କୋଲକାତା,୨୫।୫: ଲୋକସଭା ନିର୍ବାଚନର ଷଷ୍ଠ ପର୍ଯ୍ୟାୟରେ ଭୋଟ୍ ଦେବାବେଳେ ପଶ୍ଚିମବଙ୍ଗର ଝାଡଗ୍ରାମ୍ରେ ବିଜେପି ପ୍ରାର୍ଥୀଙ୍କ ଉପରେ ଆକ୍ରମଣ। ବିଜେପି ପ୍ରାର୍ଥୀ ପ୍ରଣତ ଟୁଡୁଙ୍କ ଟିମ୍ ଉପରେ କରାଯାଇଛି। ଯେଉଁଥିରେ ତାଙ୍କ ସୁରକ୍ଷାକର୍ମୀ ମଧ୍ୟ ଆହତ ହୋଇଛନ୍ତି। ଆକ୍ରମଣ ପାଇଁ ବିଜେପି ନେତା ଶାସକ ଦଳ ତୃଣମୂଳ କଂଗ୍ରେସ (ଟିଏମସି) କର୍ମୀଙ୍କୁ ଦାୟୀ କରିଛନ୍ତି।
ଘଟଣାର ଏକ ଭିଡିଓରେ ଦେଖିବାକୁ ମିଳିଛି କିଛି ଲୋକ ଟେକା ପଥର ଫିଙ୍ଗି ବିଜେପି ପ୍ରାର୍ଥୀ, ତାଙ୍କ ସୁରକ୍ଷାକର୍ମୀ ଏବଂ ବହୁ ଗଣମାଧ୍ୟମ ପ୍ରତିନିଧିଙ୍କ ଟିମ୍କୁ ଗୋଡ଼ାଉଛନ୍ତି। ତେବେ ଆକ୍ରମଣର ଶିକାର ହୋଇଥିଲେ ବିଜେପି ନେତା ସୁରକ୍ଷାକର୍ମୀ। ଲୋକମାନେ ବିଜେପି ନେତାଙ୍କ କାର ମଧ୍ୟ ଭାଙ୍ଗି ଦେଇଛନ୍ତି।।
#WATCH | West Bengal | BJP candidate from Jhargram Lok Sabha seat, Pranat Tudu was attacked allegedly by miscreants when he was visiting booth number 200 in Monglapota in the parliamentary constituency today pic.twitter.com/bfEYH7KgXT
— ANI (@ANI) May 25, 2024
ଏହି ଲୋକସଭା ଆସନରୁ ପାଇଁ ଟୁଡୁଙ୍କ ଲଢେଇ ତୃଣମୂଳ କଂଗ୍ରେସର କାଳିପଦ ସୋରେନ ଏବଂ ସିପିଆଇ (ଏମ) ର ସୋନାମଣିଙ୍କ ବିରୋଧରେ ହୋଇଥିଲା। ବିଜେପିର ଅଭିଯୋଗକୁ ଖଣ୍ଡନ କରି ଟିଏମସି କହିଛି, ଟୁଡୁଙ୍କ ସୁରକ୍ଷା କର୍ମୀ ଜଣେ ମହିଳାଙ୍କୁ ଆକ୍ରମଣ କରିଥିଲେ। ଜଣେ ମହିଳା ଗରବେଟାସ୍ଥିତ ଏକ ମତଦାନ ବୁଥ ବାହାରେ ଭୋଟ୍ ଦେବା ପାଇଁ ଅପେକ୍ଷା କରିଥିଲେ। ସେହି ସ୍ଥାନରେ ଏହି ଘଟଣା ଘଟିଛି।