ପ୍ରମୁଖ ଖବର
  • ଚଣ୍ଡିଗଡ଼ ମେୟର ନିର୍ବାଚନ: ଆପ୍‌ ପ୍ରାର୍ଥୀ ବିଜୟୀ , ଫଳାଫଳ ଘୋଷଣା କଲେ ସୁପ୍ରିମକୋର୍ଟ
  • ||
  • ଭାରତ-ଇଂଲଣ୍ଡ ଚତୁର୍ଥ ଟେଷ୍ଟ: ଇଣ୍ଡିଆନ୍ ସ୍କ୍ବାର୍ଡକୁ ଫେରିବେ କେ.ଏଲ୍‌ ରାହୁଲ
  • ||
  • କଣ୍ଟାବାଞ୍ଜି ବିଧାୟକଙ୍କୁ ହତ୍ୟା ଧମକ ଘଟଣା, ନଗର କଂଗ୍ରେସ କମିଟି ପକ୍ଷରୁ ୧୨ ଘଣ୍ଟିଆ ବନ୍ଦ ପାଳନ
  • ||
  • ମଙ୍ଗଳବାର ଦିନିକିଆ ସମ୍ବଲପୁର ଗସ୍ତରେ ଆସୁଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଲୋକାର୍ପଣ ହେବ ସ୍କିଲ୍‌ ଇଣ୍ଡିଆ ସେଣ୍ଟର
  • ||
  • ମାଟ୍ରିକ୍ ପରୀକ୍ଷା ପୂର୍ବରୁ ଝୁଲିପଡିଲେ ଛାତ୍ର, ମୃତ୍ୟୁର କାରଣ ଅସ୍ପଷ୍ଟ
  • ||
  • ଶ୍ରୀମନ୍ଦିର ପ୍ରଶାସନ ପକ୍ଷରୁ ୨୦୨୪-୨୫ ପର୍ବପର୍ବାଣୀ ତାଲିକା ପ୍ରକାଶ: ଜୁନ୍‌ ୨୨ରେ ସ୍ନାନ ଯାତ୍ରା, ଜୁଲାଇ ୭ରେ ଶ୍ରୀଗୁଣ୍ଡିଚା
  • ||
  • ରାଜ୍ୟର ୯୬ ଲକ୍ଷ ପରିବାରକୁ ମିଳିବ ହଜାରେ ଲେଖାଏଁ, ଆଜି ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ବୁର୍ଜା ଛକ ନିକଟରେ ଦୁଇ ବାଇକ୍ ମୁହାଁମୁହିଁ ଧକ୍କା: ଚାଲିଗଲା ଦୁଇ ଜୀବନ, ୨ ଆହତ
  • ||
  • ମଙ୍ଗଳବାର ବରଗଡ଼ ଗସ୍ତରେ ଯିବେ ମୁଖ୍ୟମନ୍ତ୍ରୀ, ଗଙ୍ଗାଧର ସେଚ ପ୍ରକଳ୍ପର କରିବେ ଲୋକାର୍ପଣ
  • ||
  • ମାଘରେ ବଢ଼ୁଛି ତାତି: ଟିଟଲାଗଡ଼ ପାଲଟିଲାଣି ତତଲା ସହର, ୩୬ ଡିଗ୍ରୀ ପାର୍ ତାପମାତ୍ରା, ୨୪ରୁ ଘଡଘଡି ସହ ବର୍ଷା ସମ୍ଭାବନା
  • ||
  • ମଙ୍ଗଳବାରଠୁ ମାଟ୍ରିକ ପରୀକ୍ଷା: ୫ଲକ୍ଷ ୫୧ ହଜାର ୬୨୧ଛାତ୍ରଛାତ୍ରୀ ଦେବେ ପରୀକ୍ଷା, କପି ଜଗିବ AI କ୍ୟାମେରା
  • ||

