ନୂଆଦିଲ୍ଲୀ,୧୬।୪: ଭିଡିଓ ଦେଖିବାର ସବୁଠାରୁ ଅଧିକ ପସନ୍ଦ କରାଯାଉଥିବା ପ୍ଲାଟଫର୍ମ ୟୁଟ୍ୟୁବ୍ ନିଜ ୟୁଜର୍ସଙ୍କ ପାଇଁ ଏକ ନୂଆ ନିୟମ ଆଣିଛି। ଏହି ନିୟମ ୟୁଟ୍ୟୁବ୍ ଆଡ୍ ବା ବିଜ୍ଞାପନକୁ ନେଇ ହୋଇଛି। ୟୁଟ୍ୟୁବ୍ରେ ପ୍ରାୟତଃ ଆଡ୍ ଦେଖିବା କାହାକୁ ପସନ୍ଦ ନୁହେଁ ଓ ଏହି କାରଣରୁ କିଛି ଲୋକ ୟୁଟ୍ୟୁବ୍ ଆଡ୍ରୁ ରକ୍ଷା ପାଇବା ପାଇଁ ଆଡ୍ ବ୍ଲକର ବ୍ୟବହାର କରନ୍ତି। ଆଡ୍ ବ୍ଲକର ଟୁଲ୍ ଦ୍ବାରା ଭିଡିଓ ଭିତରେ ଥିବା ଆଡ୍ ଦେଖିବାକୁ ମିଳିନଥାଏ।
କିନ୍ତୁ ଏବେ କମ୍ପାନୀ ଥାର୍ଡ ପାର୍ଟି ଆପ୍ ଦ୍ବାରା ୟୁଟ୍ୟୁବ୍ ଆଡ୍କୁ ବ୍ଲକ୍ କରୁଥିବା ୟୁଜର୍ସଙ୍କ ଉପରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରୁଛି। ଏବେ କମ୍ପାନୀ ଆଡ୍ ବ୍ଲକ୍ର ଉପଯୋଗ କରୁଥିବା ୟୁଜରଙ୍କୁ ବ୍ୟାନ୍ କରିବା ଆରମ୍ଭ କରିଦେଇଛି। ନିକଟରେ ଅପଡେଟ୍ରେ ଯେଉଁ ୟୁଜର୍ସ ଥାର୍ଡ ପାର୍ଟି ଆଡ୍ ସଫ୍ଟଓ୍ବେରର ଉପଯୋଗ କରୁଛନ୍ତି, ତାଙ୍କୁ ବଫରିଂ ସମସ୍ୟାର ସାମନା କରିବାକୁ ପଡୁଛି। ଏହାଛଡା ୟୁଟ୍ୟୁବ୍ ସେହି ୟୁଜର୍ସଙ୍କ ଭିଡିଓ ଦେଖିବା ବ୍ୟାନ୍ କରିବା ଆରମ୍ଭ କରିଦେଇଛି, ଯାହାଙ୍କ ପାଖରେ ଆଡ୍ ବ୍ଲକ୍ ଏକ୍ସଟେନସନ୍ ଆକ୍ଟିଭ ରହିଛି।
ୟୁଟ୍ୟୁବ୍ କହିଛି, ଯେତେବେଳେ ଆମକୁ କୌଣସି ଏଭଳି ୟୁଜର ମିଳିବେ, ଯିଏ ସେହି ସର୍ତ୍ତର ଉଲଂଘନ କରୁଛନ୍ତି, ତେବେ ଆମେ ତାକୁ ବ୍ୟାନ୍ କରିଦେବୁ। ୟୁଟ୍ୟୁବ୍ ଆଡ୍ ଫ୍ରି ଭିଡିଓ ଦେଖିବା ପାଇଁ ୟୁଜର୍ସଙ୍କୁ ୟୁଟ୍ୟୁବ୍ ପ୍ରିମିୟମର ସବସ୍କ୍ରିପସନ୍ ନେବାକୁ କୁହାଯାଇଛି।