ଭୁବନେଶ୍ବର/ନୀଳଗିରି, ୧୬।୪ ୟୁପିଏସସି-୨୦୨୩ ପରୀକ୍ଷା ଫଳ ପ୍ରକାଶ ପାଇଛି। ଏଥିରେ ଓଡିଶା ଝିଅ ଆୟୁଶୀ ପ୍ରଧାନ ୩୬ ତମ ରାଙ୍କ ରଖି ସଫଳତା ହାସଲ କରିଛନ୍ତି। ଏଥିସହ ନୀଳଗିରି ମାଟି ପାଇଁ ଗର୍ବ ଗୌରବ ଆଣିଛନ୍ତି ଆୟୁଶୀ । ତାଙ୍କର ଏହି ସଫଳତା ପାଇଁ ବାଜିରାଓ ଆଇଏଏସ ଏକାଡେମୀ ପକ୍ଷରୁ ତାଙ୍କୁ ଶୁଭେଛା ଜଣାଇବା ସହ ତାଙ୍କର ଉଜ୍ବଳ ଭବିଷ୍ୟତ କାମନା କରିଛି।
ତେନ୍ତୁଳିଆ ପଞ୍ଚାୟତର ବାଲିସାହି ଗ୍ରାମର ଆକ୍ସିସ ବ୍ୟାଙ୍କ ର୍ ଭାଇସ ପ୍ରେସିଡେଣ୍ଟ ଚିତ୍ତରଞ୍ଜନ ପ୍ରଧାନ ଓ ସ୍ମିତା ପ୍ରଧାନଙ୍କ ଝିଅ ହେଉଛନ୍ତି ଆୟୁଶୀ। ସେ ତାଙ୍କ ପିତା ଓ ମାତା ସହ ଭୁବନେଶ୍ୱର ରେ ପଢ଼ାପଢ଼ି କରୁଥିଲେ। ବର୍ତ୍ତମାନ ସେ ଦିଲ୍ଲୀରେ ଆଇଡିଇଏସରେ ଟ୍ରେନିଂ ନେଉଛନ୍ତି। ତାଙ୍କର ଏହି ସଫଳତାକୁ ନେଇ ନୀଳଗିରିରେ ଖୁସିର ଲହରୀ ଖେଳିଯାଇଛି।
