ପ୍ରମୁଖ ଖବର
  • କାମାକ୍ଷାନଗର: ଅଜଣା ଗାଡ଼ି ଧକ୍କା ରେ ସାଇକେଲ ଆରୋହୀ ଙ୍କ ମୃତ୍ୟୁ, କ୍ଷତିପୂରଣ ଦାବିରେ ସ୍ଥାନୀୟ ଲୋକଙ୍କ ରାସ୍ତା ରୋକ
  • ||
  • ଆସିଲା ବିଜେଡି ଷଷ୍ଠ ପର୍ଯ୍ୟାୟ ପ୍ରାର୍ଥୀ ତାଲିକା, ଚମ୍ପୁଆରୁ ସନାତନ ମହାକୁଡ଼, ବଡଚଣାରୁ ବର୍ଷା ପ୍ରିୟଦର୍ଶିନୀ
  • ||
  • ଦିଲ୍ଲୀପ ରାୟଙ୍କ ରାସ୍ତାରେ ନିହାର କଣ୍ଟା ! ପ୍ରାର୍ଥୀ ଚୟନକୁ ନେଇ ଦେଖା ଦେଇଛି ବିବାଦ
  • ||
  • ଆଜି ପ୍ରକାଶ ପାଇବ ୟୁଜିସି-ନେଟ୍‌ ଜୁନ୍‌ ସେସନ୍‌-୨୦୨୪ ଆବେଦନ ପ୍ରକ୍ରିୟା
  • ||
  • ବାଇକ୍‌କୁ ଧକ୍କା ଦେଲା ଆମ୍ଵୁଲାନ୍ସ, ଦୁଇ ଶିଶୁଙ୍କ ଆଖି ଆଗରେ ଚାଲିଗଲା ବାପା-ମାଙ୍କ ଜୀବନ
  • ||
  • ହୀରାକୁଦରେ ଡଙ୍ଗା ବୁଡି ଟ୍ରାଜେଡି: ମୃତ୍ୟୁ ସଂଖ୍ୟା ୭କୁ ବୃଦ୍ଧି, ଜଣେ ଏବେ ବି ନିଖୋଜ
  • ||
  • ମେ'୧ରୁ ପର୍ଯ୍ୟଟକଙ୍କ ପାଇଁ ବନ୍ଦ ରହିବ ଭିତରକନିକା
  • ||
  • ଶନିବାର ବାହୁଡ଼ିବେ ମହାପ୍ରଭୁ ଶ୍ରୀଲିଙ୍ଗରାଜ: ଦିନ ସାଢ଼େ ୧ରେ ପହଣ୍ଡି, ସାଢେ ୩ଟାରେ ରଥଟଣା
  • ||
  • ଶନିବାର ବିଶ୍ବପ୍ରସିଦ୍ଧ ରଥଯାତ୍ରା ପ୍ରଥମ ସମନ୍ୱୟ ବୈଠକ, ଅଧ୍ୟକ୍ଷତା କରିବେ ଆର୍‌ଡିସି
  • ||
  • ଆଜି ବି ଅତି ଭୀଷଣ ଗ୍ରୀଷ୍ମପ୍ରବାହ, ୨୧ ଯାଏ ନିସ୍ତାର ନାହିଁ, କାଳବୈଶାଖୀ ପାଇଁ କମିପାରେ ତାତି
  • ||
  • IPL ୨୦୨୪: ଆଜି ଦିଲ୍ଲୀ-ହାଇଦ୍ରାବାଦ ଲଢ଼େଇ, କ୍ୟାପିଟାଲ୍ସ ଗଡ଼ ଧ୍ୱଂସ ପଥରେ ସନରାଇଜର୍ସ
  • ||
  • ହୀରାକୁଦରେ ଡଙ୍ଗା ବୁଡି ଟ୍ରାଜେଡି, ଦୁଇ ମୃତ, ୭ ନିଖୋଜ, ସକାଳୁ ଉଦ୍ଧାର କାର୍ଯ୍ୟ ଆରମ୍ଭ
  • ||

ଆପ୍‌ ନେତାଙ୍କୁ ୧୦୦ କୋଟି ଟଙ୍କା ଦେଇଛନ୍ତି କେ. କବିତା: ପ୍ରବର୍ତ୍ତନ ନିର୍ଦ୍ଦେଶାଳୟ

ନୂଆଦିଲ୍ଲୀ: ଦିଲ୍ଲୀ ଅବକାରୀ ଦୁର୍ନୀତି ମାମଲାରେ ବିଆରଏସ୍‌ ନେତ୍ରୀଙ୍କ ସଂପୃକ୍ତି ଥିବା ନେଇ ପ୍ରବର୍ତ୍ତନ ନିର୍ଦ୍ଦେଶାଳୟ ଦାବି କରିଥିଲା । ଏପରିକି ଏହି ମାମଲାରେ ଇଡି ତାଙ୍କୁ ଗିରଫ କରି ଦିଲ୍ଲୀକୁ ଆଣିସାରିଛି । ଦିଲ୍ଲୀ ଅବକାରୀ ଦୁର୍ନୀତି ମାମଲାରେ ସାଉଥ୍‌ ଗ୍ରୁପ୍‌ର ସଂପୃକ୍ତି ନେଇ ଇଡି ଦାବି କରିଆସୁଥିବା ବେଳେ ମାର୍ଚ୍ଚ ୧୫ରେ କେ. କବିତାଙ୍କୁ ହାଇଦ୍ରବାଦାର ବଞ୍ଜାରା ହିଲ୍ସ ସ୍ଥିତ ତାଙ୍କ ବସଭବନରୁ ଗିରଫ କରିଥିଲା ।  ଆଉ ଏବେ କେ. କବିତାଙ୍କ ଉପରେ ଇଡି ସଙ୍ଗୀନ ଅଭିଯୋଗ ଆଣିଛି । 

