ଭୁବନେଶ୍ୱର ୨୫/୦୮: ଶଙ୍ଖ ଭବନରେ ତାଲିମ ନେବେ ବିଜେଡି ବିଧାୟକ। ପ୍ରଶିକ୍ଷଣ ଶିବିରକୁ ଉଦ୍‌ଘାଟନ କଲେ ଦଳୀୟ ସୁପ୍ରିମୋ ନବୀନ ପଟ୍ଟନାୟକ। ନୂଆ ବିଧାୟକଙ୍କୁ ବରିଷ୍ଠ ବିଜେଡି ନେତା ଦେବେ ଟ୍ରେନିଂ।

ସୂଚନା ମୁତାବକ, ରବିବାର ଦଳର ବିଧାୟକଙ୍କୁ ତାଲିମ ଦେବାକୁ ଶଙ୍ଖ ଭବନରେ ପ୍ରଶିକ୍ଷଣ କାର୍ଯ୍ୟକ୍ରମ ଆରମ୍ଭ ହୋଇଛି । କାର୍ଯ୍ୟକ୍ରମରେ ନବାଗତଙ୍କ ସମେତ  ଦଳର ସମସ୍ତ ୫୧ ବିଧାୟକ ଉପସ୍ଥିତ ହୋଇଛନ୍ତି । ବିରୋଧୀ ଦଳ ନେତା ତଥା ବିଜେଡି ସଭାପତି ନବୀନ ପଟ୍ଟନାୟକ ଏହି ପ୍ରଶିକ୍ଷଣ କାର୍ଯ୍ୟକ୍ରମର ଉଦ୍‌ଘାଟନ କରିବା ପରେ ଟ୍ରେନିଂ ଆରମ୍ଭ ହୋଇଛି । ଏହି ପ୍ରଶିକ୍ଷଣ କାର୍ଯ୍ୟକ୍ରମରେ ସବୁଠାରୁ ଅଭିଜ୍ଞ ବିଧାୟକ ରଣେନ୍ଦ୍ର  ପ୍ରତାପ ସ୍ୱାଇଁ, ଗଣେଶ୍ୱର ବେହେରା,  ବିକ୍ରମ କେଶରୀ ଆରୁଖ, ପ୍ରତାପ କେଶରୀ ଦେବ, ବରିଷ୍ଠ ନେତା  ପ୍ରଫୁଲ୍ଲ ସାମଲ, ପ୍ରମିଳା ମଲ୍ଲିକ,  ଅତନୁ ସବ୍ୟସାଚୀ ନାୟକ, ପ୍ରଦୀପ  ଅମାତ ପ୍ରମୁଖ ବିଧାୟକମାନଙ୍କୁ ଜ୍ଞାନ ପ୍ରଦାନ କରିବେ ।