କେରାଣ୍ଡି ଖାଇବାକୁ ଯାଇ ବନଶୀ କଣ୍ଟାରେ ଲାଖିଲା ପାଣିକୁଆ, ଉଦ୍ଧାର କଲା ସ୍ନେକ୍ ହେଲ୍ପଲାଇନ୍

ପୁରୀ, ୧୨/୦୨ : ପୁରୀ ଜିଲ୍ଲା ତେଇଶିପୁର ଗ୍ରାମର ନିରଞ୍ଜନ ସେଠୀ ପାଣି ଜୋର ଭିତରେ ଏକ ପାଣିକୁଆ ଛଟପଟ ହେଉଥିବାର ଦେଖିଥିଲେ। ପାଣିକୁଆଟି ଉଡିବାକୁ ଚେଷ୍ଟା କରୁଥିଲେ ମଧ୍ୟ ସେ ଆଦୌ ଉଡ଼ି ପାରୁନଥିଲା। ନିରେଖି ଦେଖିବାରୁ ପକ୍ଷୀଟିର ଥଣ୍ଟ ଏକ ବନିଶୀ କଣ୍ଟାରେ ଲାଖିଥିବା ଜାଣି ପାରିଲେ ନିରଞ୍ଜନ। ଏକୁଟିଆ ଉଦ୍ଧାର କରିବା ପାଇଁ ବାଟ ନପାଇ ସ୍ଥାନୀୟ ସ୍ନେକ୍ ହେଲ୍ପ ଲାଇନ ସଦସ୍ୟ ସୁଶାନ୍ତ କୁମାର ବେହେରାଙ୍କୁ ଖବର ଦେଇଥିଲେ। ସୁଶାନ୍ତ ଘଟଣା ସ୍ଥଳରେ ପହଞ୍ଚି ପାଣି ଭିତରେ ପଶି ପ୍ଲାଷ୍ଟିକ ଡୋରରେ ଲାଗିଥିବା ପାଣି କୁଆକୁ ଉପରକୁ ଆଣିଥିଲେ। ବନଶି କଣ୍ଟାଟି ପାଣିକୁଆର ତଳପଟ ଥଣ୍ଟରେ ପଶି ଯାଇଥିଲା । ଯାହା ଫଳରେ ପକ୍ଷୀଟି ଛଟପଟ ହେଉଥିଲା ସିନା କିନ୍ତୁ ପ୍ଲାଷ୍ଟିକ ଡୋରକୁ ଛିଣ୍ଡେଇ ମୁକ୍ତ ହେବା ପାଇଁ ତାର ବଳ ପାଇନଥିଲା।

ନିରଞ୍ଜନଙ୍କ ସହାୟତାରେ ସୁଶାନ୍ତ ବନଶୀ କଣ୍ଟାରେ ଲାଗିଥିବା ପ୍ଲାଷ୍ଟିକ ଡୋରକୁ କାଟିବା ପରେ ଓଲଟା ପଟେ ଧୀରେ ଧୀରେ ବାହାର କରିଦେଇଥିଲେ । ପାଣିକୁଆଟିର ବିଶେଷ କିଛି କ୍ଷତି ହୋଇନଥିଲା । ତେଣୁ ସେହି ସ୍ଥାନରେ ତାକୁ ଛାଡି ଦେବା ପାଇଁ ସ୍ଥିର କରିଥିଲେ ସୁଶାନ୍ତ । କେଇ ସେକେଣ୍ଡ ହାତ ଉପରେ ସ୍ଥିର ହୋଇ ବସିବା ପରେ ପାଣିକୁଆଟି ଉଡ଼ିଯାଇଥିଲା । ସୁଶାନ୍ତ କହିଛନ୍ତି ଯେ, "ସ୍ଥାନୀୟ କେହି ବ୍ୟକ୍ତି ଶେଉଳ ମାଛ ଧରିବା ପାଇଁ ବନଶୀ କଣ୍ଟାରେ କେରାଣ୍ଡି ମାଛ ଗୁନ୍ଥି ଜୋରରେ ପକାଇଥିଲା। କେରାଣ୍ଡି ମାଛଟିକୁ ଖାଇବାକୁ ଯାଇ ପାଣିକୁଆଟିର ତଳପଟ ଥଣ୍ଟରେ କଣ୍ଟାଟି ଗଳି ଯାଇଥିଲା"।

ସ୍ନେକ୍ ହେଲ୍ପ ଲାଇନର ସାଧାରଣ ସମ୍ପାଦକ ଶୁଭେନ୍ଦୁ ମଲ୍ଲିକ କହିଛନ୍ତି " ପାଣିକୁଆଟି ମୋଟା ପ୍ଲାଷ୍ଟିକ ଡୋରଟିକୁ ଛିଣ୍ଡେଇ ନିଜେ ନିଜେ ମୁକ୍ତ ହେବା ଅସମ୍ଭବ ଥିଲା । ଏଣୁ, କମ୍ ଦିନରେ ଖାଦ୍ୟ ଗ୍ରହଣ କରି ନପାରି ତାର ମୃତ୍ୟୁ ହୋଇଥାଆନ୍ତା। ଅନ୍ୟ ଶିକାରୀ ପକ୍ଷୀ ବା ସ୍ତନ୍ୟପାୟୀମାନେ ମଧ୍ୟ ପାଣିକୁଆଟିକୁ ଆକ୍ରମଣ କରିବା ପାଇଁ ସୁଯୋଗ ପାଇଥାନ୍ତେ। ତେବେ ଯିଏବି ପାଣି କୁଆକୁ ଗିଳିବା ପାଇଁ ଚେଷ୍ଟା କରିଥାନ୍ତା, ବନଶୀ କଣ୍ଟାଟି ତା ପାଇଁ ମଧ୍ୟ ସମସ୍ୟା ସୃଷ୍ଟି କରିଥାନ୍ତା"।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.