେଳେ ହୋଇଥିଲା ଯେତେବେଳେ ଶନିବାର ମଧ୍ୟାହ୍ନରେ କିଣାବିକା ପାଇଁ ସେଠାରେ ପ୍ରବଳ ଭିଡ ରହିଥିଲା।
ରିପୋର୍ଟ ମୁତାବକ, ଶୁକ୍ରବାର ଓ୍ୱେଷ୍ଟଫିଲ୍ମ ବୋନି ଜଙ୍କସନ ସପିଂ ସେଣ୍ଟରରେ ଏହି ଘଟଣା ଘଟିଛି। ଏଠାରେ ଦୁଇ ଜଣ ଦୁର୍ବୃତ୍ତ ସପିଂ ମଲରେ ଥିବା ଲୋକଙ୍କ ଉପରୁ ଛୁରା ମାଡ କରିଥିଲେ। ଏଥିରେ ୬ ଜଣଙ୍କର ମୃତ୍ୟୁ ହୋଇଥିବା ବେଳେ ଅନେକ ଆହତ ହୋଇଛନ୍ତି। ଖସି ପଳାଇବାକୁ ଚେଷ୍ଟା କରୁଥିବା ବେଳେ ପୁଲିସ ଗୁଳିରେ ଦୁଇ ଆକ୍ରମଣକାରୀ ମଧ୍ୟ ନିହତ ହୋଇଛି।
ଜଣେ ପ୍ରତ୍ୟକ୍ଷଦର୍ଶୀଙ୍କ କହିବା ମୁତାବକ, ଶୁକ୍ରବାର ଅପରାହ୍ନ ୪ଟା ବେଳେ ଏହି ଘଟଣା ଘଟିଥିଲା। ପୁଲିସ ଘଟଣାସ୍ଥଳରେ ପହଞ୍ଚି ଆକ୍ରମଣକାରୀଙ୍କୁ ଗୁଳି କରିବା ସହ ଆହତଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଛି। ସେହିପରି ସପିଂ ମଲ୍ ଭିତରେ ଥିବା ଅନ୍ୟ ଲୋକଙ୍କୁ ସୁରକ୍ଷିତ ଭାବେ ବାହରକୁ ବାହାର କରାଯାଇଛି।
