ଭୁବନେଶ୍ୱର,୩୦/୦୧: ମଙ୍ଗଳବାର ଯୋଗ ଗୁରୁ ବାବା ରାମଦେବଙ୍କ ମହମ ପ୍ରତିମୂର୍ତ୍ତୀ (ୱାକ୍ସ ଷ୍ଟାଚୁ) ଦିଲ୍ଲୀର ମାଡାମ ତୁଷାଡ ନ୍ୟୁୟର୍କ ମ୍ୟୁଜିୟମଠାରେ ଉନ୍ମୋଚନ ହେବ । ଏହି ମ୍ୟୁଜିୟମରେ ପ୍ରଥମଥର ପାଇଁ ଜଣେ ଭାରତୀୟ ସନ୍ୟାସୀଙ୍କ ପ୍ରତିମୂର୍ତ୍ତୀକୁ ସ୍ଥାନିତ କରାଯାଉଛି ।
ଭାରତୀୟ ସଂସ୍କୃତି, ସନାତନ ଏବଂ ଯୋଗ ପରମ୍ପରାକୁ ବିଶ୍ୱ ସ୍ତରରେ ପହଞ୍ଚାଇବା ଦିଗରେ ଏଭଳି ପ୍ରୟାସ କରାଯାଇଛି । ଯୋଗ ଏବଂ ଭାରତୀୟ ସଂସ୍କୃତିକୁ ଲୋକାଦୃତ କରାଇବା ଦିଗରେ ବାବା ରାମଦେବ ନିରନ୍ତର ପ୍ରୟାସ ଜାରି ରଖିଛନ୍ତି । ତାଙ୍କର ଏହି ଉଦ୍ୟମକୁ ସମ୍ମାନ ଜଣାଇ ମହମ ପ୍ରତିମୂର୍ତ୍ତି ସ୍ଥାପନ କରାଯାଉଛି। ଏହି ଅବସରରେ ଅନୁଷ୍ଠିତ ହେବାକୁ ଥିବା ସ୍ୱତନ୍ତ୍ର କାର୍ଯ୍ୟକ୍ରମରେ ରାମଦେବ ଅତିଥି ଭାବେ ଯୋଗ ଦେବାର କାର୍ଯ୍ୟକ୍ରମ ରହିଛି । କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ମାଡାମ ତୁଷାଡ ନ୍ୟୁୟର୍କ-ମର୍ଲିନ ଏଣ୍ଟରଟେନମେଣ୍ଟର ମାର୍କେଟିଂ ମୁଖ୍ୟ ଟିଆଗୋ ମୁଗାଦୌରୋ, ପତଞ୍ଜଳୀ ଯୋଗପୀଠର ସହ ସଂସ୍ଥାପକ ଆଚାର୍ଯ୍ୟ ବାଳକୃଷ୍ଣ,ପତଞ୍ଜଳୀ ଯୋଗପୀଠ (ୟୁକେ) ଟ୍ରଷ୍ଟର ପ୍ରତିଷ୍ଠାତା ଟ୍ରଷ୍ଟି ସୁନିତା ପୋଦ୍ଦାର ପ୍ରମୁଖ ଯୋଗଦେବେ।