ଅବକାରୀ ଦୁର୍ନୀତି ମାମଲାରେ ଆମ ଆଦମୀ ପାର୍ଟି (ଆପ୍‌) ସଂଯୋଜକ ଓ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ ଏବଂ ମନୀଷ ସିସୋଦିଆଙ୍କ ମଧ୍ୟରେ ୧୦୦ କୋଟି ଟଙ୍କାର ନେଣଦେଣ ହୋଇଛି, ଏଥିରେ କେ. କବିତା ସାମିଲ ଥିଲେ । ତଦନ୍ତରୁ ଏନେଇ ଜାଣିବାକୁ ପାଇଛି ପ୍ରବର୍ତ୍ତନ ନିର୍ଦ୍ଦେଶାଳୟ । ଦିଲ୍ଲୀର ଏକ କୋର୍ଟ ମାର୍ଚ୍ଚ ୧୬ରେ ଇଡିର ଆବେଦନ ପରେ କେ. କବିତାଙ୍କୁ ମାର୍ଚ୍ଚ ୨୩ ଯାଏଁ ବିଚାର ବିଭାଗୀୟ ହାଜତକୁ ପଠାଇଛନ୍ତି ।  

ଇଡିର କହିବା ଅନୁସାରେ, ତଦନ୍ତରୁ ଜଣାପଡ଼ିଛି ନୂଆ ଅବକାରୀ ନୀତିର ଲାଭ ଉଠାଇବାକୁ କେ କବିତା ଆପ୍‌ର ନେତା, ମୁଖ୍ୟମନ୍ତ୍ରୀ କେଜ୍ରିଓ୍ବାଲ ଏବଂ ତତ୍କାଳୀନ ଉପମୁଖ୍ୟମନ୍ତ୍ରୀ ସିସୋଦିଆଙ୍କ ସହ ମିଶି ଯୋଜନା କରିଥିଲେ । ବ୍ୟକ୍ତିଗତ ଫାଇଦା ଉଠାଇବାକୁ ଆପ୍‌ ନେତାଙ୍କ ପାଖରେ ୧୦୦ କୋଟି ଟଙ୍କା ପହଞ୍ଚାଇଛନ୍ତି କବିତା । ସେପଟେ ଇଡି ପକ୍ଷରୁ ଏନେଇ କୁହାଯିବା ପରେ ଏବେ ଦିଲ୍ଲୀ ମୁଖ୍ୟମନ୍ତ୍ରୀ କେଜ୍ରିଓ୍ବାଲଙ୍କ ପାଇଁ ଆହୁରି ଅଡ଼ୁଆ ବଢ଼ିପାରେ ବୋଲି କୁହାଯାଉଛି । 

ଇଡି ଆହୁରି ଖୁଲାସା କରିଛି ଯେ, ନୂଆ ଅବକାରୀ ନୀତି ମାଧ୍ୟମରେ ବଡ଼ ଦୁର୍ନୀତି କରାଯାଇଛି  । ହୋଲସେଲରଙ୍କ ମାଧ୍ୟମରେ ଲଗାତାର ଆପ ନେତାଙ୍କ ପାଖରେ ଲାଞ୍ଚ ପହଞ୍ଚାଯାଇଛି । ମଦ ମାଫିଆ ଦେଇଥିବା କୋଟି କୋଟି ଟଙ୍କା ଲାଞ୍ଚ ଆକାରରେ ଦିଆଯାଇଥିବା ବେଳେ ଏହି ଅର୍ଥକୁ ମଦ ଉପରେ ଦାମ ବଢ଼ାଇ ଆଦାୟ କରିବାକୁ ଯୋଜନା ହୋଇଥିଲା ବୋଲି ଇଡି ପକ୍ଷରୁ କୁହାଯାଇଛି । ଆଉ ଏଥିରେ କେ. କବିତାଙ୍କ ଭୂମିକା ରହିଥିବା ନେଇ କେନ୍ଦ୍ରୀୟ ତଦନ୍ତ ଏଜେନ୍ସି ଦାବି କରିଛି ।

ଅନ୍ୟପଟେ ଦିଲ୍ଲୀ ଅବକାରୀ ଦୁର୍ନୀତିରେ ସାଉଥ ଗ୍ରୁପ୍‌ ଲବି ଖୁବ କାର୍ଯ୍ୟ କରୁଥିଲା । ହେଲେ ଏହି ଅବକାରୀ ନୀତି ରଦ୍ଦ ହୋଇସାରିଛି । ଆଉ ଏହି ମାମଲାରେ କେ. କବିତାଙ୍କ ସଂପୃକ୍ତି ନେଇ ଦାବି କରୁଛି ଇଡି । ଏପରିକି ତାଙ୍କୁ ଗିରଫ କରି ପଚରା ଉଚରା ଜାରି ରଖିଛି କେନ୍ଦ୍ରୀୟ ତଦନ୍ତ ଏଜେନ୍ସି ।

  • telengana
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.